VOV4.Sêdang - A mâu thôn Phú Xuân, Đồng Tiến, cheăm Dak Nia, pơlê kong krâm Gia Nghĩa, kong pơlê Daknông hr^ng rơpo\ng kuăn pơlê hiăng pêt, rak ngăn, mơjiâng kơdrum tiêu ngiât le\m [a\ plâi kơtốu. Cho plâi ki pá tung rak ngăn, tơ’lêi tro tâ pơrea\ng, laga kơnâ liăn. Vâi krâ nho\ng o a Dak Nia hâk vâ pêt tiêu [a\ rak ngăn dêi krâu khât, tơtro tiô pơkâ, xua mê hên [a\ng deăng pêi lo châ 5 troh 7 ta#n tung môi hectar. Kố xuân cho kơpong pêt tiêu nếo châ pơ-ô pơ-eăng, mơhnhôk hên kuăn pơlê pêi chiâk deăng troh lăm ngăn hriâm kih thua#t rak ngăn. Ngế chêh hlá tơbeăng ai chêh tối ‘na tơdroăng mê:

            Kơtăn kố lối 3 hơnăm, drêng kơdrum kơphế hiăng krâ, pêi lo liăn, rơpo\ng jâ Hoàng Thị Ngọc Phượng, ối a thôn Phú Xuân, cheăm Dak Nia, pơlê kong krâm Gia Nghĩa, kong pơlê Daknông hiăng lâk tah dêi xiâm kơphế [a\ hơ’lêh pêt tiêu. Jâ Phượng tối ăm ‘nâi, ki a hdrối thế rah roê hdrê tiêu, ai ivá kâi trâng [a\ pơrea\ng, kong prâi; hdrê tiêu thế ‘nâi xiâm kối. Jâ Phượng mơ’no liăn roê rơpâu to loăng ki ối drêh, rơpâu met klo\ng chuâ têa [a\ tơtro\ng tung rak ngăn, rơvât phon ăm tiêu. Tung tơdroăng rak ngăn, kơdrum tiêu kố đi đo châ tróu tơkâng loăng ki tiêu hếo, vâ tơku\m trếo kơhiâm păn kông, plâi tiêu; pôe tah mâu kông tiêu ki tâ pơrea\ng, tơkâng ki krâ, hlá ki a chê tơnêi, kum tiêu xông kân rơdêi [a\ iâ tro kơmeăn ing tơnêi. Kơnôm rak ngăn tro, kơdrum tiêu rơpo\ng jâ Phượng hiăng lối 3 hơnăm, hmâ pêi lo vâ chê 4 ta#n môi hectar. Jâ Hoàng Thị Ngọc Phượng tối, túa ki rơkê tơtro tung pêt, rak ngăn tiêu: Têa, ôh tá ăm têa toăng tung klôh tiêu, thế ăm têa ai troăng lo pá kong, phon eâk ro thế đi đo mơ-u\m, 1 hơnăm rơvât 2 troh 3 roh, xuân ôh tá rơvât hên, phon thế rah xo phon ki dâi le\m. {a\ trăng tiêu, loăng ki drêh, ối rêh gá pro xâp rơngiâp ăm tiêu’’.

            Jâ Lê Thị Nhàn, ối a thôn Đồng Tiến, cheăm Dak Nia xuân dế pêi, rak ngăn 2 hectar 5 sao tiêu dâi le\m [a\ plâi kơtốu hên. Jâ Nhàn tối ăm ‘nâi, roh apoăng hơnăm kố, rơpo\ng jâ pêi châ lối 10 ta#n tiêu khăng, pêi lo lối 1 rơtal liăn. Jâ Nhàn tối, phon rơvât ăm tiêu [a\ têa tôh cho kal má môi, kal pêi pro tro [a\ tu\m, kum tiêu xông rơdêi [a\ plâi kơtốu: Tiêu dêi rơpo\ng á ki pêt mơjiâng a kố, kơbố xuân mot ngăn, cho le\m mơnâ mâ ngăn khât. Bu drêng tôh têa tơbrêi tơbrêh, tôh ăm têa mot hngiâm kơchoh le\m a xiâm tiêu, klêi mê hngiâm mot tung tơnêi, klêi mê á tôh tâ tá trăng tiêu, ôh tá xê tôh tơdrêng a xiâm mê hlối, gá kô mơhiu tơnêi. Á hlo po tơbêng tơnêi drô tâ tá klôh tiêu cho tơtro tâ, rêm roh tôh têa, rơvât phon mê á xo môi iâ tơnêi kơđu a pêng phon, vâ phon pôi tá hê, hía tiô troăng hyôh.

            Cheăm Dak Nia troh nôkố hiăng pêt vâ chê 600 hectar tiêu, tung mê, 2 thôn Phú Xuân [a\ Đồng Tiến, pêt hên má môi [a\ lối 400 hectar tiêu, pêi vâ chê 3 ta#n 3 tă môi hectar. Ma luâ tơnêi ôh tá tơbăng le\m, laga tiêu tơtro [a\ tơnêi, xông ngiât le\m, a Dak Niê kuăn pơlê rak ngăn ‘nâi kih thua#t, kum hr^ng rơpo\ng kuăn pơlê pêi chiâk deăng drô k^ng pơlê kong krâm Gia Nghĩa mơ-eăm pro kro mơdro\ng.

A Sa Ly tơplôu [ă tơbleăng