VOV4.Sêdang - Nếo achê kố, mâu kế tơmeăm ôm hyô hơniâp ro tơtro [ă tơdroăng ki tí tăng mâu kế tơmeăm khoăng ki chiêng xêh [ă mơhno túa le\m tro Đà Lạt dêi Ko\ng ti Tơlo liăn Ôm hyô Lam Đồng (khe\n cho Dalattourist) hiăng châ mơnhên cho ‘’kế tơmeăm inâi tơnêi têa’’. Kố cho tơdroăng ki hâk tơngăm ôh ti xê krê dêi Dalattourist mê ối cho tơdroăng ki hâk tơngăm tơdjuôm dêi kơvâ ôm hyô Đà Lạt – Lâm Đồng. Ngế chêh hlá tơbeăng, cheăng tung Rơ’jiu Việt Nam a Tây Nguyên hiăng kơ-êng pôa Nguyễn Nhật Vũ, kăn pho\ pơkuâ Ko\ng ti Tơlo liăn Ôm hyô Lâm Đồng ‘na tơdroăng kố.

-Ô pôa, cho môi tung 124 khu tê mơdró ai tơmeăm châ mơnhên châ plah ‘’inâi tơnêi têa’’ hơnăm 2020, pôa hôm chiâng tối ‘na tơdroăng pêi vâ Dalat tourist châ tơ-[rê kố?

Pôa Nguyễn Nhật Vũ: ‘’Châ khât, sap ing apoăng pơkâ xiâm dêi ko\ng ti cho tơku\m tâi tâng kơxo# liăn vâ mơjiâng Dalattourist chiâng mơná chêm apoăng dêi kơvâ ôm hyô Đà Lạt – Lâm Đồng tối krê [a\ Việt Nam tối tơdjuôm. Xua mê, Dalattourist mơnhên xiâm kối dêi Ko\ng ti cho kuăn mơngế, xua mê ko\ng ti hiăng tơtro\ng hnê mơjiâng mơngế pêi cheăng rơkê, hâk mơ-eăm vâ mơnhông, loi tơngah vâ mơjiâng Dalattourist rế hía rế mơnhông mơdêk krá tơniăn ó rơdêi.

Pak^ng mê, ngin đi đo tơmiât troh tơdroăng mơjiâng tơmeăm ôm hyô vâ tơxâng tiô tơdroăng mơngế ôm hyô kal pói vâ. Ko\ng ti đi đo mơ’no liăn kêi đeăng mâu tơmeăm ôm hyô ki ai mâ, hnê mơjiâng mơngế pêi cheăng vâ mơdêk ivá tơku\m po pơkuâ [a\ ivá tê mơdró. Thăm xúa kơmăi kơmok tung pơkuâ tơdroăng cheăng, mơjjiâng mâu [âng tê tơmeăm khoăng mơ’no tơdrêng tung măng pơlê pơla tối cho online, mơjiâng [âng pơtâng tối mơ’no tơdrêng vâ mơdêk tơdroăng ki châ hlo tơdrêng [a\ tơmối ôm hyô vâ ‘nâi troăng prôk [a\ tơdroăng ki hmâ nếo dêi tơmối, ki malối drêng ai pơrea\ng Covid 19 xông tâ tú môi tiah nôkố.

Ki kơnâ dêi Dalattourist cho mơhnhôk tơmối troh Đà Lạt tối krê [a\ Lâm Đồng tối tơdjuôm rế hía rế kơdrâm. Xo tơdroăng ki môi tuăn dêi tơmối ôm hyô pro pơkâ apoăng, mơjiâng hên cheăng pêi ăm mâu ngế pêi cheăng, tơniăn tâi tâng tơdâng ăm kăn [o# ko\ng nhân viên [a\ mơjiâng chiâng môi tíu pêi cheăng mơnhông mơdêk ivá pêi cheăng rơkê dêi kuăn mơngế’’.

Kơpong ôm hyô Langbiang – tíu troh ki le\m dêi Dalattourist

-Tiô pôa, châ mơnhên inâi lâp plâi tơnêi, mê hôm tơdjâk môi tiah lâi troh tíu cheăng ki khât dêi Dalattourist?

Pôa Nguyễn Nhật Vũ: ‘’Ko\ng ti tơlo liăn ôm hyô Lâm Đồng – Dalatourist phiu ro drêng châ mơnhên cho tơmeăm châ inâi tơnêi têa Việt Nam tung roh apoăng veăng pêi. Tơdroăng kố ăm hlo ki dâi le\m [a\ ki kơnâ mâu tơmeăm ôm hyô ki ngin djâ ăm hiăng pro môi tuăn ăm tơmối ôm hyô, [a\ châ khu tơru\m cheăng mơnhên, loi tơngah, hâk vâ tung pơla kố nah. Môi tiah pin hiăng ‘nâi, inâi châ ngăn cho kế ki vâ po troăng vâ tơbriât châ tơ-[rê tung tê mơdró, ki rơhêng vâ tối cho tung rơxông 4.0 môi tiah nôkố, môi ngế chêh văn eăng lâp lu dêi Mih ai tối ‘’môi tơmeăm kô chiâng tro ôh tá tơtro [a\ nôkố cho re\ng laga môi inâi châ tơ-[rê kô rêh [a\ hâi khế troh tá ah’’, xua mê Dalattouristh đi đo tơtro\ng tơku\m mâu ngế pêi cheăng, mơ’no liăn vâ tơku\m mơjiâng inâi kố.

Tơdroăng Dalattourist châ inâi tơnêi têa kô pro mơdêk ivá ó rơdêi [a\ ki kơnâ dêi khu tê mơdró tung kơchơ tê mơdró to hên xôh nếo. Kố cho kế ki vâ po troăng ki kal vâ lôu péa dêi Dalattourist troh [a\ mâu kong têa lâp plâi tơnêi.

Dalattourist mơnhông mơdêk ôm hyô ngăn kong kế [a\ khôi túa le\m tro Đà Lạt

Xua mê kô chiâng vâ tối, ‘’Inâi tơnêi têa’’ kum mâu khu tê mơdró Việt Nam mơdêk tâ mê nếo [a\ mơ-eăm hên tâ mê nếo. Kố cho troăng vâ hơ’leh dêi tơná ki kal tung mơnhông mơdêk tê mơdró, châ achê mâu kong têa lâp plâi tơnêi ki pá laga cho ai hên kế tơmeăm ki vâ mơnhông tơtêk’’.

-Ô pôa, tơdroăng châ mơnhên tơmeăm châ inâi hiăng pá, laga vâ pơtối rak [a\ tơniăn tiô châ mâu ki kơnâ xiâm ‘na ‘’ki dâi le\m – hơ’leh nếo, tơmiât pêi rơkê – ivá pêi rơkê djâ troăng ahdrối’’ dêi Tơdoăng Inâi tơnêi têa Việt Nam  nếo cho tơdroăng ki pá tâ. Mê la ngiâ ah, Dalat tourist kal tơtro\ng tung mâu pơkâ pêi ki nhên ki lâi?

Pôa Nguyễn Nhật Vũ: ‘’Pak^ng mâu roh tơ’lêi hlâu kân mê mơni kô ai pơloăng mơnúa há. Vâ châ tơbrê hiăng pá mê pơtối mơnhông gá mê thăm rế pá nếo cho hên xôh. Xua mê, Dalattourist ngin đi đo tơkêa kô ti tăng mơ’no ivá liăn ngân trâu hơngế mâu tơmeăm ôm hyô – ôm hyô ki phá tơ-ê ing kế tơmeăm loăng pơlái kong kế ki hiăng ai hlâu, tơdrêng amê rak vế kong kế [a\ khôi túa le\m tro, rêh ối rak le\m kong prâi, mơnhông kơvâ ôm hyô Đà Lạt – Lâm Đồng rế hía rế tu\m têk [a\ rơkê. Djâ ăm tơmối ôm hyô hên tơdroăng ki phiu ro ing mâu tơmeăm khoăng ôm hyô [a\ loăng pơlái kong kế, kum tơmối ôm hyô tâ [a\ hlê ple\ng nhên tâ ‘na ki le\m khât khôi túa vâi krâ nah [a\ khôi túa le\m tro dêi Đà Lạt – Lâm Đồng, Dalattourist – kong kế cho xiâm kối [a\ pro chiâng kơnâ khât’’.

Ê, mơnê kơ pôa!

Quang Sáng chêh

Sa Ly tơplôu [a\ tơbleăng