VOV4.Sêdang – Peăng xêi lơ 5/6, a Hà Nội, Khu xiâm ngăn ‘na pơkeăng [ă khăm pơlât hiăng tơru\m [ă Khu xiâm ngăn ‘na tơmeăm khoăng tung têa, tơnêi hiăng tơku\m po Leh mơhnhôk, pêi pro tiô Hâi pro mơgrúa lâp plâi tơnêi lơ 5/6 [ă pơxá inâi ‘’Ki ‘mêi hyôh kong prâi [ă hnoăng cheăng pêi pro dêi tơná pin’’.

A chôu phut leh mê, teăng mâ Khu xiâm ngăn ‘na tơmeăm khoăng tung têa, tơnêi [ă Khu xiâm ngăn ‘na pơkeăng [ă khăm pơlât tối ăm ‘nâi, dế nôkố ai dâng 29% kơxo# kuăn pơlê tung lâp  plâi tơnêi ôh tá châ hiâm, hrik xo hyôh kong prâi ki krúa le\m, [ă rêm hơnăm ai dâng 8 rơtuh ngế tung lâp plâi tơnêi re\ng hlâ xua tro hrik hyôh ‘mêi dêi kong prâi, tơnêi tíu; tơdrêng amê, hnối pro tơ’nhê liăn ngân, tơmeăm khoăng tâng vâ riân tâk troh 5 rơpâu rơtal dollars Mih ki vâ mơ’no kum veăng ăm tơdroăng rêh kâ ối kuăn pơlê.

Ki ‘mêi dêi hyôh kong prâi, tơnêi tíu ki xiâm ga ai hên túa ki pơrá phá dêi pó, môi tiah mâu tơdroăng ki mơjiâng pro tơmeăm khoăng, kơmăi kơmok, troăng prôk, hngêi chôu prâu tơmeăm ko\ng ngiêp, vêh bro nếo chhá ki hiăng tơ’nhê, tơdroăng mơdât on chếo kâ kong [ă hên mâu tơdroăng ki ê hía.

Nhat Lisa tơplôu [ă tơbleăng