VOV4.Sêdang - Rơnó Hơngui hơnăm kố, Đảng pin hiăng mot tung hơnăm ki 91 tung môi tơdroăng ki tơviah: Rế pêi klêi [lê trâng hnoăng pơkuâ a ngiâ Đảng, a ngiâ kuăn pơlê drêng pơkâ tơdroăng, troăng prôk ăm tơnêi têa a troăng la ngiâ, drêng hiăng rah xo mâu ngế ki pơkuâ rơkê, rah xo mâu ngế ki pơkuâ vâ rơtế [ă kuăn pơlê tơkâ luâ xơpá, pơloăng mơnúa, pơtối mâu tơdroăng ki khên tơnôu tung chal 21.

Đảng pin hiăng châ 91 rơnó hơngui mơnhên [a\ môi hneăng hôp ki kal khât, [a\ ivá ó rơdêi ‘’tá hâi chói ai’’ dêi tơnêi têa, [a\ tơdroăng loi tơngah lâp lu dêi mâu râ kuăn pơlê, [a\ tơdroăng ki nhuo#m dêi pú hmâ lâp plâi tơnêi.

Hneăng hôp ki phá tơ-ê: Hneăng hôp mâu kăn teăng mâ lâp tơnêi têa roh má XIII dêi Đảng Ko\ng san Việt Nam môi xôh nếo mơnhên tối, troăng ki Đảng rah xo vâ djâ hdroâng mơngế Việt Nam vâ chê môi rơxông hiăng hluâ cho troăng ki má môi, tơtro [a\ tơdroăng nôkố a Việt Nam [a\ troăng mơnhông mơdêk dêi rơxông. Ing troăng mê, inâi Việt Nam hiăng chiâng um méa ăm môi hdroâng mơngế ai mơ-eăm [a\ hâk vâ mơ-eăm xông rơdêi, mơhno ing mâu tơdroăng châ tơ-[rê kân, ai pơxúa khât dêi tơnêi têa klêi kơ’nâi 35 hơnăm pêi pro tơdroăng hơ’leh nếo [a\ hía hé.

Ki rơhêng vâ tối, lâp plâi tơnêi xuân dế tô tuăn [a\ pơrea\ng Covid 19, drêng tơplâ tơplong, tơxul tơxal [a\ ôh tá tơniăn kal kí a hên tíu tung kơpong [a\ tung lâp plâi tơnêi, Việt Nam xuân tơniăn, xuân ối krá, kơchăng mơdât pơrea\ng vâ chiâng môi tung mâu kong têa tung lâp plâi tơnêi ai tơtêk [a\ hía hé. Tơdroăng châ tơ-[rê mê cho tơdroăng tơdjuôm ivá, môi hiâm mơno dêi vâ chê 100 rơtuh pơ’leăng mâ mơngế, tung mê tơdroăng pơkuâ dêi Đảng cho tơdroăng ki má môi, pơkâ [lêi trâng kân.

Mâu tơdroăng châ tơ-[rê má môi tung mơnhông mơdêk cheăng kâ, mot tơru\m lâp plâi tơnêi [a\ ki rơhêng vâ tối tung roh tơplâ [a\ pơrea\ng lâp plâi tơnêi hiăng pro Hneăng hôp roh má XIII dêi Đảng Ko\ng san Việt Nam chiâng tơdroăng mâu kong têa lâp plâi tơnêi rơhêng vâ ‘nâi ple\ng. Hneăng hôp ôh tá xê to mơnhên tơdroăng ki má môi ‘na kơthô [a\ phôn krếo rơkâu ing pú hmâ lâp plâi tơnêi mê ối châ um tơvi [a\ mâu ngế rơkê lâp plâi tơnêi tơmâng khât, ngăn Việt Nam cho tơdroăng vâ ‘’pro ăm hlê ple\ng’’.

Tâng pú hmâ lâp plâi tơnêi ăm Việt Nam tơdroăng ki loi tơngah, kheăn kơdeăn tơdroăng loi tơngah lâp plâi tơnêi dêi Việt Nam ing pơkuâ dêi Đảng Ko\ng san mê mâu ngế ki rơkê tơmâng troh mâu troăng hơlâ mơnhông mơdêk cheăng kâ, troăng hơlâ tơpui kâ [a\ kong têa ê, tơdroăng ki tơniăn kal kí – rêh ối pơlê pơla, pơkâ pơkuâ pơlê pơla, tơdroăng loi tơngah dêi kuăn pơlê ăm khu râ kăn pơkuâ, tơdroăng ki má môi dêi troăng hơlâ pơlê pơla ki Việt Nam tiô pêi pro [a\ hía hé.

Mâu kong têa lâp plâi tơnêi pơrá loi tơngah, Hneăng hôp Đảng roh má XIII dêi Việt Nam cho tơdroăng hdró ki kal, pơkâ troăng pêi la ngiâ vâ mơnhông mơdêk Việt Nam tiô rơxông nếo tung môi hneăng nếo. Việt Nam kô pêi pro châ tơ-[rê ing pơkuâ dêi Đảng, xua tơdroăng mơnhông tơtêk hiăng mơnhên, Đảng Ko\ng san Việt Nam cho môi khu ôh tá xâu pá puât đi đo mơ-eăm, khên tơnôu tơkâ hluâ pá puât vâ châ tiô pơkâ. Mâu pơkâ mê mơnhên pơkâ xiâm dêi Đảng cho pro ăm tơdroăng rêh ối Việt Nam kro mơdro\ng [a\ hơniâp le\m.

            (Nhạc cắt-Nhạc về Đảng)

            Kho\m mơ-eăm hbrâ mơdât kâ kơhveăm liăn ngân xuân cho tơdroăng vê hdró [a\ châ Kăn xiâm pơkuâ hnê ngăn Đảng mơnhên: Roh tơplâ kố tá hâi la lâi pơtê. Đảng Ko\ng san Việt Nam tung lối 90 hơnăm pơkuâ hiăng hên xôh trâm hên pơloăng mơnúa kân. Drêng mơnhông mơdêk cheăng kâ kơchơ tê mơdró [a\ mot tơru\m [a\ lâp plâi tơnêi trâu hơngế, Đảng mơnhên ‘’ai iâ ngế’’ kăn [o# ai tơmiât phá tơ-ê, pro chiâng tơ-ê, prôk tơrôu tơdroăng ki loi tơngah dêi kuăn pơlê, tung mê, ai mâu kăn [o# râ xiâm. Ai hên ngế ‘’ai tơmiât pêi tơ-ê’’, ‘’pêi pro xêh tơ-ê’’ [a\ lôi hía dêi tơná drêng lâi ôh tá ‘nâi. Mâu tơdroăng ki ôh tá tro châi hiâm mơno dêi hneăng XII pơla kố nah thăm rế mơnhên kho\m mơ-eăm pro krúa le\m tung Đảng, krúa le\m khu râ kăn hneăng la ngiâ.

Pơkâ kố châ mơhno tung tơdroăng pêi cheăng a Hneăng hôp, tung [ai xông tơpui pơxiâm po [a\ mơgêi dêi pôa Nguyễn Phú Trọng, Kăn xiâm pơkuâ hnê ngăn Đảng, Kăn xiâm hnê ngăn tơnêi têa [a\ tung mâu [ai chêh tơpui a Hneăng hôp.

Pơtối mê, roh tơplâ mơdât kâ kơhveăm liăn ngân xua ngế ối a ko Đảng mơhnhôk pêi pro kô ôh tá la lâi ‘’pơtê’’, kô ôh tá la lâi pêi hrá. Bu ai kho\m mơ-eăm tê cho tá hâi tu\m mê thế kêi đeăng mâu pơkâ dêi Đảng, troăng hơlâ luât dêi Tơnêi têa vâ khu kăn [o# mâu râ ôh tá ai ‘’roh tơ’lêi’’ pro. Bu ai tiah mê nếo rak krá tơniăn tơdroăng ki loi tơngah tung kuăn pơlê, thăm mơnhông hnoăng khu râ kăn pơkuâ dêi Đảng xua ối loi tơngah mê ối Đảng, ối tơdroăng loi tơngah mê ối rơxông [a\ tơrôu.

Tung roh hôp khu chêh hlá tơbeăng klêi kơ’nâi mơgêi Hneăng hôp, pôa Nguyễn Phú Trọng, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng tơpui mâu tơdroăng ki tá hiâm mơno vâ tối ‘na roh tơplâ mơdât kâ kơhveăm liăn ngân. Ki ê nếo cho mơnhên kho\m mơ-eăm hbrâ mơdât kâ kơhveăm liăn ngân, ngế ki lâi xuân mơdât tâi tâng, ôh tá pơtê, môi tơdroăng nếo pôa xuân vâ pơchân tối khu râ kăn pơkuâ mâu râ tiah kố: ‘’Kơbố xuân hâk vâ tơmeăm, hâk vâ liăn. Laga tơdroăng ki nhuo#m pâ pơlê pơla cho ki krih tơviah [a\ kơnâ má môi. Kố cho roh tơplâ ối ton xo\n, pá puât, kơtăng. Pin nếo kơdroh, mơdât châ môi hvêa chêng. Tâng ôh tá pơtâp mê kô tơ’lêi trâm tơdroăng ki pơlông djâ’’.

Lối 90 hơnăm pơkuâ dêi tơná, Đảng hiăng 13 xôh tơku\m po Hneăng hôp kân [a\ hnoăng cheăng ki kal dêi rêm hneăng hôp cho rah xo khu kăn [o# ki rơkê vâ pơkuâ tơnêi têa pêi pro tiô mâu troăng hơlâ, Pơkâ dêi hneăng hôp.

Hneăng hôp roh má XIII dêi Đảng hiăng kêi đeăng tơdroăng rah xo 200 ngế Kăn cheăng tung Tơnêi têa, rah xo Khu xiâm kal kí, Khu pơkuâ hnê mơhno cheăng Đảng, Vi [an séa ngăn Tơnêi têa [a\ hía hé. Ki rơhêng vâ tối, hneăng hôp môi xôh nếo loi tơngah khât drêng rah xo ngế ối a ko Đảng cho pôa Nguyễn Phú Trọng, Kăn xiâm pơkuâ hnê ngăn Đảng. Kố xuân cho hơnăm má 10 pôa ối rak hnoăng kố sap ing apoăng hneăng má XI a hơnăm 2011.

A ngiâ Đảng, a ngiâ kuăn pơlê, pôa Nguyễn Phú Trọng tối krê, pôa ôh tá chiâng pêi ki klâi tâng ôh tá ai tơdroăng môi tuăn, ru\m môi hiâm mơno dêi Khu xiâm pơkuâ tơnêi têa. Tơdroăng ru\m môi tuăn tung Đảng kô mơjiâng tơdroăng ru\m môi tuăn tung pơlê pơla.

Tơdroăng pôa Nguyễn Phú Trong pơtối châ rah xo to pro Kăn nếo ôh tá xê to mơhno tơdroăng ki loi tơngah dêi kuăn pơlê [a\ Kăn xiâm pơkuâ hnê ngăn tơnêi têa ki má môi, rêh ối hmâ [a\ achê kuăn pơlê, tơpui hlối pêi mê ối mơhno tơdroăng ki pói tơngah pơtối pêi mâu troăng hơlâ mơnhông mơdêk cheăng kâ, troăng pêi rơkê, pơtối roh tơplâ mơdât kâ kơhveăm liăn ngân hiăng kơtăng mê thăm kơtăng tâ nếo.

Rêm hneăng mơnhông mơdêk, tơnêi têa pơtối kal mâu ngế ki mơnhông tơtêk. Tâng môi tiah pôa Nguyễn Văn Linh, Kăn xiâm pơkuâ hnê ngăn Đảng hneăng hdrối châ tối troh cho Kăn xiâm pơkuâ hnê ngăn Đảng dêi tơdroăng hơ’leh nếo mê nôkố, roh tơplâ mơdât kâ kơhveăm liăn ngân vâ pro krúa le\m Đảng [a\ châ krâ [a\ um méa dêi pôa Nguyễn Phú Trọng, Kăn xiâm pơkuâ hnê ngăn Đảng, Kăn xiâm hnê ngăn tơnêi têa. {a\ hiâm mơno khên tơnôu [a\ rơkê tung pêi cheăng, 10 hơnăm hiăng hluâ, pôa rơtế khu xiâm kal kí [a\ Khu xiâm pơkuâ tơnêi têa pơkuâ tơnêi têa chiâng châ tơ-[rê hên tung mơnhông mơdêk cheăng kâ [a\ mot tơru\m [a\ lâp plâi tơnêi.

Tung kơxo# 200 ngế Kăn cheăng tung Tíu xiâm tơnêi têa hneăng nếo ai 120 ngế vêh châ rah xo nếo, 80 ngế ki châ rah xo apoăng. Kơxo# mâu kăn sap ing 51 – 60 hơnăm châ hên má môi [a\ 124 ngế, pá kơdâm 50 hơnăm ai 40 ngế [a\ lối 60 hơnăm ai 16 ngế. Tiah mê, kơxo# mơngế tung hơnăm ối rơdêi xuân kơdrâm hên má môi, hên ngế hiăng [a\ dế pôu râng hnoăng cheăng ‘’Kăn pơkuâ hnê ngăn cheăng Đảng mâu râ ôh tá xê cho ngế tung pơlê ki mê’’ vâ pơtâp, vâ pơloăng mơnúa.

Tung pơla lâp plâi tơnêi nếo [a\ roh hơ’leh cheăng xúa kơmăi kơmok roh má 4 dế tơku\m pó ó rơdêi, tơnêi têa dế kal mâu ngế hơnăm ối nếo, châ hnê mơjiâng a tung tơnêi têa [a\ a kong têa ê, ‘nâi re\ng mâu ki rơkê dêi khoa hok kơmăi kơmok [a\ hía hé. Xua mê, Khu xiâm pơkuâ tơnêi têa hneăng nếo châ pói tơngah rế krá tơniăn, krá chân, rế hơ’leh nếo, tơmiêt pêi rơkê djâ tơnêi têa mơnhông mơdêk tung mâu hơnăm la ngiâ. Hên ngế pói tơngah ‘’môi Việt Nam xông tơtêk rơdêi’’ ing ivá pơkuâ djâ dêi khu râ kăn xiâm pơkuâ nếo. 91 rơnó Hơngui dêi Đảng, kuăn pơlê loi tơngah tá hiâm mơno.

VOVNEWS rah chêh

A Sa Ly tơplôu [a\ tơbleăng