VOV4.Sêdang - Tiô Khu pơkuâ hnê mơhno Tây Nguyên tối, nôkố, deăng plâi hôt dêi mâu kong pơlê a kơpong Tây Nguyên môi tiah Daklak, Gialai, Kontum, Daknông, Lâm Đồng dế chu kơdroh re\ng, bu u ối vâ chê 73.000 hectar, chu kơdroh vâ chê 16.000 hectar tâng pơchông [a\ hơnăm 2015; tung mê, kơdroh hên má môi cho kong pơlê Daklak [a\ Daknông. Xiâm kối cho xua hdrối mê ki hên deăng plâi hôt châ pêt hdrê ki chiâng xêh [a\ luâ hên hơnăm ga hiăng krâ, tro tâ oâ, pơrea\ng, plâi ôh tá kơtóu hên. Ki ê nếo, yă kloăng plâi hôt tung kơchơ ôh tá tơniăn, xua mê, hên kong pơlê hiăng kếo tah lôi vâ ‘mâi pêt kơphế, tiu lơ mâu loăng plâi iâ hâi ki ê, môi tiah alâi, prá khêi [a\ hía hé, châ pêi lo liăn hên tâ. Khu hnê mơhno Tây Nguyên pơkâ thế mâu kong pơlê re\ng tơku\m séa ngăn, mơnhên mâu [a\ng deăng dế ai kố, tơdrêng amê ai pơkâ hnê thế ‘mâi pêt, lơ ôh a tơrêm kơpong. Tơnêi têa xuân ai troăng hơlâ to\ng kum ăm vâi krâ nho\ng o mâu hdroâng kuăn ngo, hơ’lêh hdrê pêt nếo, pêt tiô túa pơklêp vâ ai plâi hên, kloăng plâi dâi le\m.

A Sa Ly tơplôu [a\ tơbleăng