Pơkâ kơxo# 8 dêi Khu xiâm pơkuâ ngăn Đảng ai tối nhên: Vâ rak vế, pêi pro tiô hnoăng cheăng dêi kăn [o#, đảng viên ki hdrối tâ Mơngế cheăng tung Khu xiâm ngăn ‘na cheăng kal kí, ngế cheăng tung Khu xiâm ngăn ‘na Đảng, Ngế cheăng tung Khu xiâm pơkuâ Đảng dêi tơnêi têa athế rak vế tơdrăng, tơtro khât ‘na luât, mâu tơdroăng pơkâ. Mê athế djâ troăng ahdrối tung rak vế, pêi pro hnoăng cheăng, athế pêi pro tơdrăng khât, [ă pro kơtăng [ă dêi hiâm tuăn tơmiât, túa pêi cheăng dêi tơná, tơplâ [ă mâu tơdroăng ki ‘mêi, rơtôh, môi tiah tơdroăng ki ‘nâi pro pơxúa ăm to dêi tơná, lơ pôi tá ai tơpui tơ-ê ah pro tơ-ê, ôh tá bê vâ tơmâng, kâ kơluâ, pro mơhrê liăn ngân, hlo dêi tơná pro kăn pro pơkrip, pro pá [ă kuăn pơlê, lơ xo dêi hnoăng pro kăn vâ tí tăng kâ kơluâ [ă hên mâu tơdroăng ki ê.

Pêi pro tiô tơdroăng pơkâ kố, pôa Nguyễn Mạnh Hiền, Kăn pơkuâ hnê ngăn Đảng kong pơlê Hải Dương tối ăm ‘nâi: Khu kăn pơkuâ ngăn Đảng kong pơlê Hải Dương hiăng hnê thế mâu ngế cheăng tung khu, mâu râ athế chêh inâi pêi cheăng tiô túa ki nếo, cho djâ troăng tu\m kơ tơdroăng. Mâu tíu ki chêh dêi hnoăng vâ pêi pro mê cho ki xiâm vâ séa mơnhên ngăn, ‘mâi rơnêu, xuân môi tiah vêh mơnhên mâu tơdroăng cheăng dêi tơrêm ngế tung pêi pro hnoăng cheăng. ‘Na hnoăng cheăng ki djâ troăng hdrối [ă tơná, mê cho ngế ki cheăng Tung tíu xiâm Đảng, pôa Nguyễn Mạnh Hiền tối ăm ‘nâi:

‘’Vâ djâ troăng, mê tơpui kal athế pêi tơdrêng [ă tơdroăng pêi. Á rak vế tơdroăng kố cho ki pá ‘nâng. Á tơmiât ai môi tơdroăng, á tơpui ki klâi mê á athế pêi pro ki mê ăm i tơtro khât. Tơmiât [ă pêi pro cho kal athế ai pơxúa ăm tơdroăng cheăng tơdjuôm, ing tơdroăng cheăng kăn [o# tá troh a tơdroăng ki hnê mơhno rak vế hnoăng cheăng, maluâ kal athế ai tơmiât tơtro vâ mơnhông cheăng dêi kong pơlê. Á pói rơhêng vâ Đảng athế rơdêi, khu kăn pơkuâ athế ai troăng hơlâ tơtro, tơpui athế pêi tơdrêng’’.

Tơdroăng ki djâ troăng dêi mâu kăn [o#, đảng viên, khu kăn pơkuâ ki xiâm mê cho mơjiâng um méa, ki kơhnâ khât dêi Đảng. Xua ti mê, tung pơla pêi hnoăng cheăng kăch măng, Đảng đi đo ngăn nhuo#m khât tơdroăng ki hnê rơnêu pât hiâm tuăn, tơdroăng cheăng pêi [ă đi đo, mơngế đảng viên athế djâ troăng le\m tro, djâ troăng pêi hdrối. Pôa Trần Hồng Hà, ngế cheăng tung Khu xiâm Đảng, Ngế xiâm ngăn ‘na têa-tơnêi, kong prâi tối tiah kố:

‘’Drêng hiăng cho môi ngế kăn [o# đảng viên [ă ki má lối cho môi ngế kăn [o# pơkuâ ngăn, vâ râ pá kơdâm dêi tơná cho mâu ngế ki pin kal athế tơku\m, hnê mơhno vâi pêi pro [ối mê tơná pin ki kal athế djâ troăng hdrối. Tung pơkâ pôu hnoăng cheăng djâ troăng hdrối, kal ai pơkâ nhên vâ tâi tâng rêm ngế kăn [o#, đảng viên tung pơla pêi hnoăng cheăng dêi tơná mê athế đi đo chôu vế, đi đo ngăn vâ hriâm [ối, djâ troăng. Tơná rêm ngế kăn [o# đảng viên athế pêi tơdrăng khât, ing mê, kơdo mơ-eăm rơnêu pât dêi hiâm tuăn chiâng ngế ki djâ troăng vâ rêm ngế ki ê hriâm [ối’’.

Ki tơ-[rê dêi djâ troăng ahdrối tung khu kăn pơkuâ, malối ‘na tuăn hiâm mơno, mê pôa Hồ Chí Minh, Kăn xiâm hnê ngăn hneăng hdrối nah ai pơchân tối: ‘’Môi ngế djâ troăng hơlâ ối kơnía git luâ tâ kơ hr^ng [ai ki tơpui pơchuât hnê khe\n’’.

Tơdroăng ki mơ’no tối akố, mê djâ troăng ăm kơbố’’. Pôa Hồ Chí Minh tối tiah kố: ‘’Xo ngăn troăng hơlâ ki le\m tro dêi mơngế ki pro, hnoăng cheăng le\m tro vâ rêm hâi hnê tối dêi pó, cho môi tung túa cheăng ki le\m tro má môi vâ mơjiâng Đảng, mơjiâng mâu khu pơkuâ cheăng kăch măng, mơjiâng kuăn mơngế ki nếo, tơdroăng rêh ối nếo’’. Mê pôa hiăng pơkâ thế rêm ngế kăn [o#, đảng viên ti xê to ‘no dêi hnoăng cheăng vâ ‘mâi rơnêu pât dêi tơná i le\m tro, mê ối athế djâ troăng tung pêi hnoăng cheăng [ă rêh kâ ối, a tơrêm hdroh, tơrêm tíu, đi đo tơpui athế tơdrêng [ă pêi cheăng.

Pôa Nguyễn Đức Hà, Ngế xiâm ngăn Khu pơkuâ cheăng Đảng tơnêi têa hneăng hdrối, ai mơnhên tối:

‘’Pôa Hồ hiăng tối ‘’Đảng viên prôk hdrối, kuăn pơlê prôk tiu kơ’nâi’’. Môi đảng viên la pêi hnoăng cheăng ki kân mê ki tơdjâ pêi pro tơdroăng le\m tro kô kân luâ tâ. Mơngế kăn [o# râ xiâm tơnêi têa tâng pêi cheăng le\m tro, ga kô chiâng ai ivá ki rơdêi, ai tơdjâk troh a kuăn pơlê. Tâng kăn [o# cheăng râ tơnêi têa ôh tá le\m tro, mê chiâng ai tơdroăng ‘mêi, tơdjâk troh ôh tá ‘nhó le\m [ă kuăn pơlê, chiâng ôh tá loi tơngah kơ Đảng, tơdroăng kố ga kân ‘nâng’’.

‘’Djâ troăng le\m-tơpui athế tơdrêng [ă pêi pro’’. Djâ troăng ahdrối cho tuăn tơmiât, hiâm mơno, rơkong tơpui leăng, troăng hơlâ dêi kăch măng. Tung hnoăng cheăng châ xing xoăng pôu râng, mê kal athế pêi le\m tro má môi. Ki rơhêng vâ tối, djâ troăng tung tuăn mơno, túa rêh kâ ối cho kal khât. Pôa Nguyễn Hồng Vinh, Ngế kăn pho\ ngăn ‘na hnê mơhno cheăng Đảng tơnêi têa hneăng hdrối hiăng tối: kal athế mơnhên tối i nhên hnoăng cheăng dêi ngế ki pro pơkuâ xiâm Đảng, tơdrêng amê, thăm mơdêk tơdroăng séa ngăn dêi Đảng, séa mơnhên ngăn hnoăng cheăng dêi kuăn pơlê, kal athế djâ troăng le\m ahdrối:

‘’{ă dêi tơná kal athế pơkâ ‘’Tơpui iâ pêi hên’’, ‘’tơpui athế pêi pro tơdrêng’’, hiăng pêi athế pêi kơhnâ khât, châ tơ-[rê. Á tơmiât tiah kố, pêi pro hnoăng cheăng cho athế nhên. Vâ khoh chiâng djâ troăng hdrối, pin athế tơmâng ngăn pú hmâ, kuăn pơlê ki veăng hnê tối ‘na tơdroăng ki hiăng le\m tro, tơdroăng ki tá hâi tơtro, malối mâu tơdroăng ki pin pêi pro tá hâi tơtro, ôh tá khoh pro pơkrip mơnhôm. {ă pú đảng viên pin athế mơnê nhuo#m, tơdrăng, tơru\m, ai hiâm tuăn tơtro khât [ă pôi tá ‘nhó drêng ai tơdroăng ki ôh tá tơtro dêi mâu vâi pú, pêi pro tro tiô luât Đảng hiăng pơkâ’’.

Tơdroăng ki djâ troăng le\m tro, prôk hdrối dêi kăn [o#, đảng viên ki xiâm cho mơjiâng um méa, tơdroăng ki rơkê tơtro dêi Đảng. Ngăn tiô kơ rêm ngế đảng viên kal athế pro kơtăng dêi châ tơná [ă kho\m tơplâ tah lôi mâu tơdroăng ki mơhno tối ‘’pơtối rak dêi hnoăng cheăng’’, tơdroăng ki ‘nâi to dêi tơná, dêi khu, tơru\m to dêi khu [ă hên mâu tơdroăng ki ê.

Mê athế djâ tơdroăng le\m mê chiâng tơdroăng ki hmâ pro rêm hâi, đi đo [ă mơjiâng chiâng túa le\m tro dêi rêm ngế kăn [o#, đảng viên, mơdêk hnoăng cheăng, djâ troăng le\m hdrối, pêi pro mâu hnoăng cheăng ki pá veăng kum kal khât tung mơjiâng Đảng krúa le\m, krá rơdêi. Rak vế, pêi pro le\m tro hnoăng cheăng ‘’tơpui athế pêi tơdrêng’’ kô thăm pro kuăn pơlê rế loi tơngah kơ Đảng.

Lại Hoa chêh

Nhat Lisa tơplôu [ă tơbleăng