Cho chử nhân cheăng ‘na tơpui mơ’no tung Rơ’jiu-um tivi, hiăng luâ vâ chê 10 hơnăm pêi hnoăng cheăng chêh hlá tơbeăng hnê tối ‘na tơdroăng lêng, tơdroăng lêng kring gak tơkăng kong Dak Lak. Thươ\ng u\y Phan Đình Diệm đi đo séa ngăn tung kong pơlê, tối tro nhên khât mâu tơdroăng, teăm tiô tơdroăng po mâu hâi leh kân a kong pơlê, tơring cheăm. {ă tơdroăng ‘’ Xua kuăn pơlê pêi cheăng kum kuăn pơlê’’, ngoh đi đo mơ-eăm pêi cheăng vâ tơkâ luâ xahpá, mơ-eăm troh a mâu pơlê cheăm ki hngế hngo, thâ chêh tối mâu todroăng nếo ai, xup um vâ pơtroh ăm mâu ngế ki ngăn, vâi pú  hmâng rơ’jiu, mơ’no tung um tivi. Tung kơxo# ki hên rôh po leh, Thươ\ng u\y Phan Đình Diệm ối chôu vế cho rôh mơ’nui hơnăm 2017, drêng khía mơhot kân plong mot a tơring M’Drak, kong pơlê Dak Lak. Drêng mê, ngoh cho môi tung mâu ngê schêh hla stơbeăng ki apoăng lăm troh a mâu tíu ki oh tá tơniăn, teăm chêh up xo um kong mêi khía pro tơ’nhiê tơmeăm khoăng, chêh tối ‘na tơdroăng ki lup tơmeăm dêi kuăn pơlê [ă tơdroăng tâ tơbleăng tối dêi mâu lêng mố đo#i kum kuăn pơlê pro tơdroăng ví xía vâ xua khía mơhot kân.

‘’ Drêng mê khía mơhot kân plong mot a kơmăng, tơdrêng tung kơmăng ki mê a xo hnoăng pơcháu dêi Kăn pơkuâ cơ động pơ’lăng 5 chô thế lăm troh hlối a M’Đrăk cho môi tơhring ki hơngế dêi kong pơlê Dak Lak vâ xup um, teăm chêh xo mâu tơdroăng ‘na ki lup, ‘na ki xahpá dêi kuăn pơlê  dế trâm pá xua kong mêi khía mơhot. Klêi mê tơbleăng hên hdroh mê cho: tung hlá tơbeăng Dak Lak, tung mâu rơ’jiu, um tivi Dak Lak [ă tung [âng mơ’no um tivi lêng Việt Nam pơtroh ăm mâu ngế ki hmâng teăm ‘nâi mâu tơdroăng ‘na khía kân rôh má 12 plong mot’’.

Cho ngế chêh hlá tơbeăng hơnăm ối nếo, [e#ng beăn, kơhnâ rơkê, Thươ\ng u\y Phan Đình Diệm rơkê hên ‘na tơdroăng chêh hlá tơbeăng ki vâ tơbleăng [ă hlá mơ-éa, mơ’no tung rơ’jiu, um tivi , hlá tơbeăng đie#n tưh, hla tơbeăng chêh. Xua mê, tung mâu hơnăm hiăng luâ, ngoh hiăng chêh hr^ng tin, bai, mâu tơdroăng chêh xo tơbeăng tung mâu hlá tơbeăng Lêng, mơ’no tung [âng um tivi lêng Viêt Nam, Hlá tơbeăng Dak Lak, Mơ’no tung rơ’jiu um tivi Dak Lak [ă tung hlá tơbeăng ki ê.

Pêi pro hnoăng cheăng hnê tối ‘na tơdroăng cheăng lêng, lêng gak tơkăng kong a kong pơlê tơring , tung mâu hơnăm hiăng luâ , Khu xiâm pơkuâ nganư lêng hiăng tơru\m [ă Tíu mơ’no rơ’jiu [ăum tivi Dak Lak pơtối rak vế mâu tơdroăng  hnê tối ‘na ‘’ cheăng lêng kring tơniăn  kuăn pơlê’’, chêh mâu tơdroăng nếo ai, bai, tơdroăng chêh xo ăm [âng mơ’no um tivi dêi lêng Quân khu 5. Pak^ng mê hlối pêi chêh xo, xup phim chêh tơdroăng ‘na hnê tối tơbleăng mơ’no tung um tivi, hlối mơđah um pơto pơtih, um xup a mâu rôh po hneăng tơ’noăng pêi cheăng châ [lêi trâng dêi mâu lêng kong pơlê Dak Lak. Tung mê, Phan Đình Diệm, ngế chêh hlá tơbeăng ai hnoăng cheăng pêi ki xiâm.

Vâ ai mâu phim, um xup nhên ‘na tơdroăng hriâm hbrâ vâ tơplâ, pêi tro mâu tơdroăng pơkâ ‘na cheăng lêng, mâu lêng a kong pơlê,  tơdroăng, tơdroăng hnê mơhnhôk [ă hía hé. Thươ\ng u\y Phan Đình Diệm oh tá xâu pá puât, đi đo ai mâ a mâu tíu lâi trâm xía vâ mơhé vâ ‘’kong tô, kong mêi’’ kô mơ-eăm lăm troh a mâu ki ki xahpá má môi. Xua mê, mâu hlá tơbleăng dêi ngoh [ă vâi pú chêh tối tro khât tơdroăng rêh ối, tơdroăng cheăng dêi mâu lêng mố đo#i xuân môi tiah tơdroăng rêh ối dêi kuăn pơlê. Tung mê, mâu [ai chêh hiăng châ mơhá pri a mâu rôh po tơ’noăng mơ’no tung Rơ;jiu, um tivi lapa tơnêi têa môi tiah: ‘’ Trường Sa tung plâi nuih krâ pơlê Tây Nguyên’’;  ‘’ Ăm tơdroăng ki tơru\m dêi mâu lêng [ă kuăn pơlê rế krá kâk’’; lơ ‘’ Mơngế Rơđế a Dak Lak [ă Mô đo#i rơtế [ă dêi rơpó veăng mơjiâng thôn pơlê nếo’’ [ă hên ki ê.

Trung tă Bùi Văn Luyến, Ngế kăn teăng mâ Hlá tơbeăng um tivi Quân khu 5 a Tây Nguyên, tối, Thươ\ng u\y Phan Đình Diệm cho ngế chêh hlá tơbeăng rơkê kơhnâ vâ khât [ă tơdroăng lăm chêh, hlối chêh rơkê.

‘’ Pêi cheăng [ă ngoh Diệm vâ chê 10 hơnăm mê a hlo ngoh cho môi ngế sih quan hơnăm ối nếo, ngế chêh hlá tơbeăng kơhnâ rơkê ai hiâm tuăn le\m le\m, rơkê tung tơdroăng chêh xo. Tơdrêng [ă tơdroăng pêi mâu pơkâ mơ’no tung rơ’jiu um tivi Dak Lak môi khế ai 2 tơdroăng, mê pôa đi đo lăm chêh rêm hơnăm veăng chêh a rôh tơ’noăng mơ’no tung um ti vi dêi lêng, drêng tơ’noăng mơ’no tung rơ’jiu-um tivi kong pơlê Dak Lak hơnăm ki lâi xuân châ kâ pri… Pak^ng mê, tơdroăng mơhnhôk mâu hơnăm ối nếo mê ngoh Diệm xuân kơhnâ veăng pêi. ‘Na ngoh kố mê a hlo cho môi ngế sih quan hơnăm ối nếo kơhnâ rơkê khât’’.

Tơdroăng cheăng dêi mâu ngế chêh hlá tơbeăng, tối tơchoâm đi đo trâm hên tơdroăng pá, thăm  nếo hlối rơ iô. {ă mâu ngế chêh hlá tơbeăng lêng, tơdroăng kố pro pơxúa khât, ai mâu tơdroăng ki pá  krê, kal thế rơkê [eăn ‘na tơdroăng cheăng malối thế tơdrăng le\m ai tuăn chân khên tơnôu. Hlê ple\ng nhên tơdroăng mê, thươ\ng u\y Phan Đình Diệm ôh tá pêi tro hnoăng cheăng dêi môi ngế kăn lêng mê ối cho môi ngế chêh hlá tơbeăng rơkê.

Tối ‘na tơdroăng ki tơ-[rê rôh apoăng tung tơdroăng cheăng, thươ\ng u\y Phan Đình Diệm tối tiah kố’’ troăng hơlâ krá tơniăn’’ ing xiâm on veăng rơpong hngêi [ă ngế kơdrâi ‘nâi pâ hơ-ui cho tơdroăng ki kal khât.  Hâk tơngăm dêi kơnốu tơná hlối cho sih quan lêng hlối cho ngế chêh hlá tơbeăng, nâ Trần Thị Thúy Hằng (kơdrâi Thươ\ng u\y Diệm) hiăng veăng hnê tối mơhnhôk mơ-eăm vâ tơxâng [ă rơkong hnê dêi Pôa Hồ [ă mâu ngêng cho ‘’ Hnoăng cheăng pơcháu pêi ki lâi xuân thế pê klêi, tơdroăng pá ki lâi xuân kâi tơkâ luâ’’ [ă hía hé.

‘’ Kơnốu a [ă tơdroăng cheăng cho ngế chêh hlá tơbeăng peăng khu lêng mê chiâng đi đo lăm pêi cheăng hơhngế tung ton hâi. Mê ngin hmâ mơhnhôk  thế mơ-eăm tơkâ luâ xahpá . Xuân mơhúa ăm a [ă kuăn ‘ne\ng xua ngoh cho ngê ski ‘nâi pâ hơ –ui dêi kơdrâi kuăn, rêm hdrôh pâ pơtê, kơ’nâi mâu hâi pêi cheăng tơ-[rêi ngoh mơdoh chôu  dêi kơdrâi kuăn lăm xah hêi, troh a hngêi veăng pêi cheăg kum kơdrâi kuăn  [ă hên tơdroăng ki ê’’.

{ă tơdroăng mơ-eăm pêi cheăng kơhnâ, mâu hơnăm hiăng luâ thươ\ng u\y Phan Đình Diệm đi đo châ pơxá inâi Ngế pêi cheăng kơhnâ râ kong pơlê, châ Khu xiâm pơkuâ ngăn lêng, Vi [an hnê ngăn kong pơlê Dak Lak, Khu xiâm pơkuâ ngăn lêng Dak Lak kheăn kơdeăn. Ngoh hâk tơngăn rêm hơnăm, pak^ng hâi leh tơbleăng dêi mâu lêng Việt Nam, ối ai tơdroăng ki xôk ro dêi Hâi chêh hlá tơbeăng Kăch măng Việt Nam./.

Tuấn Long chêh

Gương tơplôu [ă tơbleăng