VOV4.Sêdang – Riân troh kơhâi dế lơ 2/2, kong pơlê Gia Lai hiăng ai 12 ngế dương t^nh [ă 1 ngế nhôm. Mâu ngế ki dương t^nh nếo kố pơrá ai tơdjâk troh mâu ngế ki hiăng ‘nâi hdrối mê. Khu hnê mơhno cheăng hbrâ mơdât pơreăng Covid-19 kong pơlê ăm ‘nâi, tâi tâng mâu ngế ki kố hiăng châ klâ ăm ối krê [ă pơlât.

Khu hnê mơhno cheăng hbrâ mơdât pơreăng tối tơbleăng, 8 tíu ki rơ-iô, kơbố hiăng troh mâu tíu ki tối a kơ’nâi kố, re\ng troh a tíu khăm pơlât ki achê má môi vâ châ hnê mơhno. Mê cho: Hngêi pơkeăng cheăm Ia Mlah, tơring Krông Pa sap ing hâi lơ 28/1 troh nôkố; Hngêi pơkeăng cheăm }ư\ R]am, tơring Krông Pa sap ing 12 chou kơhâi dế hâi lơ 28/1 troh nôkố; Siêu th^ Cường Mi [ă tíu ki xo liăn achê siêu th^ kố a cheăm }ư\ R]am, tơring Krông Pa sap ing lơ 29/1 troh nôkố; Tíu ki tê kơchâi, hơ’nêh, pôm a kơchô }ư\ R]am tơring Krông Pa, sap ing 13 chôu kơxê lơ 29/1 troh nôkố; Tíu xiâm ngăn pơkeăng tơring Krông Pa sap ing hâi lơ 29/1 troh nôkố; Hngêi pơkeăng kân kong pơlê Gia Lai, pơlê kong kơdrâm Plei Ku sap ing 10 chôu hâi lơ 31/1 troh 12 chôu măng dế lơ 2/2.

Khu hnê mơhno cheăng hbrâ mơdât pơreăng Covid-19 Gia Lai hnê tối kuăn pơlê pêi pro kơtăng mâu troăng hơlâ hbrâ mơdât pơreăng Khu xiâm ngăn ngăn pơkeăng pơlât hnê mơhno, krâ tâ Bluezone; tơru\m [ă mâu kơ koan ki ai tơdjâk troh vâ tí tăng mâu ngế ki ối achê [ă mâu ngế ki nhôm tâ pơreăng tiô pơkâ.

Tiah mê, troh nôkố, a Gia Lai ai 5 tíu cho pơlê kong kơdrâm Plei Ku, tơring Phú Thiện, tơring Krông Pa, tơring Ia Pa [ă pơlê kong krâm Ayun Pa ai ngế dương t^nh [ă Covid-19. Tai tâng kơxo# ngế ai 12 ngế [ă 1 ngế ki ê nhôm tâ.

Katarina Nga tơplôu [ă tơbleăng