VOV4.Sêdang - Kơxêi lơ 8/2, Khu hnê mơhno hbrâ mơdât pơreăng Covid-19 kong pơlê Gia Lai tối ai tơ’nôm 2 ngế nếo tâ Covid-19. Tung mê, ai 1 ngế a tơring Kông Chro. Tiah mê, nôkố, kong pơlê kố hiăng ai 21 ngế tâ pơreăng, a 6 tơring, pơlê kong krâm, pơlê kong kơdrâm. Mê cho ngế ai inâi L.Đ.T (ối a thôn Quý Tân, cheăm Ia Trôk, tơring Ia Pa cho tung rơpo\ng hngêi ai 5 ngế tâ pơreăng Covid-19.

Xua lăm pêi cheăng ăm vâi mung tơmeăm hơdruê karaoke djâ ukố umê, mê sap ing lơ 21/1 troh lơ 30/1, ngế ki kố hiăng lăm ukố umê troh hên cheăm, tơring kong pơlê. Ngế ki má péa cho V.T.H.T (ối a tôh kơpho# 1, pơlê kân Kông Chro) cho ngế pêi cheăng a Hngêi pơkeăng tơring Ia Pa. Nâ T châ tối hiăng tro tâ tú Covid-19 a rôh ki khăm ngăn mơheăm má 2 a hâi lơ 7/2.

Khu hnê mơhno hbrâ mơdât pơreăng Covid-19 kong pơlê Gia lai hnê tối ăm kuăn pơlê pôi tá tơngôu, pôi tá pro tơná ôh tá xâu, pơreăng kố gá tâ tú rơ-iô khât, hlối thế pêi pro tro 5 tơdroăng (truâ kên pâng rơkong-môh, xôh pơkeăng, ối kơtăn hơngế, pôi tá tơku\m pú hên [ă thế tối ăm hngêi pơkeăng tâ tâng tơviah tung châ.

Gương tơplôu [ă tơbleăng