VOV4.Sêdang - Kong pơlê Gia Lai dế kơhnâ mơ-eăm khât tung ki hbrâ rơnáu mâu tơmeăm khoăng, mơngế ăm hneăng tơ’noăng phôh thong râ má pái tơnêi têa hơnăm 2019 tơniăn, tơdrăng, châ tơ-[rê. Hneăng tơ’noăng phôh thông râ má pái tơnêi têa hơnăm 2019 a kong pơlê Gia Lai kô tơku\m po a 4 khu, klâ mơjiâng chiâng 36 tíu. Lâp kong pơlê ai lối 13 rơpâu 200 ngế hok tro ki bro hô sơ vâ tơ’noăng, tung mê, ai 10,6% cho hok tro hdroâng kuăn ngo.

Troh nôkố, Khu hnê mơhno ‘na tơ’noăng phôh thong râ má pái tơnêi têa hơnăm 2019 dêi kong pơlê Gia Lai hiăng séa mơnhên ngăn tơdroăng ki hbrâ mâu tơmeăm khoăng ki vâ xúa tung mâu tíu ki tơ’noăng. Mâu hngêi trung phôh thong râ má pái pơtối tơku\m po roh tơ’noăng ăm hok tro sap ing nôkố troh tâi hâi lơ 20/6 ah; hnê pơtâng ‘na luât tơ’noăng [ă séa mơnhên điêm ki tơxâng lơ ôh tá tơxâng hiăng mơgêi râ má pái phôh thong.

Pôa Phạm Văn Căn, Kăn [ơrô dêi Khu ngăn ‘na hnê hriâm [ă hnê mơjiâng tơdroăng rơkê dêi kong pơlê Gia Lai tối ăm ‘nâi, khu kố hiăng tơru\m cheăng [ă khu pơkuâ ngăn Đoân droh rơtăm kong pơlê Gia Lai, mâu khu râ ko\ng an, khu kăn ‘na pơkeăng [ă khăm pơlât, khu ngăn ‘na troăng prôk-rơxế kơtâu, khu ngăn ‘na on tơhrik vâ mơjiâng troăng hơlâ ki hnê mơhno, djâ pơchốu troăng ăm hok tro ki tơ’noăng, rak tơniăn le\m ăm tâi tâng hneăng tơ’noăng mê.

Nhat Lisa tơplôu [ă tơbleăng