VOV4.Sedang - Tơdroăng ki kong pơlê Gia Lai hơ’leh lối 170 ha kong loăng hngó ki pro mơnâ mâ ngăn ki hiăng pêt lối 40 hơnăm vâ Grup FLC pêi pro tiô dêi tơdroăng tơkêa bro vâ mơjiâng plông golf dế pro hên khu râ, kơvâ cheăng [ă kuăn pơlê tung kong pơlê [ă kong pơlê ki ê rơhêng vâ ‘nâi ple\ng, klêi kơ’nâi Khu xiâm ngăn ‘na pêt mơjiâng kong ai hlá mơ-éa tiâ tối ‘na mâu tơdroăng ki pro tơ’nhê kân ăm kong, mơni tơdroăng kố kô ai tung la ngiâ, [ă pơkâ thế kong pơlê kal athế hbhrâ rơnáu kơchăng hdrối vâ ‘nhê kong loăng hngó vâ mơjiâng pro plông golf.

Ki păng ‘nâng a kong pơlê Gia Lai dế nôkố, Tơdroăng tơkêa bro plông golf cho tơdroăng ki pro hên khu râ, kơvâ cheăng [ă kuăn pơlê tô tuăn, ti xê to tơdroăng ki ai tơdjâk 2 tơdroăng ki ‘nhê kong, mê ối cho hnoăng cheăng ki ton la ngiâ tung tơdroăng ki vâ po mơnhông tơdroăng ôm hyô, tơdroăng ki ôh tá loi tơngah tơdroăng ki tơkêa vâ ‘mâi pêt mơjiâng kong ki mâu khu mơjiâng pro tơmeăm khoăng hdrối mê hía nah hiăng hmâ tơhrâ, la păng ‘nâng ôh tá hlo ai khât tiah mê.

Troh nôkố, Mơd^ng Nhâ khêi [ă rôh po kơchơ tê kế tơmeăm pêi lo ing chiâk deăng Đăk Đoa hiăng mơgêi châ lối 1 khế, la xuân ối ai hên tơmối tăng troh tíu kong kế ki le\m châ vâi pơ-ô pơ-eăng. Tơmối lo ing pơlê kong kân Hồ Chí Minh tăng troh akố tung rôh ôm hyô kong kế nhâ loăng, mâu on veăng kơdrâi kơnốu sap ing Dak Lak tăng troh tơdroăng ki hơniâp ro drêng tơbâ hâi pơkoăng, [ă mâu vâi droh rơtăm pơyô dêi rơpó [ă hên ki ê. Vâi pơrá tro tơdroăng ki le\m xua kong loăng hngó [ă ngo nhâ. Peăng khu pơkuâ, pôa Nguyễn Tiến Dũng, kăn pho\ hnê ngăn Vi [an tơring Đăk Đoa, ăm ‘nâi, sap ing 4 hơnăm kố, tơring hiăng pơrá hmâ tơku\m po Mơd^ng nhâ khêi hnối tơru\m [ă rôh po kơchơ tê kế tơmeăm pêi lo ing chiâk deăng, loi tơngah kân cho kô mơjiâng môi kế tơmeăm ôm hyô hơniâp le\m:

‘’Ngin mơ-eăm mơdêk [ă rak vế. Rêm hơnăm pơrá mơ-eăm tơku\m po tro mơd^ng kố, vâ tiah lâi Đăk Đoa tối krê, Gia Lai tối tơdjuôm, châ tơ’mot tơmối mot ôm hyô. Rơhêng vâ, Gia Lai chiâng môi tíu ki tơhrâ, ôh ti xê to [ă tơmối tung kong pơlê, tung tung tơnêi têa mê ối tá [ă kong têa ê’’

Tơring dế hên tơdroăng loi tơngah [ă dế mơ-eăm mơjiâng môi kế tơmeăm ôm hyô ai khôi túa le\m tro krê, tơmối dế hâk vâ [ă kong kế ki chiâng xêh le\m ro, mê kong pơlê pơtroh pâ hơ’leh tíu kố chiâng môi to plông peăng Golf, tơdroăng mê pro ăm ngế ôh tá hâk vâ. Ngoh Trần Bình, môi ngế mơdró kâ a pơlê kong kơdrâm Plei Ku, ngế ki djâ dêi nho\ng o, rơpo\ng hngêi lăm ôm hyô ngăn kong kế nhâ loăng nhâ khêi [ă kong loăng hngó Đăk Đoa tô tuăn tiah kố, drêng mơjiâng pro plông ki peăng Golf a kố, kong kế ki chiâng xêh kố ôh tá ai xếo:

‘’Nhâ khêi kố gá huăn akố ngăn le\m khât, ngăn rơhêng vâ ngăn đi đo. Á cho ngế ki ối akố, ‘nâi hên tíu, la á hâk vâ a ngo ki kố. Á tơmiât mâu ki klâi cho kong kế nhâ loăng ôm hyô mê pin pôi tá hơ’leh gá mê athế ‘nâi mơnhông gá. Tiah mê, ngo nhâ khêi kố, pin pro ăm gá le\m tâ, sap ing rak ngăn troh pro ăm tơdroăng ki mơnâ ngăn. Tâng pro plông ki peăng Golf mê mơhrê khât ‘na tơdroăng ki kong kế hiăng diâp ăm pin’’.

Kong loăng hngó

Plông Golf

Môi ngế tơmối ki ê mê tối tiah kố, ôm hyô kong kế nhâ loăng gá tơtro [ă ki hên cho kuăn pơlê Gia Lai tâ cho tơdroăng tơkêa pro plông peăng Golf:

‘’Tơdroăng rêh ối kuăn pơlê Gia Lai xuân ối xơpá khât. Plông peăng Golf tá hâi tơtro ôh, xua gá bu tơtro [ă mâu ngế ki kro mơdro\ng, mê athế kro mơdro\ng khât, ôh ti xê kơto rơxế môi tiah á kố mê xuân tá hâi vâ peăng Golf ôh’’.

Phá tơ-ê [ă tơdroăng ki tô tuăn dêi kuăn pơlê, ôh tá iâ khu mơdró kâ a Gia Lai môi tuăn [ă troăng hơlâ mơjiâng pro plông ki peăng Golf dêi kong pơlê. Mâu khu mơdró kâ kố tối, [ă Gia Lai, mê cho môi tơdroăng ki mơjiâng pro ăm tơdroăng ki kân rơdâ. Tơdroăng ki tơ’mot khu mơdró kâ ki kân ‘no liăn pro plông peăng Golf cho tơdroăng ki vâ tơ’mot tơ’nôm hên khu mơdró kâ ki ê, mơdêk cheăng kâ rêh ối pơlê pơla, mơdêk tơdroăng rêh ối cheăng kâ kuăn pơlê. 

Ngế ki pơkuâ môi khu mơdró kâ, ôh tá tối inâi, tối tiah kố, ki ôh tá vâ dêi kuăn pơlê [ă tơdroăng ki hơ’leh kong, ôh ti xê cho tô tuăn ‘na kong prâi, tơnêi tơníu, cho xua ôh tá ai hiâm mơno loi tơngah [ă mâu tơdroăng tơhrâ pêt kong, hiăng [ă dế trâm a hên tơdroăng tơkêa:

‘’Hiâm mơno loi tơngah a tíu cho drêng ngoh pêi pro tơdroăng tơhrâ, mê loăng ki mê châ ‘mâi xe\n mê ‘mâi xe\n troh a tíu lâi, tơdroăng ki pơkâ yă vâ pêt kong mê kong pơlê kô pêt a tíu lâi, hiăng ai túa pơkâ nhên há? Peăng khu mơdró kâ, vâi hbrâ rơnáu chêl thiăn tơtro. La kong pơlê hôm chiâng tơhrâ xúa kơxo# liăn ki mê vâ thiăn ăm kong há. Kong pơlê athế mơhno tối tơdroăng ki tơhrâ pe#! Kong pơlê athế pơcháu ăm môi tíu cheăng vâ tối tơbleăng mê’’.

Tiô tơdroăng tơkêa ‘no liăn cheăng kơvâ tơ’noăng ivá dêi kong pơlê Gia Lai, tơdroăng tơkêa pro plông peăng Golf Đak Đoa châ tiô tối hdrối ‘no liăn tung hơnăm 016 – 2025, [ă túa pơkâ 197 ha, tâi tâng cho tung [ăng tơnêi ki pêi chiâk deăng [ă kong loăng hngó, pêt sap ing klêi kơ’nâi tơnêi têa châ tơleăng le\m. Hơnăm 2014, tơdroăng tơkêa châ pơcháu ăm Ko\ng ti Tơlo liăn Hội Phú mơnhông. Klêi kơ’nâi, ko\ng ti kố tro vâi tối hrá mơjiâng mê kong pơlê xo tơvêh. {ă kố, tơdroăng tơkêa kố châ diâp ăm grup pơkuâ FLC.

Tơdjâk troh tơdroăng tơkêa, ai hên tơdroăng ki tơpui tối phá tơ-ê dêi rơpó. Tơdroăng tơkêa apoăng châ mơjiâng pro [ă túa pơkâ 197 ha. Tung [ăng tơnêi kố ai dâng 4.500 to xiâm loăng hngó kô vâi uâ xe\n tíu ki ê. La tiô tơdroăng ki trang đie#n tưh dêi grup FLC – FLC.vn, tơdroăng kố cho ‘’Tâi tâng ôm hyô ối pơtê kong kế nhâ loăng’’ ai túa pơklâ 500 ha, tơkéa vâ tối cho tâi tâng [ăng tơnêi kong loăng hngó ối tung cheăm Glar, Tân Bình [ă pơlê kân Đăk Đoa. Túa pơkâ 197 ha, bu cho hneăng má 1 dêi tơdroăng tơkêa.

{ă tiô hlá mơéa tiâ mơnhên dêi Khu xiâm pêt kong pơtroh ăm Vi [an hnê ngăn kong pơlê Gia Lai achê kố, ‘na tơdroăng ki ôh tá vâ mơnhên hlá mơ-éa pâ hơ’leh dêi kong pơlê Gia Lai xua tá hâi ai tu\m hồ sơ ki kal, mê kơxo# kong loăng hngó tro vâi uâ kơtong mơni kô tâk troh 15 rơpâu met kho#i, tâk hên hdroh tâng vâ pơchông [ă kơxo# ki ‘nâi troh hdrối mê.

Ngin hiăng tơpui [ă Vi [an hnê ngăn kong pơlê Gia Lai [ă hên khu râ, kơvâ cheăng ki ai tơdjâk troh vâ êng ‘na ki ôh tá tro dêi mâu tơdroăng, xua ai hên tơdroăng, tá Vi [an hnê ngăn kong pơlê, mâu khu râ, kơvâ cheăng, pơrá tá hâi tối tơbleăng tơdroăng.

Dương Đình Tuấn chêh

Katarina Nga tơplôu [ă tơbleăng