VOV4.Sêdang - Tiô klêi kơ’nâi séa ngăn, kong pơlê Gia Lai ai vâ chê 600 túa hdrê pơkeăng. Tung kơxo# ki kố ai lối 20 túa kuăn kiâ ki kơnía châ chêh ‘mot tung hlá mơéa khêi Việt Nam [ă 30 túa hdrê loăng pơkeăng ki châ xúa lâp lu, kơnâ ‘na liăn ngân, môi tiah: ring rí, ba kích, bách bộ, hoàng đằng [ă hên ki ê.

Tung pơla achê kố, tơdroăng ki hmôu pơ pêt xêh, ôh tá ai tơdroăng séa ngăn tung kong ki chiâng xêh pro ăm pơkeăng, malối cho mâu gen ki kơnía kô mơni kô vâ tro long tâi. Kong pơlê Gia Lai dế pro hlá mơ-éa pơkâ ‘na rak vế [ă thăm mơnhông pêt hdrê loăng pơkeăng tung kong pơlê troh hơnăm 2025, pơkâ troăng hơlâ cheăng troh hơnăm 2030 ah nếo. Tiah mê, kong pơlê pơkâ troh hơnăm 2025 ai dâng 2.500 ha kơpong păn pêt pơkeăng tơku\m, mơjiâng ki iâ ai 1 tíu ki pro hdrê pơkeăng.

Troh hơnăm 2030, tâi tâng [ăng tơnêi kơpong păn, pêt pơkeăng tâk troh 4.500 ha, mơjiâng ki iâ ai 2 tíu ki mơjiâng hdrê, ‘no liăn cheăng mơnhông kơpong pêt pơkeăng tơku\m [ă mâu túa, môi tiah: hà thủ khêi, rng rí prâp, đương quy klo#ng tr^ng, đẳng sâm [ă mâu túa hdrê ki ê ki ai rêi tơtro [ă tơnêi, kong prâi a Gia Lai.

Katarina Nga tơplôu [ă tơbleăng