Lơ Pang cho cheăm kơtiê xơpá dêi tơring ‘Mang Yang, kong pơlê Gialai, [ă tâi tâng kuăn pơlê cho mơngế Bơhnéa. Hơnăm hiăng hluâ kong tô mơdrăng khăng khoăng ó, klêi mê kong mêi têa lân lu ton hiăng pro tơdjâk troh tơdroăng pêi chiâk deăng dêi kong pơlê. Mơhé tiah mê, tơdroăng veăng tơmâng dêi rêm râ, mâu khu râ kơvâ cheăng [ă tơdroăng mơ-eăm dêi khu cheăng kal kí, tơdroăng ki mơ-eăm dêi kuăn pơlê, tơdroăng rêh ối dêi kuăn pơlê xuân châ pơtối rak vế pêi pro tơniăn. Pơxiâm mot tung hơnăm nếo 2017, khu kăn [ă kuăn pơlê cheăm Lơ Pang mơ-eăm mơjiâng tơdroăng rêh ối phâi tơtô, tơdroăng cheăng kâ mơnhông tơtêk. Pôa Đinh Rup, kăn pho\ hnê ngăn Vi [an cheăm Lơ Pang, tối:

‘’Hơnăm 2016 kố nah, cheăm hiăng trâm hên tơdroăng pá xua kong tô mơdrăng, la mâu kăn [ă kuăn pơlê ngin xuân mơ-eăm tâi ivá vâ mơnhông mơdêk cheăng kâ. Mot tung hơnăm nếo 2017, Đảng ủy, khu kăn cheăm Lơ Pang tơbleăng tơdroăng pơkâ pơtối mơ-eăm tung mơnhông cheăng kâ. Ngin tơmâng khât troh tơdroăng hơ’lêh hdrê pêt môi tiah hnê mơhnhôk, kơjo kum kuăn pơlê pêt kơphế, pêt tiu hơ’lêh pêt loăng ‘mốu, pêt pôm loăng vâ mơdêk pêi lo kế tơmeăm, mơnhông cheăng kâ rế tơ-[rê tâ’’.

            Gương tơplôu [ă tơbleăng