VOV4.Sêdang - Khu pơkuâ hnê ngăn cheăng Đảng kong pơlê Dak Lak nếo ai roh pêi cheăng [a\ Grup pơkuâ Xuân Thiện ‘na mơ’no liăn tơdroăng tơkêa bro kơpong tơru\m mơjiâng pro kế tơmeăm khoăng, păn mơnăn mơnôa, uâ mơdiê kế tơmeăm khoăng tiô rơxông nếo. Tiô kăn teăng mâ khu mơ’no liăn cheăng, tơdroăng tơkêa bro kô châ pêi pro tung hneăng hơnăm 2021 – 2025 a mâu tơring Ea Súp, }ư Mgar, Krông {uk, }ư Kuin, M’Drak, pơlê krâm {uôn Hồ [a\ pơlê kong kơdrâm {uôn Ma Thuột, [a\ tâi tâng kơlo liăn mơ’no cheăng tiô tối hdrối 20 rơpâu rơtal liăn, tăng cheăng pêi ăm 5 rơpâu ngế.

Pôa Bùi Văn Cường, Kăn pơkuâ hnê ngăn cheăng Đảng kong pơlê xông tơpui mơgêi a roh pêi cheăng

Ki nhên, grup kô po rơdâ mâu tơdroăng tơkêa bro: Hngêi kơmăi mơjiâng pro têa ôu ing plâi kâ [a\ kơpong ki pêt plâi kâ, [a\ng deăng lối 3 rơpâu ha, Hngêi kơmăi têng [a\ rak tơmeăm khoăng pêi lo ing chiâk deăng, Hngêi kơmăi mơjiâng pro tơmeăm che\m ăm mơnăn mơnôa, Hngêi kơmăi siê chêh hơ’nêh, pro, rak ‘măn tung hnôu hngiú, Hngêi kơmăi mơjiâng pro tơmeăm ki chiâng kâ tơdrêng, [a\ hía hé.

Xông tơpui a roh pêi cheăng, pôa Bùi Văn Cường, Kăn cheăng tung tíu xiâm Đảng, Kăn pơkuâ hnê ngăn cheăng Đảng kong pơlê phiu ro khu mơ’no liăn cheăng rah xo Dak Lak vâ po rơdâ tơdroăng tơkêa bro. Kong pơlê môi tuăn troăng hơlâ vâ khu tê mơdró hriăn ple\ng, séa ngăn [a\ mơ’no liăn mơjiâng tơdroăng tơkêa bro.

A Sa Ly tơplôu [a\ tơbleăng