VOV4.Sêdang - Tung mâu hâi ki kố, kuăn pơlê mâu hdroâng kuăn ngo a kong pơlê Kon Tum dế tơmâng ngăn troh Hneăng hôp Đảng rôh má 13 [ă tơdroăng ki loi tơngah khât tung mâu tơdroăng pơkâ ‘na tơdroăng cheăng tung la ngiâ dêi Đảng.

Tơvâ [ă tơdroăng ki mơgrúa le\m hngêi trăng vâ hbrâ tơdah Têt Lo hơnăm nếo Tân Sửu 2021, la pôa A Brưk, hdroâng kuăn ngo Bơhnéa, a pơlê Kon Klor, bêng Thắng Lợi, pơlê kong kơdrâm Kon Tum, kong pơlê Kon Tum xuân ối mơdoh chôu vâ hmâng rơ’jiu, pơchuât hlá tơbeăng, ngăn tơvi vâ ‘nâi tơdroăng ‘na Hneăng hôp rôh má 13 dêi Đảng. Pôa A Brưk ăm ‘nâi, tơná pôa tiô khôp Pâ Xeăng, mot tung Đảng kơtăn kố 25 hơnăm, pôa hlo Đảng gá achê, rak ngăn tơdroăng rêh ối kuăn pơlê.

Châ kuăn pơlê pôk pro kăn pơkuâ thôn, đảng viên pôk pro kăn pơkuâ chi [o#, sap ing hlê ple\ng dêi tơná ‘na Đảng, pôa đi đo tối tơbleăng, mơhnhôk kuăn pơlê a pơlê Kon Klor loi, hmâng [ă pêi pro tiô Đảng:

‘’{ă dêi tơná sap ing hơnăm 1996 hiăng mot Đảng. Tơná á hlo troăng hơlâ pơkâ dêi Đảng, troăng hơlâ luât dêi Tơnêi têa gá tơtro khât. Á tối tơbleăng, mơhnhôk vâi krâ nho\ng o ‘nâi ‘na Đảng, loi tơngah tiô Đảng, tiô Tơnêi têa. {ă vâi krâ nho\ng o tơdroăng rêh ối hâi kố xuân kơnôm Đảng, kơnôm Tơnêi têa ai troăng hơlâ tơtro môi tiah mê, mê nếo mơnhông mơdêk cheăng kâ vâ pêi lo liăn ăm rơpo\ng hngêi tơniăn tung rêh ối, kơdroh tah hrâ mơnguâ kơtiê xơpá krá ton veăng tung hnoăng cheăng pơlê pơla’’.

Vâi kơdrâi hdroâng kuăn ngo Bơhnéa a pơlê kong kơdrâm Kon Tum kơxuâng hâk phiu hâi mơd^ng kân

Hdrối vâ po Hneăng hôp 13 dêi Đảng, a [âng klâng kân rơdâ a cheăm Ia Chim, pơlê kong kơdrâm Kon Tum, Tôh pêi cheăng tơru\m pêt loăng plâi kâ ai 96 ngế veăng, ki hên cho vâi krâ hdroâng kuăn ngo Jarai akố dế kơhnâ pêi klêi hnoăng cheăng hbrâ ăm tơdroăng tơkêa rơdâ 10 ha kố.

Tung pơla mâu kế tơmeăm pêi lo ing chiâk deăng môi tiah kơphế, tiu, loăng ‘môu [ă hên ki ê, hên hơnăm achê kố pơtối kơdroh yă mê túa pơkâ pêt priât tiô kơmăi kơmok vâ tê ngi kong têa ê po troăng ăm mơnhông mơdêk cheăng kâ kuăn pơlê. Pôa A Quang, a pơlê Ba Sa, cheăm Ia Chim ăm ‘nâi, tơdroăng ki loi tơngah dêi kuăn pơlê a Đảng, Tơnêi têa, [ă rêm râ khu kăn pơkuâ pêi pro nhên [ă achê”

‘’Châ tơdroăng ki tơmâng ngăn dêi rêm râ kăn pơkuâ, dêi khu kăn pơkuâ kong pơlê vâi krâ nho\ng o loi tơngah. Malối cho mâu kăn pơkuâ akố ing tối tơbleăng, hnê hriâm, vâi krâ nho\ng o vâ hlê ple\ng tơdroăng ki mơnhông mơdêk cheăng kâ a kong pơlê vâ pêi lo liăn ngân ăm vâi krâ nho\ng o, vâi krâ nho\ng o loi tơngah. Pak^ng mê châ Đảng, Tơnêi têa tơmâng ngăn hên tâ nếo. Pơtih vâi krâ nho\ng o xơpá ‘na liăn ngân, mê khu kăn pơkuâ akố pro tơ’lêi hlâu vâ vâi krâ nho\ng o châ kum liăn pơkâ tơleăng mâu túa pơkâ dế pêi nôkố’’.

Môi to cheăm hdroâng kuăn ngo Rơteăng a kong pơlê Kon Tum

Kong pơlê Kon Tum ai 43 hdroâng kuăn ngo nho\ng o rơtế rêh ối, tung mê, hdroâng kuăn ngo châ lối 53% pơ’leăng mâ dêi kong pơlê. Mâu hâi ki kố, kuăn pơlê mâu hdroâng kuăn ngo a kong pơlê Kon Tum, mê cho: Rơteăng, Bơhnéa, Jêh Triêng, Jarai, Brâu, Rơ Mâm [ă Hre dế tơmâng ngăn troh hneăng hôp rôh má 13 dêi Đảng [ă tơdroăng ki loi tơngah a mâu troăng hơlâ pơkâ tung la ngiâ dêi Đảng.

Pôa A Brưk, hdroâng kuăn ngo Bơhnéa, a pơlê Kon Klor, bêng Thắng Lợi, pơlê kong kơdrâm Kon Tum, tối:

‘’Ing tơdroăng ki séa ngăn ngin xuân ‘nâi nhên ‘na troăng hơlâ dêi Đảng pêi pro troh Hneăng hôp rôh má 13. Ngin loi tơngah ‘na tơdroăng ki xing xoăng tơdroăng cheăng dêi Đảng [ă Tơnêi têa. Cho ngế teăng mâ ăm tơnêi têa mê athế ngế ki rơkê, ai hiâm mơno le\m, pôu râng dêi hnoăng cheăng mê cho rak ngăn kuăn pơlê malối cho ‘na gak kring tơniăn. Nôkố, mê pơlê pơla cheăm bêng ôh tá tơniăn.

Kơnôm pơkuâ rơkê ple\ng, ai hiâm mơno le\m mê pôu râng dêi hnoăng cheăng kố [ă ăm tơnêi têa xông tơtêk, mơnhông. Đảng pin kô rah xo ăm tơtro ngế ki cheăng [ă tro ngế ki rơkê vâ pơkuâ tơnêi têa mơnhông mơdêk kro mơdro\ng tâ’’.

{ă pôa A Quang, hdroâng kuăn Jarai, pơlê Ba Sa cheăm Ia Chim, pơlê kong kơdrâm Kon Tum tối:

‘’Vâi krâ nho\ng o pơkâ tơdroăng ki loi tơngah a mâu kăn pơkuâ xiâm klêi kơ’nâi Hneăng hôp kố pơkâ troăng ăm mơnhông mơdêk cheăng kâ dêi vâi krâ nho\ng o’’.

Sap ing cheăm Sa Loong, tơring tơkăng kong Ngọc Hồi, pôa A Chơl hdroâng kuăn ngo Rơteăng, a pơlê Giang Lo# 2, ăm ‘nâi:

‘’Cheăm Sa Long a kơpong hngế hngo gá xơpá, tíu tơkăng kong tơdjêp [ă Kul. Troăng prôk lăm xơpá má môi cho sap ing cheăm vêh troh a tíu tơkăng kong [ă mâu kế tơmeăm ki ê tá hâi ai tu\m khât. Rơhêng vâ klêi kơ’nâi Hneăng hôp rôh má 13 dêi Đảng tơmâng ngăn ‘no liăn cheăng pro hngêi trăng, troăng klông tơku\m akố malối cho troăng prôk’’.

Tơmâng ngăn troh Hneăng hôp rôh má 13 dêi Đảng [ă tơdroăng ki loi tơngah khât, kuăn pơlê hdroâng kuăn ngo Tây Nguyên tối tơdjuôm, a kong pơlê Kon Tum tối krê dế pơkâ hên tơdroăng ki loi tơngah tung tơdroăng pơkâ tung la ngiâ dêi Đảng. Tơdroăng loi tơngah mê mơni kô chiâng pêi pro drêng tơdroăng pơkâ dêi Đảng pơxiâm mot tung tơdroăng rêh ối, cho tơdroăng ki mơhno tối pêi pro nhên.

Khoa Điềm chêh

Katarina Nga tơplôu [ă tơbleăng