VOV4.Sêdang - Rơtế [ă lâp tơnêi têa, mâu kuăn pơlê hdroâng kuăn ngo Tây Nguyên dế pêi pro hnoăng cheăng vâ koh hâk Hneăng hôp khu kăn lâp tơnêi têa rôh má 13 dêi Đảng. Pak^ng tơdroăng tơ’noăng pêi cheăng kâ, hbrâ rơnáu tơdah Têt Lo hơnăm nếo hơniâp ro, vâi krâ nho\ng o đi đo hlê ple\ng tơru\m [ă khu ki ai tơdjâk troh tung rak vế, kring tơniăn, veăng kum tung tơdroăng ki [lêi trâng dêi Hneăng hôp Đảng lâp tơnêi têa.  

Kơhnâ má môi cho mâu tơdroăng cheăng dêi mâu rơxông hơnăm ối nếo a Tây Nguyên dế pêi pro troh Hneăng hôp khu kăn lâp tơnêi têa rôh má 13 dêi Đảng, [ă mâu kế tơmeăm, xing xoăng cheăng. Ngoh Y Arôn, kăn pho\ pơkuâ ngăn Đoân droh rơtăm Ko\ng san Hồ Chí Minh cheăm tơkăng kong Thuận An, tơring Dak Mil, kong pơlê Dak Nông, ăm ‘nâi:

‘’Koh tơdah hneăng hôp Đảng, đoân viên droh rơtăm cheăm Thuận An mơhnhôk tối tơbleăng ăm vâi krâ nho\ng o tơrêm rơpo\ng hngêi chúa hlá cơ vâ koh tơdah Hneăng hôp Đảng tơ-[rê [ă tơdah hơnăm nếo. Tung pơla ai pơreăng Covid-19 ôh tá tơniăn môi tiah dế nôkố, cheăm Thuận An ai troăng tơkăng kong ngin tơru\m [ă Đông mố đo#i gak tơkăng kong Thuận An, hnê tối ăm vâi krâ nho\ng o ‘nâi túa ki hbrâ mơdât ki tâ tú, tơdrêng amê hnối pơkâ tơleăng kơtăng mâu ngế ki mot lo ing troăng tơkăng kong ki ôh tá tro luât.

Mâu hâi ki hiăng vâ chê troh Têt, ngin xuân tơru\m [ă kơ koan cheăng lêng tơring Dak Mil kơpuih văng troăng ăm krúa le\m, rak tơniăn phuâng le\m ăm mâu rơxế prôk lăm tơniăn tâ [ă po nhâ a péa pâ troăng tung pơlê ăm krúa le\m vâ tơdah hơnăm nếo’’.

Mố đo#i gak tơkăng kong rơtế [ă kuăn pơlê chúa hlá cơ Tơnêi têa koh tơdah Hneăng hôp Đảng

Tơdroăng ki phiu ro mâu hâi ki apoăng hơnăm nếo 2021, koh tơdah Hneăng hôp khu kăn lâp tơnêi têa rôh má 13 dêi Đảng xuân mơhno tối nhên a cheăm kơpong hngế hngo Dak Phơi, tơring Lak, kong pơlê Dak Lak. Mơdêk khôi túa ton nah kăch măng dêi cheăm ngoh khên tơnôu tung rôh tơplâ nah, kuăn pơlê mâu hdroâng kuăn ngo tíu kố đi đo hlê ple\ng tơru\m, rak vế gâk kring tơniăn a tơring cheăm.

Pôa Y Krai Cil, krâ pơlê, hdroâng kuăn ngo M’nông a pơlê Jie Yuk, cheăm Dak Phơi mơhno tối hiâm mơno hnoăng cheăng dêi tơná [ă Hneăng hôp Đảng lâp tơnêi têa:

‘’Á cho krâ pơlê cho ngế ki tối tơbleăng ăm vâi krâ nho\ng o, klêi mê hôp kuăn pơlê tối tơbleăng la ngiâ ah hâi po hneăng hôp Đảng, hiâm mơno tơru\m rak vế kring tơniăn tung pơlê, cheăm, má péa nếo cho hbrâ mơdât ‘na mâu ngế ki hêak pơloi, pro tơ’nhiê pin, tối tơbleăng ăm vâi krâ nho\ng o pêi pro tro mâu troăng hơlâ pơkâ dêi Đảng’’.

Mâu [ai hơdruê pơ-ôu pơ-eăng Đảng, Pôa Hồ khên tơnôu

A cheăm Dak Ndrung, tơring Dak Song, kong pơlê Dak Nông, mâu hâi ki kố, tơdroăng ki phiu ro koh tơdah Hneăng hôp Đảng lâp tơnêi têa châ mơhno tối ing mơngơik dêi mâu hlá cơ khêi hơlo\ng tr^ng a rêm mâu troăng, a mâu pơlê, cheăm. Pôa Điểu Khánh Rin, kăn hnê ngăn Vi [an cheăm Dak Ndrung ăm ‘nâi, lối môi khế kố, a cheăm hiăng ai hên tơdroăng cheăng pêi pro koh tơdah Hneăng hôp Đảng. Rế tơ’noăng pêi cheăng apoăng hơnăm nếo 2021, rế tơku\m po mâu tơdroăng cheăng mơhno túa le\m tro nge# thua#t – pơtâp ivá, pro chiâng tơdroăng ki hơniâp ro.

‘’Koh tơdah Hneăng hôp Đảng lâp tơnêi têa, cheăm Dak Ndrung ngin xuân tơku\m po vâ rơkâu. Cheăm xuân tối tơbleăng ăm kuăn pơlê ‘nâi ‘na troăng hơlâ pơkâ dêi Đảng, Tơnêi têa; tơdrêng a mê hnối athế rak vế tơniăn. Ngin tơku\m po mâu tơdroăng ‘na mơhno túa le\m tro, po hơdruê xuâng nge# thuât. Rơtế amê cho tơdroăng cheăng pơtâp ivá, koh Đảng, hâk phiu rơnó hơngui. Ki nhên cho tơ’noăng kơtu [a long, peăng [a long pơla pơlê ki kố [ă mâu pơlê ki ê.

Ing mê, pro tơ’lêi hlâu ăm tơdroăng ki trâm mâ, mơdêk tơru\m pơla mâu pơlê [ă dêi rơpó [ă mâu tíu pêi cheăng ki tơru\m pro nho\ng o. Xuân ing mê, mơdêk hiâm mơno hbrâ kơchăng [ă mâu khu ‘mêi ki pro tơ’nhiê tơnêi têa, rak tơniăn cheăng kring a pơlê, cheăm’’.

A cheăm tơkăng kong Quảng Trực, tơring Tuy Đức, Khu pơkuâ ngăn lêng Mố đo#i gak tơkăng kong, kong pơlê Dak Nông tơru\m [ă Vietinbank Dak Nông tơku\m po hơdruê xoâng pơxá ‘’Rơkong pleăng kơ Đảng’’ koh tơdah Hneăng hôp khu kăn lâp tơnêi têa rôh má 13 dêi Đảng. Kố cho tơdroăng cheăng pêi pro ki ai pơxúa veăng kum pro pơxúa hơniâp ro, mơhnhôk hiâm mơno dêi mâu kăn [o#, đảng viên [ă kuăn pơlê kơpong tíu tơkăng kong tơ’noăng hriâm tâp, pêi cheăng kâ, mơ-eăm pêi pro châ tơ-[rê mâu tơdroăng pơkâ, hnoăng cheăng mơnhông cheăng kâ rêh ối pơlê pơla.

A rôh po tơdroăng kố, Mố đo#i gâk tơkăng kong kong pơlê [ă Vietinbank Dak Nông hiăng diâp 60 hnoăng tơmeăm, 60 to hlá cơ Tơnêi têa, 60 to um Pôa Hồ ăm mâu rơpo\ng ki ai troăng hơlâ to\ng kum, rơpo\ng ki xơpá a cheăm Quảng Trực, tơring tơkăng kong Tuy Đức, kong pơlê Dak Nông.

Thươ\ng tă Y Thảo {uôn Krông, kăn pho\ pơkuâ tơdroăng kal kí, Mố đo#i gâk tơkăng kong, kong pơlê Dak Nông ăm ‘nâi, tíu pêi cheăng hiăng tơbleăng rôh tơ’noăng ‘na tơdroăng ki koh tơdah Hneăng hôp kân khu kăn lâp tơnêi têa rôh má 13 dêi Đảng, pơxá ‘’Pêi cheăng pleăng Đảng’’, rơtế [ă hên tơdroăng pơkâ pêi pro, châ tâi tâng mâu kơ koan, tíu pêi cheăng, kăn [o#, lêng kơhnâ pêi pro.

Mâu tơdroăng cheăng pêi pro ‘na Hneăng hôp châ khu râ Đảng, khu pơkuâ mâu kơ koan, tíu pêi cheăng kong pơlê tơbleăng tơdâng tơ’mô, môi tuăn. Tung mê, hnoăng cheăng tối tơbleăng, hnê hriâm châ mơdêk, veăng kum kăn [o#, lêng hlê ple\ng trâu hơngế hnoăng cheăng pơkuâ dêi Đảng Ko\ng san Việt Nam [ă ki pơxúa, ki kal dêi Hneăng hôp lâp tơnêi têa rôh má 13 dêi Đảng.

Quốc Học – Y Sưng chêh

Katarina Nga tơplôu [ă tơbleăng