Ki châ [lêi trâng kân má môi dêi kơvâ ngăn ‘na ôm hyô tung hơnăm hiăng hluâ cho tơmối ôm hyô dêi lâp plâi tơnêi, tung tơnêi têa [ă tâi tâng kơxo# liăn châ xo ing tơ’mot tơmối mot ôm hyô a Việt Nam xuân châ xo hên. Tâi hơnăm 2016, ôm hyô Việt Nam tơdah châ 10 rơtuh ngế tơmối lâp plâi tơnêi, tâk 25% tâng vâ pơchông [ă hơnăm nah, ‘mot 62 rơtuh hdroh tơmối tung tơnêi têa, tâi tâng kơxo# liăn châ xo ing ôm hyô châ 400 rơpâu rơtal liăn. Kơxo# tơmối lâp plâi tơnêi troh a Việt Nam tung hơnăm 2016 xuân hiăng châ 2 kơlo ki hên má môi riên sap ing nah ta troh nôkố: Tâi tâng kơxo# tơmối ki hên má môi tung môi hơnăm (10 rơtuh ngế tơmối) [ă kơlo ki tâk hên má môi tung hơnăm tâng vâ pơchông [ă hơnăm hdrối (kơpêng 2 rơtuh mơngế mot ôm hyô). Kố cho ki vâ hdró mơnhông mơdêk nếo kơvâ ôm hyô Việt Nam tung pơla tơru\m cheăng [ă lâp plâi tơnêi, pêi mâu tơdroăng pơkâ tung la ngiâ vâ chiâng kơvâ cheăng kâ ki xiâm dêi tơnêi têa.

Vâ ai tiah mê, kơvâ ngăn ‘na ôm hyô hiăng hbrâ rơtế [ă mâu khu mơdró, kong pơlê tơru\m pêi tơdroăng pơkâ tơbleăng ôm hyô a hên tíu ki tơmối tung lâp plâi tơnêi hmâ troh ôm hyô. Khu xiâm pơkuâ ngăn ‘na ôm hyô hiăng tơbleăng website ki tơbleăng ‘na ôm hyô Việt Nam ăm tơmối lâp plâi tơnêi a tíu chêh: http://vietnamtourism.vn [ă tơdroăng ki ê, kơjo kum kong pơlê peăng kơnho\ng tơdế tơnêi têa ‘mâi mơnhông ‘na ôm hyô klêi kơ’nâi ai tơdroăng ôh tá tơniăn pro ‘mêi hyôh kong prâi, têa kơx^, pơkâ pêi kơtăng tơdroăng tối tơbleăng mơdêk tíu ối pơtê tung lâp tơnêi têa. Klêi séa ngăn, Khu xiâm ngăn ‘na ôm hyô hiăng tơvêh 36 mâu tíu ăm tơmối kâ koi pơtê ki le\m tro tu\m tơmeăm [ă ki 3 troh 5 hơlo\ng tiô pơkâ. Tơdroăng tơbleăng mê ai hên ngế vâ môi tuăn dêi kuăn pơlê, mâu khu mơdró tung kơvâ cheăng vâ pơtối rak vế pêi pro tiô pơkâ, tơniăn ‘na ki loi nhoa#m, inâi [ă ki tơ-[rê le\m dêi tíu ôm hyô. Pôa Nguyễn Văn Tuấn, Kăn xiâm pơkuâ ngăn ‘na ôm hyô Việt Nam tối ăm ‘nâi: 

‘’Tơdroăng veăng tơmâng pêi pro dêi rêm râ, kơvâ cheăng, troăng hơlâ pêi mơnhông ôm hyô chiâng kơvâ cheăng kâ ki xiâm hiăng châ mơnhên cho troăng hơlâ ki tơ-[rê dêi Việt Nam. Tiah mê, pin thế ai troăng hơlâ pơkâ [ă rêm râ kơvâ cheăng thế tơmâng pêi pro. Xua mê tơdroăng cheăng veăng tơmâng pêi pro dêi khu kăn cheăng kal kí dêi rêm râ, kơvâ cheăng cho mâu ki pơkâ vâ rak pro tơniăn ăm ‘na ôm hyô Việt Nam châ mơnhông tơ-[rê tâi tâng’’.

Hơnăm 2016 xuân cho hơnăm ki hlo mơ-eăm châ tơ-[rê dêi mâu khu mơdró ôm hyô, mơnhông cheăng kâ tá ki le\m tơ-[rê [ă ‘na kơxo# kế tơmeăm. Hên mâu khu mơdró môi tiah FLC, Sungroup, Vingroup, Mường Thanh [ă hía hé hiăng hlo tơ-[rê tung ‘no liăng ‘mâi mơjiâng pro mâu tơmeăm khoăng, po rơdâ [ă tung pêi cheăng, séa ngăn ki tơ-[rê dêi tơdroăng ôm hyô, mơhno inâi, mơdêk ki tơ-[rê ‘na mơngế pêi cheăng, mơdêk tơru\m, teăm pêi pro tiô troăng hơlâ tung tơnêi têa mâu tơdroăng ki tơdjâk troh ‘na oh tá pơxúa dêi mâu tơdroăng. Hên mâu tíu koi pơtê, tíu xah hêi ki nếo, túa nếo nôkố hlo le\m krip râ plâi tơnêi châ ‘no liăn mơjiâng pro [ă hiăng ăm xúa, veăng mơdêk ki pơxúa [ă ki le\m dêi tơmeăm khoăng râ kơvâ ôm hyô. Pôa Đặng Tất Thắng, Kăn pho\ pơkuâ ngăn ‘no liăn dêi Grup FLC ăm ‘nâi:

‘’Hơnăm 2016, [ă troăng hơlâ pêi pro tơ’lêi hlâu túa pro theh visa xuân môi tiah troăng hơlâ pro tơ’lêi hlâu dêi Chin phuh tơdroăng pro ăm visa ăm mâu kong têa pro thăm tơ’mot mơngế tung lâp plâi tơnêi [ă tung tơnêi têa troh ôm hyô. La ki tơpá, tơvâ tơvân má môi cho mơdêk ôm hyô Việt Nam cho mâu hngêi ăm tơmối kâ koi ối pơtê, mâu tơmeăm khoăng dêi kong pơlê ki ai tíu ôm hyô. Xua mê, ngin pơkâ troăng hơlâ thế to\ng kum mơjiâng pro tơdroăng tơkêa bro ki kân, pro tâi tâng, hên mâu tơmeăm khoăng, mơni kô hơ’lêh châ mơnhông ‘na ôm hyô dêi kong pơlê’’.

Vâ kum kơvâ ngăn ‘na ôm hyô Việt Nam mơnhông mơdêk, tung hơnăm hiăng hluâ ki apoăng, Ngế pro xiâm hnê ngăn Chin phuh hiăng tơku\m [ă pơkuâ hneăng hôp lâp tơnêi têa ‘na mơnhông mơdêk ôm hyôu po a pơlê kong kơdrâm Hội An, kong pơlê Quảng Nam. Hnê mơhno dêi Ngế pro xiâm hnê ngăn tơnêi têa ‘na mâu tơdroăng pêi pro ki xiâm hiăng pơkâ tơleăng mâu tơdroăng ki xơpá ăm kơvâ ôm hyô tung mơnhông mơdêk tung la ngiâ. Tơdroăng ki Chin ăm phêp ‘no liăn cheăng ăm hơnăm 2017, Việt Nam pơxiâm tối tơbleăng tơdroăng ki pro theh viza đie#n tưh ăm tơmối kong têa ê tung pơla 2 hơnăm châ ngăn cho tơdroăng ki nếo ‘na hơ’lêh chêh pro hlá mơ-éa mot lo ăm tơmối kong têa ê. Troăng hơlâ kố châ pêi pro, kơvâ ôm hyô loi tơngah kô tơ’mot tơnôm mâu tơmối kong têa ê troh Việt Nam tung la ngiâ. Pôa Vũ Thế Bình, kăn pho\ hnê ngăn Khu tơru\m ôm hyô Việt Nam loi tơngah:

‘’Tơdroăng ôm hyô hơnăm 2016 hiăng châ pêi pro tơ-[rê. Hên troăng hơlâ pơkâ ‘na ôm hyô dế châ séa ngăn [ă pơkâ, tơdroăng ‘mâi hơ’lêh nếo luât ôm hyô cho môi tơdroăng pá ‘na ôm hyô dế châ mâu khu râ tơku\m tí tăng ‘nâi ple\ng, Kuo#k ho#i hiăng tối tơbleăng rôh má môi. Luât kô pơkâ tơdroăng ki kal má môi ‘na kơvâ ôm hyô. Mâu kong pơlê hiăng pơkâ tơdroăng ôm hyô cho kơvâ cheăng kâ ki xiâm [ă hên kong pơlê xuân hiăng tối tơbleăng tơdroăng mơnhông mơdêk [ă ‘no liăn pro mâu tơmeăm khoăng krá le\m tâ. Hên mâu tíu ôm hyô ki kân hiăng châ mơjiâng pro a Việt Nam.

{ă tơdroăng kơdôu mơ-eăm dêi mâu ngế ki pêi tơdroăng cheăng ôm hyô, tơdroăng ki hơ’lêh mâu luât, troăng hơlâ pơkâ ‘na ôm hyô a râ tơnêi têa [ă mâu kong pơlê, tơdroăng ôm hyô Việt Nam kô pơxiâm mot tung rơxông nếo [ă tơdroăng loi khât [ă ki mơ-eăm kơ pơtối tơkâ hluâ xơpá, kơdroh ki tơvâ tơvâ, mơ-eăm pêi pro tiô troăng hơlâ mơnhông mơdêk krá tơniăn, pro tơdroăng ôm hyô chiâng kơvâ cheăng kâ ki xiâm a hơnăm 2020.

Gương tơplôu [ă tơbleăng