VOV4.Sêdang - Tung hlá mơ-éa tối tơbleăng tơdroăng kal kí dêi Hneăng hôp rôh má 13 dêi Đảng hiăng tối nhên: Mơdêk khât ‘na kuăn mơngế; kuăn mơngế cho tíu xiâm, cho ivá ki kal [ă cho tơdroăng ki xiâm ‘na mơnhông mơdêk. Vâ ăm tơnêi têa pin mot tung hneăng ki mơnhông nếo mê mâu khu droh rơtăm kal mơdêk ivá tơru\m, ivá hriâm xêh, rơkê ple\ng.  

Séa ngăn Hneăng hôp roh má 13 dêi Đảng dế tơku\m po tung mâu hâi hiăng hluâ, hên đoân viên, droh rơtăm tung lâp tơnêi têa tối loi khât [a\ pói tơngah, Hneăng hôp Đảng roh kố kô pơkâ mâu troăng pêi tơtro ‘na mơnhông mơdêk cheăng kâ – rêh ối pơlê pơla tung rơxông nếo. Ngoh Lê Văn Lương, Kăn pơkuâ cheăng Đảng kong pơlê Nghệ An, tối:

‘’Rơxông ối nếo Nghệ An tá hiâm mơno loi tơngah tung tơdroăng pơkuâ dêi Đảng, loi khât tơdroăng châ tơ-[rê dêi Hneăng hôp xuân môi tiah pleăng rơxông ối nếo kum tung mơjiâng Hneăng hôp, pơlê xiâm tơnêi têa. Pói tơngah hneăng hôp ai troăng hơlâ krê ăm mâu kơpong ki pá puât phá tơ-ê [a\ ki rơhêng vâ tối pro tơ’lêi hlâu ăm droh rơtăm pơxiâm tăng cheăng pêi. Pói tơngah hneăng hôp pro tơ’lêi hlâu mơjiâng khu tơru\m cheăng a kong pơlê, kơpong kuăn pơlê rêh ối’’.

Cho sinh viên hơnăm mơ’nui dêi Hok vie#n Hngêi arak liăn [a\ châ ối tung Đảng hiăng 2 hơnăm, Đỗ Ngọc Đăng tơmâng troh tơdroăng ‘na Hneăng hôp roh má 13 dêi Đảng, ki má lối cho mâu troăng prôk mơnhông cheăng kâ – rêh ối pơlê pơla châ tối tung mâu mơ-éa ki kal a Hneăng hôp. Ki nhên cho: Mơjiâng mơngế pêi cheăng, ki má lối mâu ngế pêi cheăng ki rơkê. Xua kố cho môi tung mâu tơdroăng xiâm tung 3 tơdroăng pêi ton xo\n vâ pêi pro hnoăng cheăng xiâm [a\ troăng ki xiâm tung mơnhông mơdêk tơnêi têa pin tung hneăng la ngiâ:

‘’Troăng hơlâ dêi Đảng, tơnêi têa pin to lâi hơnăm kố tơku\m tung mơjiâng mơngế pêi cheăng hơnăm ối nếo, mâu ngế pêi cheăng ki nếo. Á pói tơngah khât a Đảng, Tơnêi têa pin ai tơ’nôm hên troăng hơlâ tâ nếo ‘na hnê mơjiâng mơngế pêi cheăng ki rơkê a mâu hngêi trung đăi hok [a\ hnê mơjiâng tơ’nôm ‘na troăng hriăn ple\ng, mơjiâng mâu túa pêi ăm mâu rơxông ối nếo rơkê, pơxiâm tăng cheăng pêi. Mâu tơdroăng hnê hriâm đăi hok nếo vâ kô châ ‘nâi troăng nếo dêi lâp plâi tơnêi, môi tiah troăng ‘na kơmăi kơmok 4.0, hbrâ pơxiâm tăng cheăng pêi sap ing ối sinh viên’’.

Nguyễn Anh Thư nếo mơgêi Thủ khoa, tơkéa rơkê má môi dêi  Hngêi trung Đăi hok Luật Hà Nội mơnhên, mâu hơnăm hdrối mê hía nah, Đảng, Tơnêi têa đi đo mơnhên khoa hok – kơmăi kơmok ai hnoăng kal tung mơnhông mơdêk cheăng kâ – rêh ối pơlê pơla, tơdrêng amê, ai hên tơdroăng vâ thăm hơ’leh nếo rơkê. Nguyễn Anh Thư pói tơngah Đảng, Tơnêi têa ai tơ’nôm hên troăng hơlâ ki tơtro vâ thăm mơnhông droh rơtăm, sinh viên veăng hriăn ple\ng hơ’leh nếo rơkê, kum mơnhông mơdêk cheăng kâ – rêh ối pơlê pơla dêi Tơnêi têa:

‘’Hneăng hôp roh má 13 dêi Đảng cho tơdroăng ki kal khât, cho môi sinh viên hơnăm ối nếo, nếo lo ing hngêi trung, á pói vâ pơtối ai troăng hơlâ mơnhông tơmeăm ki ai hlâu, mơhnhôk tơdroăng ki hâk vâ tơmiât pêi rơkê dêi rơxông ối nếo Việt Nam, vâ chiâng hên tơmeăm khoăng. Mơhnhôk mâu roh tơ’noăng, tơdroăng ing mê to\ng kum mâu droh rơtăm djâ troăng tơmiât dêi droh rơtăm chiâng khât’’.

Hlê ple\ng nhên hnoăng dêi droh rơtăm tung mơjiâng mơnhông mơdêk cheăng kâ – rêh ối pơlê pơla, Hứa Quang Linh, sinh viên hơnăm má 4, Hngêi trung Đăi hok Thủy Lợi tối ăm ‘nâi, rơtế [a\ to\ng kum dêi Đảng [a\ Tơnêi têa, rêm ngế sinh viên, droh rơtăm pơrá athế mơ-eăm hriâm xêh tơ’nôm hên troăng pêi rơkê, tơxâng tiô kal vâ mơnhông mơdêk nếo dêi tơnêi têa:

‘’Á xuân mơ-eăm vâ á kô ai tu\m tiô pơkâ vâ rah xo pêi cheăng dêi mâu khu tê mơdró. Pak^ng mê, tơdroăng hnê mơjiâng dêi hngêi trung mê thế ti tăng ple\ng [a\ teăm troăng pêi la ngiâ, ki hên cho hriâm xêh, mơdêk tơdroăng hlê ple\ng dêi tơná. Á thế hriâm hên tơdroăng, teăm tơdrêng troăng prôk la ngiâ dêi pơlê pơla nôkố vâ á ‘nâi ple\ng hên tơdroăng tâ, tơxâng tiô tơdroăng kal vâ mơnhông mơdêk tơnêi têa tung rơxông nếo.

Minh Hường – VOV1

A Sa Ly tơplôu [a\ tơbleăng