VOV4.Sêdang - Hâi lơ 25/1, a tíu tơbâ Tơnêi têa a Pắc Bó (kong pơlê Cao Bằng) po hneăng hôp tơpui tơno ‘na khoa hok leh tơbâ 80 hơnăm hâi Pôa Hồ vêh a tơnêi têa pơkuâ hnê cheăng kăch măng Việt Nam lơ 28/1. Lối 50 tơdroăng chêh tơbleăng dêi mâu khu tí tăng ‘nâi ple\ng mâu tơdroăng a Hneăng hôp tơpui tơno ai pơxúa, kơnía tơdroăng tơpui [ă tơdroăng pêi pro ‘na tuăn mơ’no tiô tơdjâ Hồ Chí Minh plâ tung pơla mơjiâng [ă tơplâ vâ châ pro tơleăng le\m tơnêi têa xuân môi tiah mơjiâng, kring vế tơnêi têa xo ah hmôi.

A hneăng hôp tơpui tơno, mâu khu cheăng tí tăng ‘nâi ple\ng hiăng tối nhên tơdroăng vâ tối tíu, tơdroăng ki kal dêi Pắc Bó tung mâu hơnăm pêi cheăng dêi Pôa Hồ Chí Minh, Kăn xiâm hnê ngăn tơnêi têa ki apoăng, tối ‘na tơdroăng ki pâ, nhoăm dêi kuăn pơlê mâu hdroâng kuăn ngo tung kong pơlê Cao Bằng [ă Pôa.

Rôh kố, khu tơru\m cheăng ngăn ‘na Ôm hyô tíu tơbâ tơnêi têa ki tơviah a Pắc Bó xuân hiăng po tơbleăng hên tơmeăm khoăng, um ki xup xo nah, hlá tơbleăng, hlá mơ-éa chêh tối mâu tơdroăng tơdjâk troh mâu hơnăm pêi cheăng dêi Pôa Hồ a Cao Bằng xuân môi tiah tuăn pâ dêi Pôa [ă mâu hdroâng kuăn ngo a tíu kố vâ pêi mâu tơdroăng cheăng dêi mâu kăn [ă tơdah tơmối troh hyô ngăn.

 Gương tơplôu [ă tơbleăng