VOV4.Sêdang - Kơxo lơ 2 khế 12, pôa Trịnh Đình Dũng, Ngế pro xiâm pho\ hnê ngăn tơnêi têa pơkuâ po hneăng hôp ‘no tơdrêng tung um tivi ‘na hnoăng cheăng hnê mơhno hbrâ ví [ă ‘mâi mơnhông kế tơmeăm klêi kong mêi têa kân lân lu a mâu kong pơlê peăng tơdế tơnêi têa [ă Tây Nguyên tung khế 10 [ă khế 11 hơnăm 2016. Sap ing tơdế khế 10 hơnăm 2016 troh nôkố, kơpong peăng tơdế tơnêi têa [ă Tây Nguyên hiăng ai 4 xôh kong mêi, têa kân lân lu, tung mê ai 2 xôh kong mêi têa lân lu a tơdế khế 10 [ă apoăng khế 11 hơnăm 2016. Péa xôh kong mêi, têa kân lân lu hiăng pro 65 ngế hlâ [ă hía, lối 191 rơpâu toăng hngêi tro têa lu, 22 rơpâu ha klâng báu tro têa rơlêa, tâi tâng ki lu\p [ă xía vâ ‘na mơngế tiô riân lối 7 rơpâu 100 rơtal liăn. Mơgêi hneăng hôp, pôa Trịnh Đình Dũng tối nhên: Mâu khu xiâm, kơvâ cheăng ki ai tơdjâk troh kal hbrâ tơnáu tơru\m [ă mâu kong pơlê hriăn ngăn ki tơdjâk troh tơdroăng rêh ối, hngêi trăng, troăng klông kơpong peăng hdroh dêi long têa hngêi kơmăi on tơhrik tung 2 rôh kong mê pơla hdrối kố nah. Mơdêk re\ng tơdroăng ki mơjiâng lơgât ki tro têa lân lu vâ séa ngăn, ‘mâi rơnêu ‘mot tơ’nôm mâu túa pơkâ hbrâ ví [ă kong mê, têa lân lu. ‘Na ki ton xo\n, Ngế pro xiâm pho\ pơkâ thế: Mơjiâng mâu tơdroăng tơru\m cheăng châ tơ-[rê pơla khu kăn pơkuâ kong pơlê [ă mâu khu ki pơkuâ ngăn rơchoâ, long têa, hngêi kơmăi on tơhrik tung pơla ‘no têa, pơkâ tơleăng tơdroăng ki pêi pro túa pơkâ mơhnhôk, ôh tá hbrâ tơnáu tu\m mâu kế tơmeăm ki kal rak tơniăn ăm long têa [ă peăng hdroh.

Katarina Nga tơplôu [ă tơbleăng