VOV4.Sêdang - Tung rôh po Leh mơd^ng kơphế Buôn Ma Thuột rôh má 6, kơxo lơ 6/3, Ko\ng ti veăng tơlo liăn Vinacafe Biên Hoà [ă ko\ng ti veăng tơlo liăn pro phon Bình Điền hiăng k^ tơhrâ tơru\m cheăng kơjo kum mơnhông mơdêk tơdroăng pêi pêt kơphế Buôn Ma Thuột. Ing mê, ai 2 tíu pêi cheăng rơtế [ă Khu ngăn ‘na chiâk deăng [ă mơnhông mơdêk thôn pơlê Daklak.Vie#n khoa hok kih thuât ngăn ‘na chiâk deăng pêt kong Tây Nguyên mơdêk pêi pro ai tơ-[rê tơdroăng tơru\m 4 khu.

K^ tơhrâ tơdroăng to\ng pêi pêt kơphế Buôn Ma Thuột, Daklak

Mâu tíu pêi cheăng kô tơru\m séa ngăn, tối [ă mơjiâng kơpong pêi pêt kơphế krúa le\m tiô pơkâ a 12 thôn pơlê dêi cheăm Ea Tu, pơlê kong kơdrâm Buôn Ma Thuột, mơhno ki tơ-[rê kih thuât tung mâu túa mơnúa pêi pêt krúa, tơku\m mâu rơpo\ng kuăn pơlê pêi pêt iâ chiâng kơpong pêt tơchuâm tro túa [ă mơdêk kum pro plâi kơphế kơtóu hên, hnối le\m dâi.

Gương tơplôu [ă tơbleăng