VOV4.Sêdang - Kơxê hâi lơ 30 khế 11, jâ Nguyễn Thị Kim Ngân, Kăn xiâm hnê ngăn Kuo#k ho#i tơnêi têa pin hiăng trâm tơpui tơno [a\ pôa Nicolás Maduro, Kăn xiâm pơkuâ kong têa Venezuela a pơlê kong xiâm La Habana, kong têa Cuba. Péa Kăn xiâm môi tuăn, tung la ngiâ, péa pâ thăm po rơdâ pêi pro mâu tơdroăng môi tuăn, tơkêa pơla khu kăn pơkuâ, khu râ kăn xiâm péa tơnêi têa, ki rơhêng vâ tối tung mâu kơvâ tơru\m pêi chiâk pêi deăng [a\ on tơhrik – têa châu têa kơxa\ng; hriăn ple\ng mâu túa cheăng lơ troăng pêi ki phá tơ-ê vâ thăm pêi lo liăn hên tung tê mơdró pơla péa pâ. Jâ Nguyễn Thị Kim Ngân mơnhên tối, Việt Nam vâ môi tuăn tơdroăng pơkâ dêi Chin phuh Venezuela [a\ nhua#m tung mơnhông mơdêk tơru\m cheăng pơla péa pâ tung hên túa cheăng pơla péa tơnêi têa; loi tơngah kuăn pơlê Venezuela kô tơkâ hluâ mâu tơdroăng pá puât, pơloăng mơnúa ki a ngiâ, mơjiâng tơnêi têa rế hía rế mơnhông mơdêk [a\ kro mơdro\ng.

A Sa Ly tơplôu [ă pơchuât