VOV4.Sêdang - Tung tơdroăng ki sôk ro dêi mâu hâi apoăng hơnăm nếo, kơxo lơ 2 khế 2, pôa Trần Đại Quang, Kăn xiâm hnê ngăn tơnêi têa hiăng veăng a rôh leh [ă tô hơkâ tối tơbleăng ‘’Têt pêt loăng plâ rơxông chôu pâ Pôa Hồ’’ Rơngó hơngui Đinh Dậu 2017, châ tơku\m po a kơpong ki ‘mâi rơnêu kong prâi tơnêi tíu dêi Ko\ng ti tơlo liăn kơchâ Đèo Nai, a bêng Cầm Sơn, pơlê kong kơdrâm Cẩm Phả, kong pơlê Quảng Ninh. Tiô tối tơbleăng dêi Khu xiâm ngăn ‘na chiâk deăng [ă mơnhông mơdêk cheăng kâ rêh ối thôn pơlê, hơnăm 2016, hnoăng cheăng rak ngăn kong hiăng hlo hơ’lêh khât, lâp tơnêi têa hiăng pêt châ lối 220.000 ha kong tơku\m [ă 60 rơtuh xiâm loăng pêt tơprâ tởpu\ng, pơcháu rak ngăn lối 6 rơtuh ha kong. A leh tối tơbleăng Têt pêt loăng, pôa Trần Đại Quang tối rơdêi, ‘’Têt pêt loăng’’ hiăng chiâng môi khôi túa ki le\m tro dêi kuăn pơlê pin tung mâu hâi ki sôk ro rơ-ngó hơngui, tơdah Têt. Kăn xiâm hnê ngăn tơnêi têa krếo thế mâu kuăn pơlê, mâu vâi muăn droh rơtăm, pho#m vâ xông kân tung lâp tơnêi têa, athế kơhnâ veăng pêt loăng, pêt kong tơtro [ă hyôh kong prâi dêi rêm kơpong. Tơdrêng amê hnối mơdêk tuăn hiâm ki rơkê ple\ng, pôu râng dêi hnoăng cheăng [ă ai hên troăng hơlâ pêi pro ki nhên, ki kal vâ rak vế kong, mơdât tơdroăng ki ko ‘nhiê kong ôh tá tro luât.

Katarina Nga tơplôu [ă tơbleăng