VOV4.Sêdang - Kơxo lơ 21/6, pôa Uông Chu Lưu, Kăn xiâm pho\ hnê ngăn Kuo#k ho#i rơtế [ă Khu kăn xiâm Kuo#k ho#i Việt Nam hiăng veăng hôp khu kăn xiâm pơkuâ ngăn AIPA-ASEAN drêng troh Hneăng hôp khu kăn xiâm ASEAN 34 po a pơlê kong xiâm Bangkok, kong têa Siam.

Khu kăn xiâm Kuo#k ho#i dêi mâu kong têa ối tung khu AIPA hiăng tơpui tơno ‘na tơdroăng pơkâ AIPA, tung mê, tối nhên mâu tơdroăng ki kal ai tơdjâk troh tơdroăng ki kal dêi Khu kong têa tung ASEAN a chal nếo nôkố, tối nhên hnoăng cheăng dêi AIPA tung hnoăng mơjiâng pơlê pơla ASEAN [ă séa ngăn ‘na tơdroăng cheăng troh a hơnăm 2025 ah.

Pôa Uông Chu Lưu, Kăn xiâm pho\ hnê ngăn Kuo#k ho#i veăng hôp a hneăng hôp AIPA-ASEAN

Khu kăn Kuo#k ho#i Việt Nam hiăng mơ’no mâu tơdroăng cheăng ki kal tung tối tơbleăng ki kal AIPA [ă hiăng châ mâu kong têa ki vâ môi tuăn tối tơbleăng, tung mê, mơnhên tối mâu tơdroăng ki kal ‘na kring vế, gak ngăn ASEAN, ki rơhêng vâ tối cho tơdroăng ki tê mơdró ma tu\i [ă tê mơdró kuăn mơngế; pâ thế thăm mơdêk tơdroăng tơru\m cheăng dêi mâu kơ koan mơjiâng luât tung tơleăng mơnhên mâu tơdroăng ki ai tơdjâk troh tung kơpong xua tơdroăng ki vâ pro pơxúa ăm pơlê pơla ASEAN.

Nhat Lisa tơplôu [ă tơbleăng