VOV4.Sêdang - Hâi lơ 28 khế 12, a Hà Nội, Khu xiâm hnê mơhno hbrâ mơdât kâ kơhveăm liăn ngân hôp roh má 11. Pôa Nguyễn Phú Trọng, Kăn xiâm pơkuâ hnê ngăn Đảng, Kăn xiâm pơkuâ hnê mơhno Khu xiâm pơkuâ tơdroăng cheăng kal kí Tơnêi têa – Kơ koan dêi Khu hnê mơhno ai hên tơdroăng mơ-eăm, hbrâ tơnáu rơkê tung tơbleăng, pơkâ, kum mâu tơdroăng dêi Khu hnê mơhno. Pôa Nguyễn Phú Trọng tối nhên, hơnăm 2016 cho hơnăm apoăng po rơdâ pêi pro mâu tơdroăng pơkâ hneăng hôp 12 dêi Đảng, tơdroăng cheăng hên h^n; hên mâu ngế cheăng dêi Khu hnê mơhno nếo châ rah xo tơ’nôm. Laga Khu hnê mơhno hiăng kơhnâ pêi, hbrâ tơnáu, rơkê tung pêi pro hnoăng cheăng ki châ pơcháu. ‘Na hnoăng cheăng xiâm hơnăm 2017, mâu kăn môi tuăn [a\ 7 khu hnoăng cheăng xiâm [a\ 12 tơdroăng cheăng ki nhên tung tơbleăng, pôa Nguyễn Phú Trọng tối rơdêi, xiâm kối xuân cho pơkuâ, hnê mơhno, châ hlo, pơxâu phâk mâu ngế kâ kơhveăm, kâ kơlo liăn ngân.

A Sa Ly tơplôu [ă tơbleăng