VOV4.Sêdang - Kơxê lơ 21/3, a tíu pêi cheăng dêi Đảng xiâm, pôa Nguyễn Phú Trọng, Kăn xiâm pơkuâ hnê ngăn hiăng pơkuâ ngăn hneăng hôp Khu xiâm kal kí, ăm mâu kăn veăng tơpui tối ‘na tơdroăng mơgêi 5 hơnăm rak vế, pêi pro tiô tơdroăng pơkâ kơxo# 26 dêi Khu xiâm kal kí hneăng 11 ‘na troăng hơlâ, hnoăng cheăng mơnhông kong pơlê Nghệ An troh a hơnăm 2020 ah.

Pôa Nguyễn Phú Trọng ai pơkâ thế: Nghệ An kal athế kal mơdêi ó tâ nếo, pơkuâ ngăn ki kơtăng khât tâ. Pơtối mơnhông hnoăng cheăng ki hiăng ai roh nah, tah lôi mâu tơdroăng ki pá puât, tơvâ tơvân, ối mơnheăn [ă kal athế cho kong pơlê ki djâ troăng ahdrối, ối a ko dêi lâp tơnêi têa.

Pôa Nguyễn Phú Trọng mơnhên tối: Nghệ An cho kơpong tơnêi ki kân rơdâ, cho tơnêi tíu ki ai hên ngế ki rơkê kơnía, pơlê xiâm dêi pôa Hồ Chí Minh, Kăn xiâm hnê ngăn tơnêi têa hneăng apoăng, hiăng ai tơdroăng ki xiâm dêi mơhno cheăng kăch măng, ai hên túa ki vâ châ mơnhông mơdêk, tung mê, tơnêi tíu, hyôh kong prâi ai tá têa kơx^, ai kong kế, ngo ngối. Kuăn mơngế Nghệ An kơhnâ khât, rơkê ple\ng [ă ai hiâm mơno vâ mơ-eăm mơnhông mơdêk rêh ối, cheăng kâ.

Nhat Lisa tơplôu [ă tơbleăng