VOV4.Sêdang - A Oslo, kong têa Na Uy, mê khu cheăng dêi Rơ’jíu Việt Nam xua pôa Vũ Hải, Kăn xiâm pho\ ngăn ‘na Rơ’jíu Việt Nam hiăng lăm pôu, pêi cheăng [ă Khu kăn pơkuâ ngăn Rơ’jíu, Um tơvi dêi kong têa Na Uy, cho NRK.

A chôu phut pêi cheăng mê, pôa Thor Gjermund Eriksen, Kăn xiâm pơkuâ ngăn Rơ’jíu-Um tơvi NRK hiăng tối tơbleăng ‘na tơdroăng cheăng dêi NRK, tơbleăng tơno ‘na ki rơkê tung pơkuâ ngăn, rak ngăn xuân môi tiah tơdroăng ki rơkê tung mơjiâng tơdroăng chêh tối, tơpui pơchuât, bro um.

Pôa Vũ Hải lăm pêi cheăng a Na Uy

Khu kăn dêi Rơ’jíu Việt Nam xuân hiăng châ mâu pú cheăng dêi NRK tơdroăng ki hơ’lêh hyôh mơ’no chiâng kơlo kơxo# dêi NRK, ing tơdroăng pơkâ tah lôi tâi tâng tơdroăng ki mơ’no a hyôh FM hơ’lêh chiâng mơ’no hyôh kơxo# DAB+ tá troh a mâu tơdroăng ki pá tung pơla pêi pro, ki hlê ple\ng vâ chiâng môi kơ koan ki rơkê má môi dêi Na Uy.

Pôa Vũ Hải, Kăn xiâm pho\ ngăn Rơ’jíu Việt Nam hiăng pâ thế khu kăn xiâm dêi Rơ’jíu-Um tơvi NRK veăng kum ăm Rơ’jíu Việt Nam tung mơnúa mơ’no hyôh kơxo# DAB+, tơdrêng amê, pói rơhêng vâ thăm tơru\m rế hên tâ nếo vâ châ trâm, tơpui tơno, hnê tối dêi pó ‘na tơdroăng cheăng.

Nhat Lisa tơplôu [ă tơbleăng