VOV4.Sêdang - Khu xiâm hnê hno hơ’lêh luât hôp roh má 2 tung kơxê lơ 11 khế 01, tơpui tơno ‘na kơxop mơ-éa luât tơbleăng mơgêi hơ’lêh luât hơnăm 2016, pơkâ troăng pêi hnoăng cheăng hơnăm 2017 [a\ tối hdrối tơdroăng pêi cheăng dêi Khu hnê mơhno a hơnăm 2017. Pôa Trần Đại Quang, Kăn xiâm hnê ngăn tơnêi têa, Kăn xiâm pơkuâ hnê mơhno luât tơnêi têa pơkuâ roh hôp. A roh hôp, mâu kăn hnê mơhno kheăn kơdeăn kơxop mơ-éa luât tơbleăng mơgêi tơdroăng hơ’lêh luât hơnăm 2016; pơkâ troăng prôk, hnoăng cheăng hơnăm 2017 [a\ kơxop mơ-éa tơdroăng pêi cheăng dêi Khu hnê mơhno hơnăm 2017 hiăng hbrâ tơnáu rơkê tơtro, kơtăng khât. ‘Na troăng pêi cheăng, hnoăng cheăng dêi Khu hnê mơhno tung hơnăm kố, tơbleăng kal tối nhên mâu tơdroăng pơkâ dêi hơ’lêh luât, troăng hơ’lêh luât troh hơnăm 2020, tơdrêng amê, tối nhên, tơdroăng hơ’lêh rơkê tung khu kăn pêi cheăng tung mâu kơ koan pơsăm tối, pơsăm tơkêng; tơdroăng mơjiâng khu kăn [o# pêi ‘na luât, to\ng kum ‘na luât, tơdroăng tơbleăng tơdrăng tung tơdroăng pêi ‘na luât.

A Sa Ly tơplôu [ă tơbleăng