VOV4.Sêdang - Kong pơlê Dak Lak nôkố ai lối 80 rơpâu khu mơdró dế pêi cheăng, ki hên cho khu mơdró krâ kơvâ ƀă kŭn. Vâ tŏng kum mâu khu mơdró, Khu kăn Đảng kong pơlê Dak Lak hiăng pơkâ pơ’lêh kơxô̆ pơla sap nôkố ta troh hơnăm 2025, tơdroăng pêi pro vâ troh hơnăm 2030. Kong pơlê pơkâ tơdroăng cheăng pêi troh hơnăm 2025 ai dâng 60% khu mơdró krâ kơvâ ƀă kŭn pêi cheăng tê mơdró châ mơdró dêi tơmeăm tung điê̆n tưh; kơxô̆  tê mơdró điê̆n tưh tâk rêm hơnăm 10%.

Kơnôm pơ’lêh kơxô̆, hên khu mơdró a Dak Lak hiăng kơdroh kơxô̆ ki hên mơngế la xuân ối tơniăn ‘na tơdroăng cheăng pêi tê mơdró

Vâ ai tiô pơkâ mê, Dak Lak tối kô ‘no lối 1,8 rơtal liăn tung 5 hơnăm apoăng ‘no liăn cheăng ăm tơdroăng pơ’lêh kơxô̆ ƀă mơnhông tê mơdró ƀă điê̆n tưh. Tung mê tá mơdêk pơ’lêh kơxô̆ tung khu mơdró; mơnhông mơdêk mâu tíu mơdró điê̆n tưh tơniăn tơdjêp ƀă mâu ki pêi lo ƀă ki tê, malối cho na tơmeăm pêi lo châ tê mơdró,’na ôm hyô, tê mơdró tơmeăm pêi ƀă kŏng tơbleăng tê tung măng Internet.

Pêi pro ahdrối cho pơ’lêh kơxô̆ tung mâu tơdroăng cheăng: pêi chiâk deăng, hnê hriâm, ‘na pơkeăng pơlât, troăng prôk rơxế kơtâu ƀă logicstics, kơmăi kơmok ƀă on tơhrik, tơmeăm khoăng tung kơdâm tơnêi, kong kế, hyôh kong prâi tơniăn , ‘na liăn ngân, Hngêi râk liăn ƀă ‘na ôm hyô.

Gương tơplôu ƀă tơbleăng