Klêi kơ’nâi môi hâi prôk, khu kăn pêi cheăng dêi Khu pơkuâ lêng 2 kong pơlê Daklak, kong pơlê Daknông hiăng ai mâ a cheăm Sóc San, tơring Cô Nhéc, kong pơlê Mondulkiri kong têa Kul. Đăi tă Y Brét – Kăn pho\ pơkuâ cheăng kal kí, Khu xiâm pơkuâ tơdroăng cheăng lêng kong pơlê Daklak cho ngế mô đo#i pleăng hnoăng cheăng Việt Nam pêi hnoăng cheăng lâp plâi tơnêi a kong têa Kul tối ăm ‘nâi: Rêm roh troh a kong têa Kul cho roh vâ lăm a tíu tơplâ xâ nah, [a\ mâu tơdroăng akố ôh tá kâi piu, ki má lối a kơpong peăng mâ hâi lo pá kơnho\ng kong têa Kul. Drêng mê, kuăn pơlê Kul pá puât, thăm nếo ai tíu ôh tá ai ki klâi vâ kâ. Pâ rơkong hnê mơhno dêi Pôa Hồ, nho\ng o tung đông xuân xing xoăng kế kâ dêi tơná ăm kuăn pơlê tơkâ hluâ tơdroăng kơklêa. Cho sôk ro ‘nâng drêng vêh akố hlo vâi krâ nho\ng o Kul, maluâ xuân ối pá puât, laga tơdroăng rêh ối hiăng chía tơniăn tâ. Đăi tă Y Brét tối:

‘’Lăm troh akố, ngin sôk ro ‘nâng xua kuăn pơlê kong têa Kul mơnhông mơdêk. Rơxông mê nah pá puât a Mondulkiri kố, laga nôkố kuăn pơlê kong têa Kul xuân mơnhông mơdêk [a\ mâu tơdroăng mơ-eăm tung cheăng kâ – rêh ối pơlê pơla’’.

Cheăm Sóc San nôkố tá hâi ai on tơhrik, ai 4 pơlê cho Khơ Long Le, Chi Lóp, Ênh Choa, Sare Thung; ai 775 rơpo\ng, lối 3.200 pơ’leăng mâ mơngế, tâi tâng cho rơpo\ng kơtiê. Tiô khôi túa, drêng tamo châi kuăn pơlê a kố bu krếo pơchâu xối xeăng. A tíu khu kăn pêi cheăng troh, pơlê Khơ Long Le hiăng ai o kơdrâi pái hơnăm hlâ xua tơngê lo mơheăm xua rơpo\ng krếo pôa pơchâu. Khu kăn hiăng tơku\m po kơ-êng, mơhnhôk, diâp kế tơmeăm khoăng, to\ng kum [a\ diâp mâu kế tơmeăm khoăng rơtế rơpo\ng vâ ‘mé. Vêh [a\ kuăn pơlê Sóc San [a\ tá hiâm mơno, hnoăng cheăng dêi mơngế thái pơkeăng, {ok thái pơkeăng Trần Văn Khương, mơnhên tối:

‘’Châ xing xoăng hnoăng cheăng pơkuâ ‘na khăm pơlât dêi khu, á ngăn kố cho hnoăng cheăng ki má môi, hnoăng cheăng dêi thái, [ok thái pơkeăng kuân khu 5. Ngin mơnhên xiâm kối cho kum kuăn pơlê’’.

Maluâ cho pá puât laga khu kăn pêi cheăng ôh tá pơtê kơhâi dế, hơ’lêh dêi pó kâ hmê, tơniăn ăm kuăn pơlê bố bố xuân châ khăm pơlât, kơbố xuân ai kơxuô tơmeăm khoăng. Ko\ng râng kơxuô kế tơmeăm khoăng, ko\ng râng pơkeăng, nâ Mốc Nem Phum Lon Le sôk ro tối:

‘’Nâ xuân hiăng hbrâ tơnáu kế tơmeăm khoăng vâ kâ têt xuân hiăng ai iâ, kố châ mô đo#i Việt Nam ăm tơ’nôm kơxuô kế tơmeăm khoăng vâ têt kố á ai tơ’nôm  tơdroăng sôk ro, mơnê mô đo#i Việt Nam’’.

Pôa Samphaei Long Lai – Kăn pho\ hnê ngăn tơring Cô Nhéc ăm ‘nâi:

‘’Á mơnê khu mô đo#i kong pơlê Daklak, Daknông tơmâng troh kuăn pơlê  ngin, ki rơhêng vâ tối cho kuăn pơlê cheăm Sóc San, tơring Cô Nhéc. Á sôk ro, mơnê hên ‘nâng, gá mơhno tơdroăng ru\m môi tuăn ton xo\n dêi péa hdroâng kuăn ngo kong têa Kul [a\ Việt Nam tối tơchuâm, tơdroăng pâ nhua#m dêi pó pơla péa kong pơlê Daklak, Daknông [a\ kong pơlê Mondulkiri’’.

Vâ têt tiô khôi hmâ vâi krâ nah Chôl Chnăm Thmây dêi kong têa pú hmâ thăm phâi tơtô, khu kăn hiăng hơbruô lối 700 kơxuô kế tơmeăm ăm mâu rơpo\ng kơtiê dêi cheăm Sóc San. Rêm kơxuô kơnâ 300.000 liăn. Khu mô đo#i hiăng khăm pơlât, xing xoăng pơkeăng tê kơtê, hnê mơhno rak ngăn ivá, mơhnhôk kuăn pơlê drêng châi tamo athế troh hngêi pơkeăng ki achê 1.200 ngế kuăn pơlê [a\ khu lêng ối tung mô đo#i kong pơlê Mondulkiri. Tâi tâng kơxo# liăn roê kế tơmeăm khoăng [a\ xing xoăng pơkeăng tung roh kố châ 300 rơtuh liăn, châ xo ing kơxo# liăn tơpui kâ [a\ kong têa ê dêi Vi [an kong pơlê Daklak, Daknông. Ing tơdroăng cheăng pêi pơxúa kố, um méa ‘’Mô đo#i Pôa Hồ Tây Nguyên’’ thăm châ ô eăng, kum thăm tơru\m cheăng pơla péa hdroâng mơngế, péa khu lêng.

A Sa Ly tơplôu [ă tơbleăng