VOV4.Sêdang - Khu kăn pơkuâ râ kăn xiâm kong pơlê Sekong, Lếo hiăng ai roh pêi cheăng a kong pơlê Kon Tum ‘na tơdroăng hnê mơjiâng mơngế pêi cheăng. Mâu hơnăm hiăng hluâ, kong pơlê Kon Tum đi đo pro tơ’lêi hlâu vâ mâu hok tro, sinh viên kong pơlê Sekong hriâm tâp, rêh ối a kong pơlê. Kăn pho\ pơkuâ kong pơlê Sekong pói vâ kong pơlê Kon Tum kô pơtối to\ng kum kong pơlê Sekong tung tơdroăng mơjiâng mơngế pêi cheăng, ki má lối cho cư nhân, thak sih, tiên sih ‘na mâu kơvâ pêi chiâk deăng, ôm hyô, tê mơdró, khăm pơlât, hnê hriâm. Nôkố, kong pơlê Kon Tum ai 19 ngế hok tro mâu kong pơlê peăng hdroh Lếo dế tiô hriâm nâl Xuăn a Hngêi trung Cao đẳng Cộng đồng Kon Tum, tung mê ai 5 ngế lo ing kong pơlê Sekong. Rêm ngế hok tro châ Vi [an kong pơlê Kon Tum to\ng kum hnoăng liăn hriâm rơkê 2 rơtuh 100 rơpâu liăn môi khế, châ pro tơ’lêi hlâu ‘na tíu ối, kâ koi, hriâm tâp. Mâu vâi o klêi kơ’nâi hriâm nâl Xuăn môi hơnăm kô châ tơbleăng lăm hriâm a mâu hngêi trung đăi hok.

A Sa Ly tơplôu [a\ tơbleăng