VOV4.Sêdang - Hâi lơ 28/12, a Hà Nội, Khu kăn séa ngăn 275 dêi Khu xiâm kal kí xua jâ Trương Thị Mai, Kăn xiâm tung khu pơkuâ cheăng Đảng, Kăn hnê ngăn ‘na mơhnhôk cheăng dêi tơnêi têa pro xiâm pơkuâ djâ khu kăn, hnê mơhno, tơmâng tơpui tối tơdroăng pơkâ dêi hneăng hôp kân má 12 dêi Đảng rơtế [ă tơdroăng pơtối pêi pro tiô pơkâ dêi tơnêi têa má 4, Hneăng 11 ‘na ‘’Mâu tơdroăng kal pêi pro tơdrêng ‘na mơjiâng Đảng nôkố’’ [ă tiô pơkâ dêi Khu xiâm kal kí tung thăm mơnhông hriâm tâp [ă pêi pro tiô troăng tơdjâ hiâm mơno, túa pêi cheăng dêi Hồ Chí Minh. A rôh pêi cheăng, jâ Trương Thị Mai tối ăm ‘nâi: Hơnăm 2016 cho môi hơnăm ki pá dêi kơvâ pêi chiâk deăng xua kong prâi pro oh tá tơniăn, pơreăng tâ tú hên, tơdrêng amê, hnối ai ‘mêi ‘na hyôh kong prâi a têa kơx^ 4 to kong pơlê kơpong tơdế tơnêi têa. Jâ Trương Thị Mai pơkâ thế 2 tơdroăng ki kal cho ‘mâi mơnhông ‘na pêi chiâk deăng [ă mơjiâng thôn pơlê nêo, kal tơmâng vâ veăng ‘no hơ’lêh tâ nếo ngiâ méa thôn pơlê xuân môi tiah tơdroăng rêh ối dêi kuăn pơlê.

Gương tơplôu [ă tơbleăng