VOV4.Sêdang - Tiô tơbleăng dêi Khu xiâm pơkuâ kơmăi kơmok – tê mơdró, xêo troh hâi lơ 15/2/2021, kơxo# liăn tê tơmeăm khoăng ngi kong têa ê châ 38 rơtal dollars, tâk 36% tâng pơchông [a\ roh kố hơnăm nah; rôe tơmeăm khoăng ngi kong têa ê tung vâ chê 2 khế hiăng hluâ xuân tâk dâng 25%. Tung pơla pơrea\ng kân COVID-19 xuân dế xông tâ tú ó, pro tơdjâk a ngiâ [a\ ton xo\n [a\ tơdroăng cheăng kâ lâp plâi tơnêi xuân môi tiah Việt Nam, Khu xiâm pơkuâ Kơmăi kơmok – tê mơdró châ tiô pơkâ tơtêk tê tơmeăm khoăng ngi kong têa ê dâng 4 – 5% tung hơnăm kố.

Pôa Trần Thanh Hải, Kăn pho\ pơkuâ Kơ koan xiâm pơkuâ tơdroăng tê rôe tơmeăm khoăng ngi kong têa ê, Khu xiâm pơkuâ kơmăi kơmok – tê mơdró tối ‘na mâu troăng pêi ki xiâm vâ châ tiô pơkâ mơ’no, mơnhên: khu tê mơdró kô thế tơku\m po vêh pro ăm tơtro vâ ti tăng ple\ng nhên [a\ xúa tơtro tâ mâu tơdroăng ki tơ’lêi hlâu ing mâu Tơdroăng pơkâ tê mơdró hiăng k^; tơdrêng amê, pơkuâ [a\ mơdêk tung pêi cheăng xuân môi tiah ‘na tơdroăng kơdroh pro mơ-éa vâ to\ng kum khu tê mơdró châ tiô pơkâ tê tơmeăm khoăng ngi kong têa ê.

A Sa Ly tơplôu [a\ tơbleăng