VOV4.Sêdang - Rơnó mêi cho rơnó kloăng tiu xông kân piê le\m rơ’mok. Xua mê, tâng vâ tối cho rơnó ki vâ pêi lo hên lơ iâ dêi kơdrum tiu. Tung tơdroăng tơpui hâi kố, pó vâi krâ nho\ng o [a\ pú hmâ pơtối tơmâng thak sih Mai Minh Tuấn, kăn pơkuâ [ơrô kih thuât, ối tung Tíu xiâm mơhnhôk pêi chiâk deăng kong pơlê Gia Lai hnê mơhno kih thuât rak ngăn tiu a hneăng kloăng tiu piê rơ’mok le\m.

Êng: Ô pôa, pôa tối ăm ‘nâi, tơdroăng cheăng rak ngăn kơxái tiu a pơla tiu kơtóu plâi gá kal môi tiah lâi?

Thak sih Mai Minh Tuấn: Kơxái tiu sap ing pơla lo reăng kơ’muăn  plâi ta troh plâi gá tum ton sap 7 troh 10 khế, ngăn tiô kơ hdrê. Pơla klêi kơ’nâi lo reăng kơ’muăn plâi, plâi kân tá troh dâng 3 troh 4 khế tơdế. Tiah mê, sap nôkố ta troh mơ’nui hơnăm cho dế pơla kơxái tiu xông rơdêi vâ drêh ăm plâi kân. Xua mê, pơla kố, pin thế rak ngăn krâu ăm kơxái tiu châ mơ’rêh ăm dêi plâi kân, tơniăn vâ châ xo dêi plâi le\m hnối hên.

Êng: Ô pôa, pơla tiu drêh dêi plâi kố, kơxái tiu kal hên trếo kơhiâm môi tiah lâi?

Thak sih Mai Minh Tuấn: Kố cho pơla rôh tiu mơ’rêh dêi plâi kal hên phon kali. Mê pin thế xúa mâu túa phon ki ai hên đăm-lân-kali- 3-1-3 ngăn tiô kô trếo kơhiâm, ngăn tiô kô ivá dêi kơxái tiu. Tâng tiu dế ngiât le\m, mê pin thế kơdroh rơvât đăm, la rơvât dâng kơlo 3-1-3 lơ 2,5-1-3. {ă ki hên iâ pin rơvât a loăng dâng 2 troh 3 lăng ngăn tiô kô hơnăm dêi loăng.  Tâng tiu ki hiăng ai plâi hên tơniăn, gá dâng 7 kilô tung môi xiâm mê pin rơvât 3 lăng. Tâng gá nếo pơxiâm vâ ai plâi mê pin rơvât dâng 2 lăng tê hiăng hôm.

Êng: Tiah mê, pơla kố, vâ kơxái tiu ai tu\m trếo kơhiâm mơ’rêh dêi plâi, tơdroăng rơvât phon kal thế pêi pro tro tiô tơdroăng klâi?

Thak sih Mai Minh Tuấn: Tung pơla kong prâi ôh tá tơniăn môi tiah nôkố. Ki khât gá, pơla kố, kơxái tiu xuân dế kal hên têa vâ xông rơdêi  mơ’rêh dêi plâi, la xua kong prâi hơ’hêh hmâng vâ, kong mêi ôh tá hên, ôh tá tơniăn. Pin thế tơtro\ng a mâu tíu kong mêi kân gá dế ôh tá ai têa mê pin thế xôh đi đo ăm tiu. Thăm nếo xuân a pơla hơ’lêh rơnó, sap ing rơnó mêi troh rơnó mơdrăng mê ki ôh tá tơniăn dêi kong prâi xuân tơdjâk troh tơdroăng xông kân [ă vâ tơkâ hluâ tơdroăng ki ôh ta tơniăn mê, pin thế dâi phon rơvât ăm tiu xông rơdêi. Tâng ôh, pin xôh sap 1 troh 2 hdroh phon sinh hok ki ga tơdjâk troh acid amin, ai túa xi-tô-phi-min vâ pro ăm loăng xông kân ah loăng kô xông rơdêi tâ.

            Êng: Pôa ăm ‘nâi tơ’nôm pơla kơxái tiu hiăng ai plâi, kô ai mâu túa hdrong ki lâi kâ ‘nhiê tơdjâk troh kloăng [ă ki xông rơdêi dêi kơxái tiu?

Thak sih Mai Minh Tuấn: Pơla kố kơxái tiu xuân dế ối 2 tơdroăng tro pơreăng kâ ‘nhiê. Mê cho pơreăng re#ng hlâ [ă hrá hlâ, xua xiâm pơreăng pro. Môi tiah pin hiăng ‘nâi, kơme#n Phitopthora cho túa kơme#n ki rêh ối tung têa, ôh tá ai kơxêng, xua mê, pơla rơnó mêi troh tơdế rơnó mêi gá ai kơtâ klêi mê xêi, gá ối tung kơdâm tơnêi. Xua mê, pơla kố, tung tơnêi xuân ối hên mâu kơme#n Phitopthora. Xua mê pin hlo, mơhé hiăng xôh pơkeăng sap ing apoăng rơnó mêi, la troh mơ’nui rơnó mêi, kơxái tiu xuân re\ng hlâ [ă hrá hlâ xua a pơla kố Phitopthora pro pơreăng ki re\ng hlâ xuân u ối. Pơla kố pin xuân thế xôh hbrâ mơdât môi hdroh nếo. Pin thế tơmiât xôh 1-2 hdrôh hbrâ mơdât rôh apoăng rơnó mêi cho hiăng. Ki má péa nếo, cho mâu kơtâ ôa ối tung tơnêi xuân cho kuăn kiâ ki rêh tung rơnó mêi, mê gá ối pá gong tơnêi pin thế xôh pơkeăng hbrâ mơdât kơtâ ôa. Tung pơla rơnó mơdrăng, gá dế pơla ai kơtâ ôa ah gá mot tung rêi kơxái tiu, pin pá vâ châ kơdê. Pơla kố, pin xuân thế xôh pá môi hdroh nếo pơkeăng kơdê kơtâ ôa ki kâ ‘nhiê rêi kơxái tiu.

Êng: Ô pôa, pôa tối ăm ‘nâi mâu túa pơkeăng ki vâ xôh hbrâ mơdât mâu pơreăng nếo tối mê âi?

Thak sih Mai Minh Tuấn: Mâu khu pơkeăng, pin thế xôh hbrâ mơdât pơreăng ki pro re\ng hlâ. Pơtih môi tiah agrifos, pri domingo, lơ Kali-foss lơ mâu túa noraxit ki pin hmâ xôh ki hmâ tối dêi meăm hlái khêi, lơ pơkeăng eddy, lơ pơkeăng aliette [ă hía hé. ‘Na pơreăng kơtâ ôa, pin xuân chiâng xúa mâu pơkeăng môi tiah berbigo, lơ  moka [ă hía hé.

Êng: Hôm mơnê kô thak sih!

Gương prế Katarina Nga tơplôu [ă pơchuât