VOV4.Sêdang - Apoăng rơnó mêi cho rơnó ki kal tung rak ngăn kơdrum tiu, kum kơdrum tiu xông kân rơdêi, ngiât le\m [a\ plâi kơtóu hên, xiâm tiu pơtối xông hdrah. Vâ kuăn pơlê [a\ pú hmâ ‘nâi tơ’nôm túa rak ngăn kơdrum tiu hneăng apoăng rơnó mêi, tung tơdroăng tơpui hâi kố, ngin ai trâm thak sih Mai Minh Tuấn, kăn pơkuâ [ơrô kih thuât, Tíu xiâm mơhnhôk pêi chiâk deăng kong pơlê Gia Lai hnê mơhno ‘na kih thuât rak ngăn kơdrum tiu tung pơla kố. 

Thak sih Mai Minh Tuấn: {ă kơxái tiu ai mâu túa pin thế kơhnâ ngăn drêng kong mêi. Má môi, kơxái tiu ôh tá vâ tro têa lân, xua mê, kơdrum kơxái tiu pin thế đi đo pôi tá ăm gá tro tâ lu. Xua rêi kơxái tiu ôh tá kâi tro têa lu tung pơla 12 troh 24 chô. Xua mê, cheăng pro apoăng pin mâ tá ăm têa châ toăng tung kơdrum tiu tung rơnó mêi. Má péa, rơnó mêi xuân pơxiâm ai pơreăng ki pro tiu tơ’lêi re\ng hlâ [ă hrá hlâ, xua pơreăng Phytophthora pro, xuân cho rôh ki tơ’lêi ai oâ châ kơtâ. Sap ing apoăng rơnó mêi pin thế kơdê tah xiâm pơreăng kố, ki hdrối, pin thế rơvât tơ’nôm trếo kơhiâm ăm kơxái tiu.

          Êng: Mê tơdroăng ki kal trếo kơhiâm ăm kơxái tiu apoăng rơnó mêi môi tiah lâi ô thak sih Mai Minh Tuấn?

Thak sih Mai Minh Tuấn: {ă kơxái tiu, mê tơdroăng ki kal trếo kơhiâm tung môi hơnăm cho dâng 350 kilogram đăm ki hâi hơ’lâk lơ tơvât, 150 kilogram lân ki hâi teăm hơ’lâk, [ă dâng 250 kilogram kali ki ôh tá hơ’lâk tơvât. Pin thế klâ pro 5 hdroh vâ rơvât. Pơla rôh klêi kơ’nâi krí [ă hdrối vâ lo reăng pin thế rơvât ăm kơxái tiu pơkâ hơ’lậ tiah kố: 2 đăm - 1 lân – 1 kali. Pơxiâm sap ing kố tơngi ngiâ, apoăng rơnó mêi, drêng kơxái hiăng kơ’muăn plâi, mê pin thế tơvât tơ’nôm trếo kơhiâm ăm kơxái tiu tiô pơkâ: 3 đạm-1 lân- 2 kali. Pak^ng mê, vâ thăm pro ăm ivá kơxái tiu kâi trâng [ă pơreăng, xuân môi tiah kơdroh tơruih plâi, mê pin xuân chiâng xúa tơ’nôm mâu phon pro ing hrái nhâ ai mâu acid amin. Xua ing acid amin gá kô thăm mơdêk ivá ăm kơxái tiu kâi trâng [ă xuân cho tơdroăng ki vâ mơdât tơruih plâi. Tơruih plâi xua ôh tá ai trếo kơhiâm mê tơdroăng pin tơ’nôm mâu túa phon pro mơ-u\m ing hrái nhâ, kơtôu kơphế, hnông alâi cho mâu túa phân têa xuân châ tơ’nôm trếo kơhiâm vâ teăm tơ’mot ăm kơxái re\ng xông rơdêi.

Êng: Kuăn pơlê rơhêng vâ ‘nâi ple\ng troh tơdroăng hbrâ mơdât ôa hdrong kâ ‘nhiê, tung mê ki tơxâng vâ tối cho péa túa pơreăng pro re\ng hlâ, hrá hlâ [ă mâu ôa ki thak sih nếo tối. Mê hôm ai pơkâ pêi pro klâi vâ kâi châ kơdê mâu túa pơreăng kố ăm i xêt khât?

Thak sih Mai Minh Tuấn: Pơreăng re\ng hlâ hrá hlâ xuân ing kơtâ ôa rế hên tung rơnó mêi. Xua mê, sap ing apoăng rơnó mêi kố pin xuân chiâng xúa mâu phon ki pro tiah sinh hok, lơ hoă hok. {ă túa hoă hok mê pin thế xua mâu pơkeăng xôk vâ mơdât ăm mâu pơreăng re\ng hlâ môi tiah Ridomil Gold lơ Metaxin lơ Aliette. {ă kơtâ ôa mê pin xuân xúa mâu pơkeăng môi tiah Marshal lơ Tervigo lơ Mocap. Ki ton ta ah, pin thế xúa mâu túa sinh hok. Pơtih pin athế  xúa phon vi sinh, klêi mê mâu pló xuân môi tiah mâu kế vâ chiâng kơme#n Tricoderma. Xua mâu kơme#n Tricoderma xuân xêt tung tơdroăng kơdê pơreăng Phytophthora, kơmeăm Fusarium [ă xuân kâi lăm kâ ‘nhiê kơtâ ôa. Pak^ng mê, vâ mơdêk ivá kâi tơplâ [ă pơreăng kâ ‘nhiê kơxái tiu mê pin thế rơvât phon ki ai Calci [ă Silic hên. Xua calci kô tơ’nôm trếo ki vâ mơjiâng, pro ăm mâu kế ki vâ mơjiâng trếo le\m rơdêi tâ, kơdroh pơreăng kâ ‘nhiê.

Pak^ng mê, apoăng rơnó mêi, pak^ng pơreăng pro re\ng hlâ hrá hlâ, xuân ai mâu túa pơreăng ki ê môi tiah pơreăng pro khêi hlá lơ pơreăng pro prăng rơmon môi tiah kơchâ. {ă mâu túa pơreăng kố, pin bu kal xúa mâu túa pơkeăng ki hmâ môi tiah Tilt lơ Anvil  lơ   Champion xuân chiâng vâ xôh.

Êng: Hôm, mơnê kô thak sih Mai Minh Tuấn! 

Gương prếi A Sa Ly tơplôu [ă pơchuât