VOV4.Sêdang – A kong pơlê Kon Tum tơdroăng to\ng kum tơmeăm Têt ăm kuăn pơlê dế châ pêi pro krâu khât tung to\ng kum a kơpong hngế hngo tíu tơkăng kong [ă tơdroăng mơ-eăm ôh tá lôi kuăn pơlê ki lâi ôh tá ai Têt.

Rế vâ chê troh hâi Tết, a mâu troăng kân, troăng ku\n dêi kong pơlê Kon Tum thăm rế hlo hên khu rơxế ‘’chơ tơmeăm Têt’’ troh a kơpong kuăn pơlê ki hơngế hơngo, tíu tơkăng kong kơtiê xahpá dêi kong pơlê. Cho môi tung 200 ngế hok tro hngêi trung phoh thông hnê Kuăn ngo ai tíu kâ koi kơhâi dế râ má môi Đăk Nên, cheăm Đăk Nên, tơring Kon Plông châ xo tơmeăm Têt ing tơdroăng ‘’Têt tơtô ăm hok tro kơtiê kơpong hngế hngo xahpá’’ châ tơdah rơnó Hơngui Tân Sửu 2021. O Y Lan, kuăn ngo Rơteăng, hok tro lâm 5A phiu ro ăm ‘nâi:

‘’A hâk ro khât xua vâi tăm, vâi nâ hiăng ăm á ếo tơtô. A mơnê hên kơ mâu vâi tăm, vâi nâ hên. A hiăng ai ếo tơtô, a kô mơ-eăm hriâm rơkê, nguăn loi nôu pâ [ă loi kô vâi ngoh nâ’’.

Tơdroăng phiu ro ai ếo tơtô xâp a hâi Têt dêi mâu vâi o hok tro râ má môi cheăm Đăk Nên

Cheăm Đăk Nên, tơring Kon Plông, kong pơlê Kon Tum cho cheăm kơtiê xahpá [ă kơtăn ing pơlê kong kơdrâm Kon Tum dâng 140km. Tiô Thái Lê Tấn Trường Anh, Kăn pơkuâ hngêi trung phôh thong hnê Kuăn ngo ai tíu kâ koi ối pơtê kơhâi dế râ má Môi Đăk Nên, hngêi trung ai 17 to lâm [ă 249 ngế hok tro [ă tâi tâng mâu vâi o mê xuân to mâu vâi o kuăn ngo Rơteăng.  Tơdroăng ‘’Têt tơtô ăm vâi o hok tro kơtiê kơpong hngế hngo ki xahpá châ ‘’tơdah Têt rơnó Hơngui Tân Sửu 2021 troh [ă vâi o cho tơdroăng ki mơhnhôk vâ ăm vâi o mơ-eăm hriâm:

‘’Vâi o hok tro akố kơpong hngế hngo, kơtiê xahpá ing yêp truâ, ếo xâp to mâu tơmeăm xúa ki tơdjâk troh tơdroăng hriâm dêi mâu vâi o. Hâi kố mâu vâi ngoh hiăng djâ ăm mâu vâi o tơdroăng ki phiu ro tung rơnó hngíu vâ chê troh Têt. Mê cho hiâm mơno ki kân’’.

Tơdrêng [ă mâu cheăm kơpong hngế hngo, hdroâng kuăn ngo kơtiê xahpá, mâu hâi ki kố a 13 to cheăm tơkăng kong dêi 4 tơring Đăk Glêi, Ngọc Hồi, Sa Thầy [ă Ia H’Drai dêi kong pơlê Kon Tum xuân po hên tơdroăng cheăng tơmâng troh Têt ăm kuăn pơlê. A tơring Ia H’Drai, hdrối vâ troh hơnăm nếo, Vi [an Măt tra#n tơnêi têa Việt Nam tơring hiăng pơcháu ăm 7 toăng hngêi tuăn pâ [ă tâi tâng kơxo# liăn 390 rơtuh liăn ăm 7 rơpo\ng kơtiê xahpá ‘na hngêi ối.

Pôa Nguyễn Tiến Dũng, Kăn pho\ hnê ngăn tơring Ia H’Drai ăm ‘nâi: Tơring hiăng x^ng xoăng lối 700 rơtuh liăn vâ to\ng kum Têt ăm rơpo\ng kơtiê xahpá. Klêi mê, ing hên kơxo# liăn ki pơrá phá dêi rơpó rêm to cheăm lối 100 rơtuh liăn vâ tơku\m kâ Têt tơchoâm ăm kuăn pơlê ăm mâu kuăn pơlê a mâu thôn:

‘’Tơdroăng tơmâng to\ng kum Têt ăm kuăn pơlê tung tơring cheăm ngin malối tơmâng khât dêi khu râ kăn Đảng, mâu kăn tơring cheăm thôn pơlê. Ngin dế tơbleăng thế mơ-eăm pêi. Hâi leh lu\m kơ-[ăn tơxông  ngiât xuân châ pêi péa tơdroăng vâ pro ti lâi ăm thế cho môi hâi kơxuô kơ-[ănh tơxông dêi kuăn pơlê. Ví pôi tá ai mâu tơdroăng ki bú pro ăm hlo [ă mâ tê, la ôh tá pro pơxúa klâi. Tơru\m [ă kơmăng hlối mơđah hơdruê xuâng a tíu tơkăng kong, klêi mê koh hâk Đảng, phiu ro lo rơnó hơngui, hâk ro tơnêi têa hơ’leh nếo’’.

Vâi nâ o kơdrâi cheăm Mô Rai, tơring Sa Thầy ai tơmeăm xúa Têt ing rôh po kơchơ ôh tá xo liăn

Pêi pro hên tơdroăng hơ-ui pâ rơtế tơchoâm pêi tơdroăng tơmâng to\ng kum Têt ăm kuăn pơlê a tíu tơkăng kong, khu ngăn vâi kơdrâi kong pơlê Kon Tum rơtế [ă Khu pơkuâ ngăn Mố đo#i gak tơkăng kong dêi kong pơlê, Khu ngăn vâi kơdrâi pơlê kong kân Hà Nội hiăng tơku\m po hên tơdroăng cheăng kring vế, gak ngăn drô troăng tíu tơkăng kong xo\n lối 292 km achê [ă kong têa Lếo [ă Kul. Mâu ‘’Têt tơtô hơ-ui pâ’’; pơcháu hngêi tuăn pâ, tơ’noăng kơxuô kơ-[ăn tơxông [ă pế pơchên mâu kơchâi kâ tiô chal krâ; po kơchô ôh tá xo liăn túa mơnhông cheăng kâ dêi khu vâi kơdrâi, diâp hnoăng liăn ăm mâu hok tro, bruô tơmeăm Têt, tâi tâng kơnâ dâng 500 rơtuh liăn hiăng pro pơxúa phiu ro Têt ăm kuăn pơlê tíu tơkăng kong.

Nâ Y Tháo, pơlê Grập, cheăm Mô Rai, tơring Sa Thầy hâk phiu ro drêng châ xo hên tơmeăm xúa tung rôh Têt ing po kơchơ ôh tá xo liăn:

‘’Á châ xo mok teăn [ă prế len [ă hmân ếo, kế truâ ko\ng, kơ-[ăn, kơ-[o\ng hum ko a tâ hơniâp ro tung hiâm mơno. Tơmeăm ki á xo mê ai pơxúa khât ‘nâng ai môk châ truâ ko tung rơnó hngiú, prôk ulâi á xuân truâ môk mê’’.

‘’{ă tơdroăng mơ-eăm ôh tá lôi ăm mâu rơpo\ng ki lâi ôh tá châ kâ Têt, Vi [an hnê ngăn kong pơlê Kon Tum hiăng pơkâ ‘no vâ chê 11 rơtal liăn kum mâu rơpo\ng kơtiê, rơpo\ng vâ chê kơtiê châ tơdah Têt Lo hơnăm nếo Tân Sửu 2021. Ing mê, lối 12 rơpâu rơpo\ng kơtiê dêi kong pơlê kố châ to\ng kum rêm rơpo\ng 600 rơpâu liăn, lối 2 rơpâu rơpo\ng châ kơjo kum rêm rơpo\ng 300 rơpâu liăn. Tung mâu hâi ki kố, tơdroăng xah ro Têt dế troh a mâu kơpong hơngế hngo, kơpong kơtiê xahpá má môi dêi kong pơlê Kon Tum.

Khoa Điềm chêh

Gương tơplôu [ă tơbleăng