VOV4.Sêdang - Hâi lơ 16/12, tơbleăng tối ing khu pơkuâ troăng prôk [a\ rơxế kơtâu kong pơlê Kon Tum tối ăm ‘nâi: klêi kơ’nâi lối môi khế tơdah, khu ki mơjiâng pro hiăng kêi đeăng tơdroăng mơjiâng pro kông meăm thép Bailey a têa plông Đăk Pne mot a cheăm Đăk Pne, tơring Kon Rẫy. Kông meăm thép Bailey châ mơjiâng pro a têa kroăng Đăk Pne xo\n 120 met a tíu kông ki ton nah tro têa mơhiu.

Kông meăm thép hiăng klêi mơjiâng pro

{a\ tơdroăng mơjiâng pro kêi đeăng kông kố, sap ing hâi lơ 16/12, 438 rơpo\ng [a\ lối 1 rơpâu 400 pơ’leăng mâ mơngế a 3 thôn 2,3,4 dêi cheăm Đăk Pne, tơring Kon Rẫy hiăng ai kông vâ prôk lăm, ki má lối tơ’lêi hlâu ăm tơdroăng pơto tơmeăm tung rơnó pôe xo tơmeăm. Hdrối mê môi tiah VOV hiăng chêh tơbleăng, a kơhâi dế hâi lơ 28/11, xua tơdjâk dêi kong mêi khía mơhot roh má 9, têa lân lu a kơnho\ng hiăng mơhiu kông meăm tơkâ têa plông Đăk Pne a troăng prôk ki xiâm mot a tơring Kon Rẫy [a\ cheăm Đăk Pne.

A Sa Ly tơplôu [a\ tơbleăng