Nâ Lý Thị Chức ối a thôn 22, cheăm C|ư Bông, tơring Ea Kar, kong pơlê Daklak tung pơla mơhum kuăn a hngêi pơkeăng cheăm nâ lo mơheăm hên. Drêng chơ djâ ngi hngêi pơkeăng kân 333, xua troăng hơngế, nâ hiăng lo hên mơheăm, hiăng vâ hlâ ôh tá ngah rêh. Tung pơla mê, hngêi pơkeăng ôh pá ai xếo mơheăm nhóm A [ă mâu nho\ng o tung on veăng rơpo\ng hngêi oh tá ai ngế ki lâi ai mơheăm nhóm A vâ xo ăm nâ. Tâng tối ai tơdroăng mê, Kăn hnê ngăn tơring Ea Kar hiăng thế 2 ngế Lê Văn Đức [ă Nguyễn Thanh Tuấn, re\ng troh a hngêi pơkeăng pleăng mơheăm. Kơnôm ing mê, nâ Lý Thị Chức hiăng ai mơheăm châ kum rêh, nâ tối:

‘’Prôk troh akố hngêi pơkeăng hiăng tâi mơheăm, mơhúa ‘nâng ai prếi ko\ng an pleăng dêi mơheăm, tâng ôh a hiăng hlâ’’.

Mơnê kô hngêi pơkeăng 333 [ă mâu kăn [o# ko\ng an tơring Ea Kar, rơpo\ng nâ Chức hiăng xo Lê Văn Đức pro pâ păn dêi kuăn. Jâ Lâm Thị Mót, nôu nâ Chức, rơrêk tung hiâm mơno tối:

‘’Mơhúa ai mâu ko\ng an, peăng hngêi pơkeăng hiăng tối tơbleăng ăm mâu ko\ng an kal mơheăm vâ kum kuăn kơdrâi á, a mơnê kô mâu [ok thái pơkeăng [ă mâu ko\ng an hên pá kâi tối, hiăng re\ng teăm ăm mơheăm kum kuăn á’’.

Sôk ro pá kâi tối xua hiăng teăm pleăng mơheăm kum mơngế, ngoh Lê Văn Đức thăm sôk ro tâ xua ai tơ’nôm môi ngế kuăn păn:

‘’Ngin dế pêi cheăng a cheăm Ea Sô tâng kăn ko\ng an tơring krếo phôn, a rơtế [ă môi ngế pú, re\ng kơtâu troh a hngêi pơkeăng 333 vâ teăm pleăng mơheăm ăm ngế nâ ki dế mơhum. A tâ sôk ro xua dêi tơná hiăng châ kum mơ’rêh ngế nâ [ă mơheăm tơná’’.

‘Na muăn Lương Chí Trung, ối a cheăm Ea Sar, tơring Ea Kar, kơdroh kế ki vâ mơjiâng pro mơheăm tung châ, thế  đi đo pâk ‘mot mơheăm. Ai drêng ‘nâ chơ troh pơlât tơdrêng a hngêi pơkeăng kân tơring Ea Kar, hngêi pơkeăng xuân hiăng tâi mơheăm nhóm A. Ko\ng an tơring krếo thế 4 ngế kăn [o# lăm troh a hngêi pơkeăng pleăng mơheăm, kum muăn Trung tơkâ hluâ tơdroăng ki rơ-iô. Rơ rêk tung hiâm mơno hlo tơdroăng pêi pro ki le\m dêi mâu ko\ng an, pôa Lương Văn Ổn, pôa peăng pâ dêi muăn Trung tối:

‘’Tơdroăng cháu á hâi ki mê nah gá dế châi ó, tơku\m tâi tâng mâu nho\ng o tung hdrông hdrê oh ai ngế ki lâi ai mơheăm môi tiah cháu. Hngêi pơkeăng hiăng krếo 2 ngế ko\ng an ki ai mơheăm bu bối cháu, lăm troh a hngêi pơkeăng pleăng dêi mơheăm vâ kum ăm cháu châ ‘mot mơheăm, re\ng mo dâi. Rơpo\ng hngêi á mơnê kô hngêi pơkeăng [ă ko\ng an tơring hiăng kum cháu a mo dâi’’.

Tung mâu hơnăm hiăng hluâ, đi đo tơmâng troh tơdroăng pleăng mơheăm kum mơngế dêi ko\ng an tơring, ko\ng an tơring hiăng chêh inâi mâu kăn [o#, mâu lêng tiô tơrêm khu mơheăm vâ tơ’lêi drêng kal to\ng kum mơheăm tơdrêng vâ krếo pleăng mơheăm ăm mâu ki châi tamo râ ki dế kal mơheăm a mâu hngêi pơkeăng tung kơpong. Đăi tă Đàm Văn Thể- Kăn pho\ ko\ng an tơring Ea Kar, kong pơlê Daklak tối:

‘’ Drêng kuăn pơlê kal, kuăn pơlê hiăng vâ hlâ mê kăn [o#, mâu lêng ko\ng an kô lăm troh kum kuăn pơlê. Môi tiah, mâu rôh pleăng mơheăm, rêm hơnăm 2 hdrôh, ngin ai sap 50-70 ngế rêm hdroh pleăng mơheăm a hngêi pơkeăng tơring Ea Kar. ‘Na mâu kuăn pơlê trâm pá hliăng tiâ môi tiah a hngêi pơkeăng 333 cho hngêi pơkeăng kơpong, klêi mê a hngêi pơkeăng tơring, châ mâu [ok thái pơkeăng pơkâ thế, maluâ mâu ko\ng an dế ối ulâi pêi cheăng klâi, tâng kăn krếo kô lăm troh a hngêi pơkeăng pleăng mơheăm vâ kum kuăn pơlê’’.

Ôh tá xê to pêi tro hnoăng cheăng kring vế tơniăn pơlê cheăm, mâu kăn [o#, mâu lêng ko\ng an tơring Ea Kar hiăng kơhnâ khât tung veăng pêi mâu tơdroăng cheăng kum pơlê pơla, kum mâu ki xơpá, malối cho tơdroăng pêi pro ki le\m tung pleăng mơheăm kum mơngế. Tơdroăng pêi pro mê, tơ’nôm pá môi hdroh nếo mơhno hiâm tuăn ki le\m hâk vâ ‘’Xua tơnêi têa piu dêi tơná, xua kuăn pơlê kum pơlê’’ dêi mâu lêng ko\ng an kuăn pơlê.

Gương tơplôu [ă tơbleăng