Klêi kơ’nâi tơnêi têa châ tơleăng le\m, tơkâ luâ hên tơdroăng pá puât, Ko\ng an kong pơlê Kon Tum hiăng tơru\m pêi cheăng tơdjuôm, tơku\m tơplâ ‘nhê mâu khu ki ai pro xôi [ă khu tí tăng hliăng pêi pro mâu tơdroăng ki kơneăm pơlê pơla, tơnêi têa; tơdrêng amê, hnối mơhnhôk pêi pro trâu rơdâ ‘na hnoăng cheăng tâi tâng kuăn pơlê rơtế kring vế tơniăn tơnêi têa, mơjiâng chiâng ivá ki hên khu râ vâ kring vế, gak ngăn tơdroăng cheăng kal kí, rak vế tơniăn tơdroăng rêh ối pơlê pơla. Ki rơhêng vâ tối, sap ing hơnăm 2001 vêh ngi kố, tơdroăng rêh ối a kơpong Tây Nguyên tối tơchuâm, kong pơlê Kon Tum tối phá xêh pơrá ai hên tơdroăng ki tá hâi teăm ‘nâi hdrối; mâu khu kơneăm đi đo tăng troăng vâ pro tơ’nhê ăm tung kơpong hdroâng kuăn ngo, mơhnhôk thế vâi krâ-nho\ng o kơtâu hdâ ngi kong têa Kul; mâu khu ki pro xôi luât xuân hên h^n. Ko\ng an kong pơlê Kon Tum hiăng rơtế [ă mâu khu râ, kơvâ cheăng pêi pro le\m tro tơdroăng mơhnhôk kuăn pơlê; lăm pơtrui, gak ngăn, tơplâ ‘nhê, rup kroăng mâu khu ngế ki tơtrâ tơnêi têa, ôh ti ăm ai tơdroăng tríu tơtrâ, tí tăng pro tơdroăng kố tơdroăng mê.

Pak^ng mê, mâu khu râ Kăn sat pơtối po mâu roh lăm plâ ‘nhê, tí tăng rup mơngế xôi, mơngế ki ai inâi tung khu xôi kân hiăng thế lăm rup sap ing hdrối nah. Tơru\m cheăng pơla hbrâ mơdât [ă tơplâ; tơku\m pêi pro mâu túa cheăng ki hbrâ tơnáu, teăm tí tăng séa mơnhên ngăn, tí tăng ‘nâi mâu roh ai khu ngế ki pro xôi kân. Klêi kơ’nâi mơnhên, hiăng châ hlo [ă rup mâu ngế ki pro xôi. Ko\ng an kong pơlê Kon Tum ối pêi pro le\m tro ‘na hnoăng cheăng veăng hnê tối ăm khu râ Đảng, khu kăn pơkuâ hnê tối rak vế, pêi pro le\m tro mâu Tơdroăng cheăng dêi tơnêi têa tung hbrâ mơdât, tơplâ, pêi pro tro tiô tơdroăng pơkâ dêi Vi [an hnê ngăn kong pơlê ‘na thăm mơnhông mơdêk ‘na hbrâ mơdât khu droh rơtăm ki ai pro xôi luât.

Kơ’nâi 15 hơnăm, khu lêng Ko\ng an kong pơlê Kon Tum hiăng săm tối lối 5 rơpâu hdroh khu ngế pro xôi, rup, mơnhên 4 rơpâu 500 ngế ki ai pro xôi, hnê tối  lối hr^ng tíu ki xiâm pêi pro tơdroăng xôi [ă hía hế. Tơdrêng amê, thăm mơnhông ‘na tơdroăng pơkuâ ngăn Tơnêi têa ‘na kring vế pơlê pơla, ki rơhêng vâ tối athế rak vế tơniăn troăng prôk, hbrâ mơdât tơdroăng ki pơtôu, on chếo [ă hía hế, veăng kum kring vế tơniăn pơlê pơla tung kong pơlê kố. Pôa Nguyễn Văn Tân, ối a tôh kơpho# 3, bêng Trường Chinh, pơlê kong kơdrâm Kon Tum tối ăm ‘nâi:

‘’Á rêh ối a kong pơlê Kon Tum hiăng châ lối 30 hơnăm, xua mê, iâ hên á xuân hiăng châ hlo tơdroăng ki hơ’lêh dêi kong pơlê kố, tung mê, ai khu râ Ko\ng an. Tâng vâ tối khât cho pơlê pơla nôkố, tâng ôh tá ai khu lêng Ko\ng an mơni khu ngế ki pro ‘mêi kô thăm pro mâu tơdroăng ki xâu xía ó tâ nếo. Vâ rak vế tơniăn ăm tơdroăng rêh ối, pêi cheăng, tung mâu khế hơnăm hiăng luâ, khu lêng Ko\ng an hiăng kum kuăn pơlê tơniăn tuăn pêi cheăng kâ, mơnhông mơdêk pêi cheăng kâ, kơnôm ai khu râ ko\ng an tung kong pơlê hiăng pêi pro le\m tro hnoăng cheăng lăm pơtrui [ă kring vế, hnối teăm re\ng tơleăng mâu tơdroăng ai tơdjâk troh kring vế pơlê pơla’’.

Tung mâu hơnăm hiăng luâ, Ko\ng an kong pơlê Kon Tum đi đo to\ng kum troh tơdroăng cheăng mơjiâng Đảng, thăm mơnhông mơdêk hneăng tơ’noăng ‘’Xua kring vế tơniăn tơnêi têa’’ [ă hía hế. Ing mê, hiăng pêi pro klêi hnoăng cheăng kring vế tơniăn cheăng kal kí, rak vế tơniăn ăm pơlê pơla, châ kuăn pơlê loi tơngah.

Pôa Hòang Lệnh-Môi ngế kăn [o# Ko\ng an kong pơlê Kon Tum hiăng pơtê cheăng, tối mơnhên: ‘’Troh nôkố Ko\ng an kong pơlê hiăng ai hên ‘na kế tơmeăm, mâu kế khoăng ki xúa xuân môi khu lêng rế kơdrâm, xông rơdêi. Mâu hơnăm hiăng luâ, khu lêng Ko\ng an kong pơlê hiăng mơjiâng hên hnoăng cheăng, veăng kum pro tơ’nôm ăm khôi hmâ, túa tơlá, hnoăng cheăng kăch măng khên tơnôu dêi khu lêng Ko\ng an. Xua ti mê, á loi tơngah khu kăn pơkuâ [ă kuăn pơlê mâu hdroâng kuăn ngo tung kong pơlê đi đo loi tơngah khu lêng Ko\ng an tung roh kring vế cheăng kal kí, rak vế tơniăn pơlê pơla [ă loi tơngah khu lêng Ko\ng an kong pơlê kô châ chiâng pêi pro hên tơdroăng cheăng tâ nếo’’.

Luâ 42 hơnăm tơplâ, mơjiâng [ă xông rơdêi, [ă mâu kăn [o#, mâu lêng Ko\ng an kong pơlê Kon Tum kố cho tơdroăng hâk tơngăm, cho ki xiâm dêi hnoăng cheăng ki kal khât vâ pơtối tơ’nôm ivá ki rơdêi vâ rêm ngế kăn [o#, mâu lêng pơtối rak vế, krá chân tung troăng prôk tơplâ kring vế tơniăn tơnêi têa, veăng kum rơtế tung tâi tâng Đảng, tâi tâng kuăn pơlê rak vế, pêi pro [lêi chiâng tiô tơdroăng ‘’Kuăn pơlê kro, tơnêi têa ó rơdêi, pơlê pơla tơdâng tơ’mô, pêi pro tiô hiâm mơno kuăn pơlê pói vâ, hloh hlê rơkê ple\ng’’.

Nhat Lisa tơplôu [ă tơbleăng