VOV4.Sêdang - Tơring Đak Glei, kong pơlê Kontum dế mơhnhôk khu cheăng to\ng kum mâu rơpo\ng a cheăm Đak Kroong rơnêu tơmeăm khoăng xua khía jâ kơdo, vâ tơniăn tơdroăng rêh ối. Hdrối mê, kơxê hâi lơ 14/3, tung cheăm Đak Kroong, tơring Đak Glei, kong pơlê Kontum ai kong mêi kân, khía jâ kơdo, pro tơ’nhê 32 toăng hngêi dêi kuăn pơlê a pái pơlê: Đak Túc, Đak Sút [a\ Đăk Gô. Mơhúa ôh tá ai hlâ mơngế. Vi [an tơring Đak Glei hiăng mơhnhôk khu lêng kuăn pơlê rơtế mâu khu cheăng, kơvâ cheăng, đoân viên droh rơtăm kum mâu rơpo\ng tông xo mâu kế tơmeăm khoăng ki tơ’nhê [a\ rơnêu hngêi trăng; hơ’lêh mâu trăng on tơhrik ki tơđôu, rơnêu troăng kơxái on tơhrik. Tơdrêng amê,  to\ng kum rêm rơpo\ng ai hngêi tơtêa kuâ 2 rơtuh liăn, hngêi ki tơhnâp 5 rơtuh liăn.

Kong mêi jâ kơdo rơvê a kong xêi lơ 14/3 xuân hiăng pro lu\p hên tơmeăm khoăng dêi kuăn pơlê tơring Ia Grai, kong pơlê Gialai. A mâu cheăm Ia Krăi, Ia Tô, Ia Khai, hên kơdrum loăng kơxu dế tung rơnó kúa xo chhá hiăng tro khía rơvê pro tơlâk xiâm [ă tơđôu tơkâng loăng. Kong mêi kân pro hên hngêi kuăn pơlê tơtêa kuâ, tơhnâp mơnât. Nốkố mâu kơvâ cheăng khu râ kăn kong pơlê, tơring, cheăm rơtế [ă kuăn pơlê pêi mâu tơdroăng vâ tơkâ hluâ xơpá xua kong mêi kân vâ re\ng tơniăn tung rêh ối. 

Gương prế A Sa Ly tơplôu [ă tơbleăng