VOV4.Sêdang - Khu lo to\ng veăng kong pơlê Kontum nếo pêi klêi tơdroăng ki mơjiâng, [ă diâp 26 toăng hngêi tuăn pâ ăm vâi krâ nho\ng o hdroâng kuăn ngo kơtiê a pơlê kong kơdrâm Kontum [ă tơring Đak Hà. Châ mơjiâng sap ing kơxo# liăn tơlo Thiện Tâm – Grup pơkuâ Vingroup to\ng kum rêm toăng hngêi tuăn pâ kơnâ 50 rơtuh liăn, rak tơniăn ăm 3 tơdroăng pơkâ: Trêi le\m, mơnât le\m [ă kuâ le\m. tâi tâng ki kân ai 40 met karê, hngêi châ xing xoăng pro 3 kơbong, cho kơbong ăm tơmối, kơbong koi [ă kơbong lăm mơdrah. Châ tơdroăng ki xo hngêi tuăn pâ hdrối Têt lo hơnăm nếo Đinh Dậu môi tiah tơdroăng ki sôk ro dêi mâu rơpo\ng hdroâng kuăn ngo kơtiê. Cho môi tung 26 rơpo\ng châ xo hngêi tuăn pâ, nâ Y Lép, hdroâng kuăn Rơteăng, a pơlê Kon Ring, cheăm Đak Bla, pơlê kong kơdrâm Kontum ăm ‘nâi:

‘’Hngêi ki hdrối nah pơtâ, ni gá hiăng tơđôu tâi. Nôu hiăng krâ, pâ xuân hiăng krâ há bú môi ngế á xo, môi ngế kuăn ôh tá ai kơbố pro hngêi, pro môi ngế ôh tá kâi. Nôkố, á hiăng ai hngêi, á xuân hmiân tuăn, kong măng koi xuân hlâk, oh tá tơmiât klâi xếo. Hiăng vâ chê troh Têt maluâ ôh tá ai klâi, la hiăng ai hngêi ối nếo á sôk ro khât. Hơnăm nếo kố, á mơ-eăm pêi cheăng vâ ai tu\m hmê kâ’’.

Katarina Nga tơplôu [a\ tơbleăng