VOV4.Sêdang - Hluâ 3 hơnăm pêi pro tiô tơdroăng tơkêa bro kơjo kum mâu rơpo\ng kơtiê tơniăn ton xua kong têa Ireland to\ng kum, hên mâu rơpo\ng kuăn pơlê kơtiê a tơring Sa Thầy, kong pơlê Kontum hiăng ai tơdroăng cheăng kâ tơniăn. Păng ‘nâng hiăng ai 55 rơpo\ng kơtiê dêi 2 to cheăm Sa Bình [ă Ya Xiêr châ rah xo veăng păn ro kăn ăm ai kuăn tiô tơdroăng hơ’lêh tơdroăng ki ăm mung liăn. Mâu rơpo\ng hiăng hbrâ veăng pêi a tâi tâng mâu tơdroăng môi tiah rak ngăn, mơjiâng túa rak ngăn, séa ngăn kơxo# liăn ‘măn kơd^ng, rah hdrê, hriâm kih thuât păn, kơjo kum pêt nhâ hbrâ che\m ăm ro. Khu râ kăn kong pơlê thế mâu kăn [o# kih thuât [ă mâu kơvâ cheăng séa ngăn, kơjo kum kuăn pơlê păn. Troh nôkố, mâu ro dêi rơpo\ng păn xuân re\ng kân, ai kuăn hên, kơxo# ro hiăng tâk troh 115 to. Kơnôm ing túa păn kố, ai 32 rơpo\ng ki veăng pêi tơdroăng tơkêa hiăng hluăn ing kơtiê.

Gương tơplôu [ă tơbleăng