VOV4.Sêdang - {ă tơdroăng ki pơxúa dêi pơkeăng ki xêt phá xêh, tơmeăm ki pro ing sâm Ngọc Linh dế châ kong pơlê Kontum pơkâ ăm Khu xiâm ngăn ‘na khoa hok [ă cheăng kơmăi kơmok pơtroh ăm Ngế pro xiâm hnê ngăn tơnêi têa séa ngăn, pơkâ tơ’nôm a tơdroăng mơdêk pêi lo kế tơmeăm tơnêi têa troh hơnăm 2020.

Loăng sâm Ngọc Linh châ pêt tung kong

Vi [an kong pơlê Kontum tối tiah kố, sâm Ngọc Linh cho hdrê loăng ki ai a Việt Nam, [ă cho loăng ki xiâm dêi kơpong kong ngo Ngọc Linh ối tung 9 to chăm dêi péa to kong pơlê Kontum [ă Quảng Nam. ‘Na ki pơxúa dêi pơkeăng, mâu khu cheăng khoa hok hiăng mơnhên sâm Ngọc Linh cho túa sâm ki kơnía git [ă ki le\m má môi nôkố. Châ pơkâ cho môi tung mâu tơmeăm khoăng ki xiâm dêi kong pơlê, troh nôkố, Kong pơlê Kontum hiăng rak vế, mơdêk pêt lối 300 ha sâm Ngọc Linh [ă pơkâ hdró tơnêi vâ pêt sâm ai vâ chê 17 rơpâu ha. Kong pơlê pơkâ troh hơnăm 2020 ah pêt châ 1 rơpâu ha [ă dế pêi lo hên kế tơmeăm ki pro ing sâm Ngọc Linh vâ ai sâm tê ăm mơngế tung tơnêi têa [ă kong têa ê.

Gương tơplôu [a\ tơbleăng