VOV4.Sêdang - Hdroâng kuăn ngo Rơ Mâm cho môi tung kơxo# hdroâng kuăn ngo ki iâ mơngế a Việt Nam. Mơngế Rơ Mâm nôkố bu ai vâ chê 500 ngế rêh ối tơku\m a pơlê Le, cheăm tơkăng kong Măng Mrai, tơring Sa Thầy, kong pơlê Kon Tum. Rơtế [ă mâu troăng hơlâ to\ng kum dêi tơnêi têa, kuăn pơlê Rơ Mâm dế mơ-eăm mơjiâng tơdroăng rêh ối nếo.

Tung mê, pôa A Blong, krâ pơlê, cho ngế ki djâ troăng ahdrối tung tơdroăng mơdêk cheăng kâ rêh ối pơlê pơla [ă mơhnhôk vâi krâ nho\ng o tah lôi khôi túa tơlá ki ôh tá tro, rak vế mơhno túa le\m, veăng kum mơjiâng krá tơniăn a tíu tơkăng kong. Mâu hâi apoăng dêi khế 12 kố, pôa A Blong, krâ pơlê hâk tơngăm cho môi tung 25 ngế kăn kong pơlê Kon Tum lăm troh veăng hôp a Hneăng hôp mâu hdroâng kuăn ngo Việt Nam rôh má 2 hơnăm 2020.

A Blong, kot mâ hơnăm 1955, cho môi ngế kuăn ki kơhnâ rơkê dêi hdroăng kuăn ngo Rơ Măm. Re\ng ple\ng kăch măng, pôa veăng tơplâ xâ Mih sap ing ối pho#m xông kân. Tơnêi têa hơniâp le\m, pôa pro thái a kơpong tíu tơkăng kong Mang Mrai, Sa Thầy, Kon Tum. Plâ mâu khế hơnăm ối nếo, tá drêng hiăng pơtê cheăng xua hơnăm hiăng krâ, krâ pơlê A Blong đi đo pói vâ hdroâng kuăn ngo Rơ Măm ôh tá kơklêa kơtiê, tơdroăng rêh ối ôh tá ton tơrôu.

Pôa đi đo cho ngế djâ troăng ahdrối [a\ hnê mơhno kum vâi krâ tung pơlê pêi tiô. Tung mơnhông mơdêk cheăng kâ, rơpo\ng ai 4 ha kơxu dế kúa xo chhá, 3.000 met karê klâng têa, klôh păn ká, păn kơpôu rơtế hên í peâp. Tung tơdroăng rêh ối pơlê pơla, krâ pơlê A Blong xuân cho ngế mơjiâng tơdroăng hâk vâ hriâm ăm kuăn ‘ne\ng tung pơlê; hnê mơhno kuăn pơlê xut tah lôi khôi túa ôh tá tro, rak vế khôi túa le\m tro dêi vâi krâ nah.

Krâ pơlê A Blong tơpui tơno [a\ ngế chêh hlá tơbeăng VOV

Pôa A Yer, Pho\ hnê ngăn Vi [an cheăm Mang Mrai tối ăm ‘nâi, krâ pơlê A Blong châ kuăn pơlê loi tơngah, nhuo#m pâ ing tơdroăng djâ troăng ahdrối dêi pôa:

‘’Pôa cho ngế djâ troăng ahdrối pêi pro mâu troăng hơlâ dêi Đảng, Tơnêi têa. Pôa pơtâng tối, mơhnhôk vâi krâ tung pơlê pôa tối krê, tung cheăm tối tơdjuôm pêi pro mâu troăng hơlâ. Mơnhông mơdêk cheăng kâ mê pôa xuân cho ngế ki hôm má môi môi tiah păn kơpôu, ro, chu [a\ pêt mâu loăng plâi ton hâi môi tiah kơxu, plâi hôt’’.

Ing tơdroăng loi tơngah rơtế tơdroăng mơ-eăm mơhnhôk, pôa tối ăm inhên tơdroăng ki lâi tro, ki lâi ôh tá tro, mơngế Rơ Măm a tíu tơkăng kong Mang Mrai nôkố hiăng kơdroh tơdroăng xo on veăng tá hâi tro hơnăm [a\ tah lôi tơdroăng xo on veăng ối achê hdroâng hdrê; vêh pêi tơdroăng te\n hmôu, ếo pơtâk; pơtối rak mâu hâi t^ng ki kal má môi, môi tiah t^ng hlu\m tuăn, chối báu, po hnôu báu, kâ báu nếo, phiu ro to kuât nếo…

Krâ pơlê A Blong cho tíu loi tơngah dêi khu râ kăn pơkuâ

Ki kơnía má môi cho mơhé bu 149 rơpo\ng [a\ 487 pơ’leăng mâ mơngế tung môi pơlê Le, cheăm Mang Mrai, laga mơngế Rơ Măm ối rak châ 34 khu chêng koăng kơnía vâ tôu tung mâu roh leh. Ngoh A Thái, ngế kuăn pơlê Le, tối ăm ‘nâi, rêm roh ngoh, rơpo\ng ai tơdroăng, rêm ngế tung pơlê pơrá ti tăng troh krâ pơlê A Blong vâ kơ-êng ti tăng troăng tơleăng.

‘’Tiô á hlo krâ pơlê A Blong cho môi ngế le\m ‘nâng. Pôa pêi cheăng tơtro, pôa djâ troăng ahdrối tá tơdroăng tung rơpo\ng, tá tung pơlê, phiu ro [a\ vâi krâ, rêh ối le\m [a\ vâi krâ. Tu\m tơdroăng pôa tơleăng tá hiâm mơno. Tiô á thế hriâm hên á pôa’’.

{a\ tơdroăng ki châ kuăn pơlê loi tơngah hên, krâ pơlê A Blong cho tíu loi tơngah dêi khu râ kăn pơkuâ, khu râ cheăm Mang Mrai [a\ khu mô đo#i gak kring tíu tơkăng kong tung cheăm. Krâ pơlê xuân cho ngế hiăng kum rơkong tơpui vâ báu klâng, loăng kơxu, păn to… mơnhông mơdêk krá tơniăn a tíu tơkăng kong Mang Mrai, djâ tơdroăng rêh ối rế hía rế phâi tơtô ăm kuăn pơlê Le tối krê [a\ 7 pơlê kuăn pơlê hdroâng kuăn ngo tối tơdjuôm.

Hơnăm kố hiăng 65 hơnăm, krâ pơlê A Blong xuân cho ngế ki djâ troăng ahdrối dêi mơngế Rơ Măm, kơhnâ tung mâu tơdroăng [a\ pói vâ mâu tơdroăng le\m ăm pơlê pơla:

‘’Pói tơngah má môi cho vâi krâ xăm kơklê, kơdroh kơtiê. Ma péa nếo cho rêh ối tiô troăng hơlâ dêi Đảng, luât Tơnêi têa. Pêi tơ-ê [a\ Đảng, Tơnêi têa ôh tá chiâng. Ôh tá chiâng lăm lu lâi, tơdroăng kơklêa, pá puât cho ôh tá chiâng pro. Mê cho tơdroăng krâ pơlê pói vâ má môi’’.

Mâu hâi apoăng khế 12 kố, krâ pơlê A Blong phiu ro cho môi tung 25 kăn teăng mâ dêi kong pơlê Kon Tum veăng Hneăng hôp mâu hdroâng kuăn ngo Việt Nam roh má II hơnăm 2020. Kố cho tơdroăng vâ mơhnhôk pôa thăm mơ-eăm djâ troăng ahdrối, kum vâi krâ tung pơlê Rơ Măm a kơpong tơnêi tíu tơkăng kong phâi tơtô, hơniâp ro.

Khoa Điềm chêh

A Sa Ly tơplôu [a\ tơbleăng