VOV4.Sêdang -  Vêh pêt nếo kơphế nôkố cho tơdroăng ki châ hên vâi krâ nho\ng o ki pêi chiâk pêi deăng rơhêng vâ ‘nâi ple\ng. Hngêi rak liăn Pêi chiâk pêi deăng [ă mơnhông mơdêk cheăng kâ rêh ối thôn pơlê kong pơlê Daklak xuân hiăng tơhrâ to\ng kum ăm mung 3 rơtal liăn ‘na tơdroăng ki ăm mung vêh pêt nếo kơphế. La dế nôkố, vâi krâ nho\ng o a hên tơring, cheăm tung kong pơlê xuân tá hâi châ mung kơxo# liăn ki mê. Tơbleăng tối dêi ngế chêh hlá tơbeăng ai mơnhên ‘na tơdroăng kố.

          Rơpo\ng jâ Trần Thị Liên, ối a cheăm Hòa Đông, tơring Krông Pa], kong pơlê Daklak ai vâ chê 7 sâo kơphế ki hiăng krâ, ôh tá ai plâi kơtốu hên xếo thế ko ‘nhiê vâ pêt loăng kơphế ki nếo. Jâ Liên ăm ‘nâi, rơpo\ng jâ tơmiât vâ vêh pêt nếo dêi kơphế tung kơdrum ki hiăng ton, la ôh tá ai liăn. Tung pơla mê, kuăn pơlê tung cheăm tối ăm rơpo\ng jâ ‘na kơxo# liăn to\ng kum kuăn pơlê vâ pêt kơphế jâ sôk ro khât. La tơdroăng ki sôk ro dêi rơpo\ng jâ ôh tá hâi ton drêng jâ djâ dêi hô sơ lăm mung liăn: Lăm mung, vâi tiâ tối ăm bu ăm mung tung pơla 1 troh 2 hơnăm tê, la tung 2 hơnăm mê athế mơdrếo tâi kơxo# liăn mung, pơtih pin mung 100 rơtuh ai 2 hơnăm athế mơdrếo tâi, [ă tơdroăng ki môi tiah kố á ôh tá kâi vêh pêt dêi kơphế.

          Mâu rơpo\ng ki lăm mung vâ vêh pêt kơphế ăm ‘nâi, mơhé troăng hơlâ kơjo kum hiăng ai la xua ai hên hlá mơ-éa ki athế chêh tối tơvâ tơvân, tơdroăng ki kố ki mê, môi tiah mơnhên tu\m tơdroăng ki vâ vêh pêt hdrê loăng, xua ối tung kơpong ki pêt kơphế châ kong pơlê pơkâ, pêi pro tiô tơdroăng pơkâ ki vêh pêt tơmeăm xua Khu xiâm ngăn ‘na chiâk deăng [ă mơnhông mơdêk cheăng kâ rêh ối thôn pơlê pơkâ mê ôh tá iâ kuăn pơlê tô tuăn. Pák^ng mê, tơdroăng ăm mung liăn vâ vêh pêt kơphế nôkố châ ăm ‘no liăn ăm mung tiô rơnó pêi pêt hdrê loăng a hơnăm ki apoăng pêi, tơnêi pêt ki nếo châ mung 80 rơtuh tung môi ha, hơnăm má 2 châ mung 30 rơtuh, hơnăm má 3, má 4 châ mung 40 rơtuh liăn. Tơkéa vâ tối, tung pơla mê mâu ngế ki pêt châ mung sap ing 130 troh 150 rơtuh liăn vâ vêh pêt nếo kơphế tung 1 ha tơnêi deăng. La kuăn pơlê ôh tá châ mung 1 hdroh mê athế mung hên hdroh tung hên hơnăm. Tơdroăng kố pro pá ăm kuăn pơlê drêng rơhêng vâ broăng liăn vâ pêi cheăng kâ. Mê kuăn pơlê xuân ôh tá rơhêng vâ xếo [ă tơdroăng ki lăm mung. Pôa Nguyễn Văn Minh, kăn pho\ hnê ngăn Vi [an tơring }ư\ Mgar ăm ‘nâi: Cho khât, hngêi rak liăn xuân ai hên troăng hơlâ pơkâ kô kum  mâu tơdroăng ki xơpá, môi tiah tơnêi deăng dêi kuăn pơlê ôh tá êa athế mơnhên ngăn ki dâi le#m, rơpo\ng ki lâi tá hâi ai hlá mơ-éa mơnhên ăm phêp rak xúa tơnêi bu kal ai hlá mơ-éa mơnhên dêi khu kăn pơkuâ tơring, cheăm [ă hên tơdroăng ki ê. Laga, tơdroăng ki rơhêng vâ mung liăn dêi kuăn pơlê gá kal khât, hngêi rak liăn pêi chiâk pêi deăng bu ăm mung a kơlo 150 rơtuh tung 1 ha xo. Tung pơla 4 hơnăm kuăn pơlê ôh tá ai kơxo# liăn ing lâi ki ê tâng vâ vêh pêt kơphế, tơdroăng ki pêt prá alâi mê kơxo# liăn pêi lo gá iâ, kuăn pơlê ôh tá rơhêng vâ [ă kơxo# liăn ki ăm mung dâng mê.

          Daklak cho kong pơlê ki ai [ăng tơnêi pêt kơphế kân má môi tung lâp tơnêi têa, châ lối 203 rơpâu ha, tung mê, ai lối chât rơpâu ha deăng kơphế ki hiăng krâ kal athế vêh pêt ki nếo. Vâ kum ăm tơdroăng pơkâ vêh pêt nếo ai 27 rơpâu ha kơphế ki hiăng krâ, hơnăm 2013 hngêi rak liăn kum ‘na pêi chiâk pêi deăng [ă mơnhông mơdêk cheăng kâ rêh ối thôn pơlê hiăng tơhrâ to\ng kum lối 3 rơpâu rơtal liăn. La troh nôkố, klêi lối 3 hơnăm tối tơbleăng bu nếo ai 31 ngế tơmối châ mung xo kơxo# liăn, [ă kơxo# liăn che\n ki hâi mơdrếo ai 51 rơtal, ăm tơdroăng vêh pêt nếo lối 600 ha. Vâ pro tơ’lêi hlâu ăm tơdroăng ki mung liăn vêh pêt kơphế, pôa Tăng Hải Châu, kăn pho\ pơkuâ ngăn Hngêi rak liăn Tơnêi a tíu pêi cheăng Daklak pâ thế: Chin phuh kal xúa kơxo# liăn tơnêi têa vâ pôi tá mơdrếo liăn tơkâ ăm mâu ngế ki vêh pêt kơphế tung pơla kơphế tá hâi ai plâi vâ kuăn pơlê hmiân tuăn. Ki má 2, to\ng kum hdrê ăm mâu ngế ki vâ vêh pêt ki nếo, xua kố xuân cho rôh vâ pin hơ’lêh dêi kơdrum kơphế [ă mâu hdrê ki dâi le\m. Peăng pá kong pơlê, athế ai tơdroăng ki tối tơbleăng, hnê mơhno ăm kuăn pơlê vêh pêt kơphế ki nếo, mê pin nếo châ tơ-[rê ‘na tơdroăng pơkâ ki vêh pêt nếo kơphế.

          Ki khât gá ăm hlo, kuăn pơlê xuân dế tơchăng tơmiât xêh vâ vêh pêt nếo kơphế ki hiăng krâ tung pơla ai hên mâu tơdroăng ki xơpá. Troăng hơlâ ăm mung liăn vâ vêh pêt kơphế gá kal khât, la kal châ kơdroh tơdroăng ki xơpá vâ kuăn pơlê châ mung xo kơxo# liăn tơ’lêi hlâu tâ.

Gương prế Katarina Nga tơplôu [ă tơbleăng