VOV4.Sêdang - Kơpong kong tung pơlê kong kơdrâm Đà Lạt, tá tung mâu kơdrum hngêi ki le\m, mâu tíu ngăn tơdroăng khôp, hngêi trung, tíu pêi cheăng [ă hía hé kô pơtối rak vế, mơdêk pro kơtăng tung mâu hơnăm la ngiâ. Mê cho tơdroăng pơkâ châ Vi [an hnê ngăn kong pơlê Lâm Đồng k^ pơkâ vâ pơtối rak vế, mơdêk pêt kong loăng dêi Đà Lạt. Nôkố tâi tâng tơnêi kong tung pơlê kong kơdrâm Đà Lạt lối 320 ha, ki hên kong loăng hngó ki chiâng xêh, loăng ki pêt u tâi u tá [ă mâu loăng mê hiăng krâ. Kong pơlê Lâm Đồng pơkâ nhên rơtế [ă tơdroăng rak ngăn krâu khât, rak ngăn kơtăng kơxo# loăng ngiât dế kố, pak^ng mê hnối pêt tơ’nôm mâu loăng hngó 3 kơtâ hlá [ă mâu loăng ki le\m pá kơdâm kong, pêt loăng u tâi u tá tung kơdrum hngêi ki le\m, tíu pêi cheăng, hngêi trung, a hngêi pơkeăng [ă hía hé, tiô tơnêi ki ai nôkố [ă mơhnhôk kuăn pơlê pêt loăng ngiât, pêt reăng tung kơdrum hngêi ối, pak^ng tơnêi ki rơlối dêi tơnêi pêi chiâk. Tâi tâng kơxo# liăn pêi pro tơdroăng tơkêa pơtối pêt kong tung pơlê kong kơdrâm Đà Lạt sap nôkố ta troh hơnăm 2020 ai 10 rơtal liăn.

Gương tơplôu [ă tơbleăng