VOV4.Sêdang - Vi [an hnê ngăn kong pơlê Lâm Đồng nếo pơkâ hlá mơéa ăm mâu khu râ, kơvâ cheăng re#ng riân ngăn kế tơmeăm ki tro lu\p dêi kuăn pơlê xua tơdroăng ki mơ’no têa ing mâu hngêi kơmăi on tơhrik ‘no a mơ’nui khế 10 [ă apoăng khế 11 tung kong pơlê, pêi pro to\ng kum kơxo# liăn vâ ‘mâi mơnhông tung pêi cheăng kâ, tơniăn tung rêh ối ăm mâu rơpo\ng kuăn pơlê ki tro lu\p. Vi [an hnê ngăn kong pơlê mơnhên tối, hnoăng cheăng ki mơ’no têa dêi mâu hngêi kơmăi tung mâu khế hiăng hluâ pro ôh tá tơniăn, tung pơla tơdroăng ki riân ngăn kế tơmeăm ki tro lu\p vâ to\ng kum ăm kuăn pơlê ối hrá. Kong pơlê pơkâ thế tung khế 12 kố, mâu kơ koan, kơvâ cheăng, kong pơlê, mâu ko\ng ti on tơhrik re#ng riân ngăn kế tơmeăm ki tro lu\p môi tiag, báu, prá, alâi, pêi pro klêi mâu troăng hơlâ kum kuăn pơlê ‘mâi mơnhông pêi cheăng kâ. Kong pơle xuân hnê mơhno mâu tíu cheăng ki tá hâi pêi klêi mâu tơdroăng ki chêl thie#n, tơnêi tơníu, long, rơchoâ, tê hngêi kơmăi on tơhrik to\ng kum kơxo# liăn ăm kuăn pơlê ki tro lu\p kế tơmeăm [ă tối tơbleăng tơdroăng ki mê ăm Vi [an hnê ngăn kong pơlê hdrối hâi lơ 30 khế 12 hơnăm 2016.

Katarina Nga tơplôu [ă tơbleăng