Nâ Mai Hoàng Trâm Trinh, môi ngế mơdró a kơchơ Chi Lăng, bêng 9, pơlê kong kơdrâm Đà Lạt ăm ‘nâi, rơpo\ng hngêi hmâ rôe hơ’nêh ki krúa tơniăn, ‘nâi xiâm rêi tíu păn [ă hlối tâk tăm po\ng ai khu pơlât mơnăn hiăng klêi khăm ngăn. Mâu ngế ki rôe kâ ối hmiân tuăn rôe hơ’nêh mâm chu ki tê a kơchơ.

‘’Môi tiah rôh hdrối nah kơdroh hên tơdroăng ki rôe mâm chu, châ vâ tơdế. Nôkố kuăn pơlê xuân ối rôe môi tiah hmâ ôh tá hlo kơdroh, ôh tá xâu klâi’’.

Tiô nâ Đào Thị Nhân, môi ngế mơdró a bêng 4, pơlê kong kơdrâm Đà Lạt, mơhé ai pơreăng châi klêa chu la kơxo# mơngế ki rôe ôh tá kơdroh, xua a hlá mơ-éa ai klâk tăm po\ng hiăng klêi khăm ngăn, mê kơ koan khu râ pơkuâ cheăng akố đi đo lăm ngăn, tâng hơ’nêh ôh tá krúa vâi rup xo hlối.

‘’Drêng troh rơnó khu chu tâ pơreăng, mâu tíu ki ê ôh tá châ tê la rơpo\ng hngêi á xuân ối châ tê môi péa to chu. Sap ing hâi ai tâ tú pơreăng troh nôkố, hngêi á xuân oh tá ai hâi ki lâi pơtê tê. Tung pơla ai tâ tú pơreăng, vâi lăm khăm ngăn krâu khât, vâi hiăng lăm séa ngăn hên hdrôh’’.

Hơ’nêh chu

A mâu siêu th^ dêi Lâm Đồng kơxo# hơ’nêh tê ôh tá kơdroh. Tâng riân yă hơ’nêh chu ki le\m kơhiâm xuân ối dâng 80.000 – 85.000 liăn/kg, ngăn tiô kô túa hơ’nêh há. 

Pôa Nguyễn Văn Sơn, ối a bêng 10, pơlê kong kơdrâm Đà Lạt ăm ‘nâi, rêm hdrôh lăm kơchơ, a hmâ rah xo rôe hơ’nêh a ngế ki a hmâ, ai tâk tăm po\ng hiăng klêi séa ngăn dêi kơ koan pơlât mơnăn.

‘’Klêi tí tăng ‘nâi ple\ng, a ‘nâi pơreăng châi klêa chu châu Phi  ôh tá hlo tâ tú a mơngế. Tâng châ kơ koan khu râ pơkuâ cheăng séa ngăn kơtăng khât [ă kuăn pơlê ‘nâi pế pơchên ăm chên khât hơ’nêh mê hdrối vâ kâ, mê kô ôh tá tơdjâk troh ivá. Xua mê, hơ’nêh chu xuân cho kơchâi kâ ki rơpo\ng hngêi á rah xo kâ rêm hâi ‘’.

Kong pơlê Lâm Đồng nôkố ai lối 463.000 to. Hlo pơreăng châi klêa chu châu Phi dế tâ tú rơ-iô, mơni kô tơ’lêi tâ tú troh lâp lu. Nếo achê kố nah, Vi [an kong pơlê nếo pơtroh hlá mơ-éa hnê mơhno ăm Vi [an mâu tơring, pơlê kong kơdrâm, kong kân rơtế [ă mâu khu ngăn mâu tíu pêi cheăng, kơvâ cheăng pơtối hnê tối krâu khât tơdroăng hbrâ mơdât pơreăng châi klêa chu châu Phi.

Pôa Phạm S-Kăn pho\ hnê ngăn Vi [an kong pơlê Lâm Đồng tối, Lâm Đồng nôkố cho môi to kong pơlê a kơpong Tây Nguyên hâi hlo tâ tú pơreăng châi klêa chu châu Phi. Mơhé tiah mê, [ă kơxo# chu hên [ă ai hên troăng prôk mot lo [ă mâu kong pơlê ki dế tâ tú pơreăng, mơni Lâm Đồng kô tơ’lêi tâ tú pơreăng châi klêa chu.

‘’Tung hơnăm nah, ngin xuân hiăng hnê mơhno tơdroăng cheăng pâk pơkeăng mơdât pơreăng, tơdroăng mơgrúa kơdroăng păn, klêi mê, xôh pơkeăng kơdê pơreăng. {ă mâu tơdroăng pêi pro ki hiăng hbrâ hdrối ‘na kơxo# mơngế pêi cheăng xuân môi tiah pâk pơkeăng vaccine, tơdroăng séa ngăn a mâu hơlâ troăng ki mot lo tung kong pơlê Lâm Đồng’’.

A Lâm Đồng, tơdroăng cheăng séa ngăn pơreăng a mâu tíu kơdê, poh, chêh hơ’nêh chu châ tơniăn ‘nâi xiâm gá [ă hiăng klêi séa ngăn. Xua mê, mơngế ki rôe xúa kô hmiân tuăn drêng rôe kâ hơ’nêh chu, hơ’nêh mâm chu ki rôe ing mâu tíu kơdê, chêh, siê [ă tê a kơchơ ki hiăng klêi khăm ngăn

Tuấn Anh chêh

Gương tơplôu [ă tơbleăng