Tung mâu khế hơnăm hiăng luâ, a kong pơlê Lâm Đồng hiăng hlo ai hên tíu po xah hêi đie#n tưh-game ki pe\ng ká. Maluâ hiăng châ ăm phêp po tiô tơdroăng xah hêi, la ki păng ‘nâng cho túa xah kâ liăn, tong kâ liăn dêi mơngế ki git xah.

Apoăng tơdroăng kố cho bu xah hêi tê, ngế ki pe\ng châ pe\ng ká hên kô châ ăm điêm hên vâ pơtối xah nếo. Klêi kơ’nâi hiăng ai hên ngế mot xah hêi, mâu tíu ki po xah hêi mê hiăng hơ’lêh chiâng tơdroăng xah kâ liăn.

Tiô tơdroăng ki lăm séa ngăn dêi ko\ng an, tâi tâng mâu kơmăi ki pe\ng ká kố pơrá rôe kơmăi ki ôh tá ai hlá mơ-éa phêp, ôh ti ai hlá đơn [ă kơmăi ki mê xuân ôh tá ‘nâi xiâm kối ing lâi mơjiâng pro. Ki rơhêng vâ tối akố, mâu kơmăi ki pe\ng ká kố pơrá krâ phần mềm, chiâng vâ pro tơdroăng xah hêi ing tơ’lêi troh pá, xua ti mê, mơngế ki mot xah hêi a kố ôh ti la lâi kâi châ [lêi kơmăi. Mâu ngế ki po tíu xah hêi kố apoăng hmâ pro kơmăi thu, vâ mơngế ki xah mê hâk hmuât vâ pơtối xah roh ki ê nếo, klêi mê, pro ăm mơngế ki xah rế hía rế pá, hmâ hlo, vâi pro ăm mơngế ki xah bú châ kâ 3 tê la thu kơmăi 7, thu hên tâ, châ kâ liăn dêi mơngế xah tê kơtê. Ing tơdroăng ki xah pe\ng ká mê, hiăng pro hên rơpo\ng a kong pơlê Lâm Đồng tơhôu tơhêng, tơlôi dêi pó, liăn ngân, kế tơmeăm hía tâi tâng.

Tiô pôa Nguyễn Thế Hùng, Kăn pho\ séa ngăn tơdroăng cheăng dêi Khu pơkuâ mơhno mơjiâng túa le\m tro [ă ôm hyô kong pơlê Lâm Đồng tối, lâp kong pơlê ai lối 170 tíu po xah hêi đie#n tưh pe\ng ká hiăng châ ăm hlá mơ-éa phêp, tâi tâng hiăng ai lối 260 toăng kơmăi pe\ng ká. Pôa Nguyễn Thế Hùng, tối ăm ‘nâi:

‘’Tung mâu khế hơnăm hiăng luâ, a kong pơlê Lâm Đồng hlo ai hên tíu ing rôe ‘măn kơmăi xah pe\ng ká, chiâng tơdroăng xah kâ liăn. Khu kăn pơkuâ ‘na mơhno túa le\m tro [ă ôm hyô hiăng rơtế [ă ko\ng an kong pơlê Lâm Đồng tối tơbleăng ăm Vi [an hnê ngăn pơkâ mơjiâng khu ki vâ ‘nhê tah lôi tơdroăng xah hêi kâ liăn ki ‘nhiu ‘nháu kố. Ki păng ‘nâng, ing tơdroăng xah hêi chiâng tơdroăng kâ liăn khât, tơkéa vâ tối, xo liăn dêi ngế ki xah mê tê kơtê. Hên rơpo\ng hiăng chiâng tơhôu tơhêng, tơxiăn tơpâm, tơlôi dêi pó, hngêi trăng, kế tơmeăm tê dêi tâi, pro chiâng ‘mêi troh tơdroăng rêh kâ ối dêi kuăn pơlê, ing mê chiâng ai tơdroăng tơko, tơpâk dêi pó, che\n dêi pó tung pơlê pơla. {ă tơdroăng ki xah hêi tơviah kố, khu ki po tíu xah đie#n tưh mê châ kâ liăn dêi mơngế git xah mê xo xo’’.

{ă tơdroăng kơdo mơ-eăm kho\m châ ‘nhê mâu tíu xah hêi ôh ti tro luât kố, Vi [an hnê ngăn kong pơlê Lâm Đồng hiăng mơjiâng Khu lăm séa ngăn ai inâi 221, ai veăng dêi hên khu ki tơdjâk, tung mê, khu Ko\ng an kong pơlê Lâm Đồng pro xiâm. Klêi kơ’nâi mơjiâng khu lăm séa ngăn, vâi hiăng prôk mot, tí tăng ‘nâi nhên tung mâu tíu ki po xah hêi đie#n tưh lâp kong pơlê. Klêi lăm séa ngăn tiah mê, hiăng châ rup, tơleăng hên khu ngế, rơpo\ng ki po tíu xah đie#n tưh, xo kâ liăn kuăn pơlê tê kơtê.

Jâ Đỗ Thị Bảy, kăn môi rơpo\ng ki po tíu xah đie#n tưh pe\ng ká a pơlê kân Liên Nghĩa, tơring Đức Trọng, kong pơlê Lâm Đồng tro rup tơleăng ‘na tơdroăng kố, ai tối:

‘’Á hiăng ‘nâi dêi tơdroăng á pro cho xôi, á khoh chiâng xôi ti mê xua á ôh ti hlê ple\ng ki klâi ‘na mơ-éa, ôh tá hlê ple\ng klâi chư, mê á khoh pro tơdroăng ai xôi luât’’.

Ing tơdroăng pêi dêi hnoăng cheăng kơhnâ khât, kơtôa i kí dêi khu ko\ng an kong pơlê Lâm Đồng mê hiăng châ rup 136 kơmăi pe\ng ká, tơdrêng amê, tối tơbleăng ăm Vi [an hnê ngăn kong pơlê Lâm Đồng mơjiâng Khu ki lăm ‘nhê mâu kơmăi pe\ng ká kố. Thươ\ng tă Lê Thái, Kăn pho\ [ơrô Kan sat ngăn ‘na pêi cheăng kâ, Ko\ng an kong pơlê Lâm Đồng ai tối:

‘’Klêi kơ’nâi rup xo mâu kơmăi đie#n tưh mê, Vi [an hnê ngăn kong pơlê Lâm Đồng hiăng pơkâ mơjiâng khu ki vâ ‘nhê lôi tâi tâng kơmăi pe\ng ká mê. Ing tơdroăng mê ăm hlo, kố cho túa cheăng ki tơ-[rê [ă châ tâi tâng kuăn pơlê vâ môi tuăn. Tơdrêng amê, hiăng châ mơdât tơdroăng ki ôh ti tơniăn dêi tơdroăng, ing tơmeăm xah hêi game mê vâ tong xo liăn dêi kuăn pơlê tê kơtê’’.

Ki hiăng ăm pin hlo nhên, drêng ai tơdroăng xah game - đie#n tưh pe\ng ká chiâng tơdroăng tong kâ liăn dêi kuăn pơlê, kơnôm ai tơdroăng pêi pro kơtăng khât dêi ko\ng an kong pơlê Lâm Đồng khoh châ mơdât lôi tơdroăng ki ‘nhiu ‘nháu. La păng ‘nâng dế kố, kơmăi đie#n tưh pe\ng ká xuân ối hlo tê mơdró hên a mâu hngêi kơchơ, ai yă kơnâ sap 15 troh 70 rơtuh liăn 1 toăng, xua mê, ki ‘ló ga ôh ti chiâng ăm phêp po mâu tíu xah đie#n tưh mê, [ă athế pơkuâ ngăn đi đo tơdroăng tê mơdró tơmeăm xah hêi, pơkal pro kơtăng ó tâ nếo ‘na tơdroăng xah kâ liăn dêi pó. {ă kuăn pơlê ki git xah, kal athế hlê ple\ng nhên, mâ tá tí tăng loi tơngah dêi tơná châ kâ liăn ing kơmăi mê, pôi tá hêng lăm xah a mâu tíu ki pơlông mê, athế rak vế dêi liăn ngân, tơmeăm khoăng [ă ivá dêi tơná.

                                                                                                            Quang Sáng chêh

Nhat Lisa tơplôu [ă tơbleăng