VOV4.Sêdang - Rêm hơnăm, ai dâng 8 rơpâu troh 10 rơpâu ngế pêi cheăng troh a Lâm Đồng tí tăng pêi mâu tơdroăng cheăng, la mâu khu ki tí tăng leăm tơdroăng cheăng bu pơkuâ ngăn dâng 1/10 tung kơxo# kuăn mơngế ki mê. Dế nôkố, dế mot tung rơnó krí kơphế, mơngế pêi cheăng ing tíu ê troh a kong pơlê kố krâm ó khât. Xua ti mê, pro ti lâi vâ khoh châ tơniăn hnoăng cheăng ăm mơngế pêi cheăng, ngế pơkuâ rah mơngế pêi cheăng, tơdrêng amê, hnối kring vế, rak ngăn tơniăn tơdroăng rêh kâ ối a kong pơlê kố?

Nâ Vũ Thị Thu, pơkuâ môi ko\ng ti tí tăng leăm tơdroăng pêi cheăng a tơring Lâm Hà, kong pơlê Lâm Đồng tối ăm ‘nâi, tiô tơdroăng pâ thế dêi kơ koan ai tơdjâk, tung pơla tí tăng leăm mơngế pêi cheăng, ko\ng ti athế châ ‘nâi tu\m têk mâu tơdroăng ‘na mơngế pêi cheăng hdrối vâ ‘mot vâi ki mê mot pêi cheăng, ki ê nếo, péa pâ xuân athế trâm mâ, tơpui tơno, môi tuăn mâu tơdroăng cheăng vâ pôi tá ai mâu tơdroăng ki xía vâ. Nâ Vũ Thị Thu ai tối:

‘’Tâng ai mơngế pêi cheăng troh, mê pin athế chêh inâi vâi pơtroh ăm tơring, kong pơlê ‘nâi, pin athế êng i nhên ‘na tơdroăng cheăng, kơlo kâ liăn khế [ă hía hế. Pak^ng mê, pin xuâ athế hnê tối mơngế pơkuâ cheăng, khu ki rah xo mơngế cheăng athế pêi pro tro hnoăng cheăng vâ ăm mơngế cheăng mê chêh inâi mot rêh ối tung pơlê cheăm ki rơpo\ng hngêi, lơ môi ngế tơná vâi rêh ối’’.

Mơngế pêi cheăng ki lo ing tíu ê troh cheăng a Lâm Đồng krí kơphế

Pak^ng ‘nâi nhên on veăng, rơpo\ng hngêi dêi mơngế pêi cheăng, athế chêh tối i nhên inâi, hâi khế hơnăm, tíu ối tro tiô tơdroăng pơkâ, khu kăn pơkuâ tơring cheăm xuân ối pơchân tối, hnê tối ‘na hnoăng cheăng hbrâ mơdât pơreăng COVID-19. Tiô pôa Bùi Đức An, Kăn pho\ hnê ngăn Vi [an pơlê kân Nam Ban, tơring Lâm hà tối, pak^ng kơxo# kuăn pơlê ki pêi a mâu tơdroăng cheăng ki ê, mê, mơngế ki cheăng krí kơphế tiô rơnó hiăng tâk hên ó, pro tơdroăng pơkuâ ngăn trâm hên xahpá. Xua ti mê, sap apoăng rơnó krí kơphế, mâu tơring cheăm hiăng mơ’no pêi pro mâu tơdroăng pơkâ dêi luât.

‘’{ă tơring, cheăm mê hiăng tơku\m tơleăng mơnhên mâu tơdroăng cheăng ki ai tơdjâk troh tơdroăng ki mot rêh ối pơtân tung kơpong kố vâ krí kơphế ăm kuăn pơlê. Ki rơhêng vâ tối, tơdroăng cheăng hbrâ tơplâ mơdât hiăng châ pêi pro ki ahdrối, tro tiô tơdroăng pơkâ thế dêi Ngế pro xiâm hnê ngăn Chin phuh [ă tơdroăng hnê mơhno tối dêi Vi [an hnê ngăn kong pơlê Lâm Đồng’’.

Khu râ, kơvâ cheăng pơkuâ mơngế cheăng troh a Lâm Đồng pêi cheăng

Tiô pôa Đinh Đức Chí, Kăn pho\ hnê ngăn Vi [an tơring Lâm Hà, kong pơlê Lâm Đồng ăm ‘nâi, pơla hdrối kố nah, hnoăng cheăng pơkuâ ngăn mơngế ki cheăng lo ing mâu kong pơlê ê pêi pro tá hâi teăm tơniăn mê khoh chiâng ai tơdroăng ki ôh tá tơniăn tung tơring, cheăm, khoh chiâng ai tơdroăng kơdê kuăn mơngế, ngế ki kơdê kuăn mơngế mê cho ngế ki tí tăng pêi cheăng. Vâ pôi tá ai xếo tơdroăng kố, tung 2 hơnăm achê pơla kố, hnoăng cheăng pơkuâ ngăn mơngế cheăng mê đi đo châ pêi pro kơtăng [ă ó khât. Kơnôm tiah mê, tơdroăng rêh ối tung mâu tơring cheăm hiăng đi đo châ kring vế, rak ngăn tơniăn, ôh tá ăm ai mâu tơdroăng ki xâu xía pơla mơngế ki pêi cheăng [ă mơngế ki xo mơngế pêi cheăng.

‘’Vâ pơkuâ ngăn mơngế cheăng ki lo ing tíu ê troh mot pêi cheăng, mê tơring hiăng thăm mơdêk tơdroăng tí tăng séa ngăn mâu khu ki pơkuâ tơdroăng cheăng vâ vâi pêi cheăng tro tiô luât pơkâ. Hnê thế mâu kơvâ cheăng ko\ng an [ă mâu tơring cheăm thăm mơdêk tơdroăng pơkuâ ngăn mơngế ki pêi cheăng lo ing tíu ê. Hnê tối ăm khu rah xo mơngế cheăng kal pêi pro kơtăng khât tơdroăng pơkuâ ngăn, athế ‘nâi nhên xiâm rêi dêi mơngế pêi cheăng, thăm mơdêk mâu tơdroăng tơru\m pơla Tổ Liên gia, Khu pơkuâ ngăn mâu [ơrô, Ko\ng an mê thăm mơdêk tơdroăng lăm séa ngăn vâ rak tơniăn kế tơmeăm, kơphế, tiu, xuân hnối vâ kring vế tơdroăng rêh ối tơniăn ăm kuăn pơlê’’.

Dế nôkố, tâng vâ riân rêm hơnăm mâu tơring, cheăm tung kong pơlê Lâm Đồng pơtối tơdah xo sap ing 8 rơpâu troh 10 rơpâu ngế ki pêi cheăng lo ing mâu tíu ki ê, vâi ki mê cho khu ki pêi hên tơdroăng cheăng. Tâng vâ tối, mê cho mâu ngế pêi cheăng ki krí kơphế, pêi tung kơdrum; pêi viâ tung mâu hngêi ôu kâ, koi ối pơtê [ă hên mâu tíu ki ê. Tung pơla mê, kơxo# mơngế ki pêi cheăng ki kơnôm mâu ko\ng ti, tíu xiâm mơhno tối cheăng pêi, bu pêi ai dâng 700 troh 800 ngế, ki u ối cho mơngế lo ing tíu ê troh lăm pôu [ă pâ pêi cheăng a mâu rơpo\ng hngêi, khu mơdró dế kal mơngế cheăng.

Xua ti mê, vâ pêi pro le\m tro ‘na hnoăng cheăng pơkuâ ngăn, mâu tơring cheăm hiăng pơkâ thăm pêi pro kơtăng khât tung tơdroăng pơkuâ ngăn mơngế pêi cheăng, thăm mơdêk tơdroăng séa ngăn, ing mê, athế hbrâ rơnáu tơplâ mơdât [ă khu ngế ki pro xôi, kring vế tơniăn tơdroăng rêh ối a mâu pơlê cheăm, tíu ki ai krâm mơngế pêi cheăng lo ing tíu ê. {ă khu mơdró kâ, drêng xua mơngế pêi cheăng athế ai tơdroăng tơkêa [ă ko\ng an dêi tơring cheăm tung hnoăng cheăng pơkuâ ngăn, xúa mơngế, tí tăng ‘nâi nhên ‘na xiâm rêi, on veăng, rơpo\ng hngêi dêi tơrêm ngế ki troh lăm pêi cheăng, athế mơhno dêi hlá kiêm tra, um méa dêi mơngế pêi cheăng [ă hên mâu tơdroăng ki ê.

Ki păng ‘nâng, [ă tơdroăng ki tí tăng êng mơnhên dêi rêm râ, mâu khu râ, kơvâ cheăng [ă pêi pro le\m tro tiô pơkâ ‘na chêh tối tíu ki rêh ối pơtân, pơkuâ ngăn tơniăn mơngế ki lo ing tíu ê troh pêi cheăng, hnối to\ng kum ăm mơngế cheăng mê ai cheăng pêi tơniăn [ă châ mơhá liăn ngân, thăm mơdêk hiâm mơno ki hbrâ mơdât tơdroăng xía vâ, tí xê to vâ kring vế rak ngăn tơniăn to ‘na rêh kâ ối dêi kuăn pơlê, mê ối ai troăng hơlâ ki vâ pơkuâ ngăn mơngê pêi cheăng, khu ki rah xo mơngế cheăng a mâu tơring cheăm tung lâp kong pơlê Lâm Đồng tung rơnó krí kơphế dế nôkố.

Quang Sáng chêh

Nhat Lisa tơplôu [ă tơbleăng